«قازىر ول جەردە كوميسسيا جۇمىس ىستەپ جاتىر. وسى ورايدا ولار وزدەرىنىڭ تۇجىرىمىن مالىمدەۋى ءتيىس. جەرگىلىكتى اتقارۋشى ورگاندار كوميسسيامەن بىرلەسە بارلىق ءمان-جايدى باياندايدى. مەنىڭ بىلۋىمشە, بۇل نىسان جىلۋ ەلەكتر ورتالىعىنىڭ 10 جىلدان استام ۋاقىتتان بەرى جۇمىس ىستەمەي تۇرعان بولىگى. اتالعان ايماقتا تازارتۋ جۇمىستارى ءجۇرزىلىپ, ەسكى نىسان ءسۇرىلىپ جاتقان بولاتىن. تاجىريبەگە سۇيەنسەك, ەگەر دە وسىنداي جاعدايدا ادامداردىڭ ءومىرى قيىلسا, وندا تەحنيكالىق قاۋىپسىزدىڭ ەرەجەسى بۇزىلعاندىعى انىقتالادى. سوندىقتان دا كوميسسيا بارلىعىن زەردەلەپ, ءتيىستى قورىتىندى شىعارادى», دەدى بوزىمباەۆ ماجىلىستەگى ۇكىمەت ساعاتىنان كەيىن.
ايتا كەتەيىك, 14 مامىردا ساعات 18:20-دا بۇزۋ جۇمىستارىن جۇرگىزۋ بارىسىندا قىزىلورداداعى جەو مۇرجاسى «التىن لتد» جشس-نىڭ ەكى جۇمىسشىسىنىڭ ۇستىنە قۇلاپ كەتتى. ولاردىڭ ءبىرى وبلىستىق مەديتسينا ورتالىعىنا جەتكىزىلدى, ەكىنشىسى وقيعا ورنىندا قازا تاپتى.
