«وتكەن بەيسەنبىدەن باستاپ استانادا پوليتسەيلەرمەن بىرگە جولداردا ە-ايىپپۇل جۇيەسىن تەستىلەۋدەن وتكىزىپ جاتىرمىز. كوميتەت تاراپىنان دايارلانعان اتالعان جۇيە پوليتسيا قىزمەتكەرلەرىن قاعازباستىلىقتان بوساتۋعا نەگىزدەلگەن. كوميتەت پروكۋرورلارى پوليتسيلەيلەرمەن بىرگە قالانى بىرگە ارالاپ, پلانشەتتەردىڭ جۇمىسىن باقىلاپ ءجۇر. وسى ورايدا جۇيەنىڭ جۇمىسى ەگجەي-تەگجەيلى تەكسەرىلۋدە», - دەپ جازدى ب. مۋسين.
پلانشەت كومەگىمەن پوليتسەيلەر ايىپپۇل جازۋمەن قاتار, جسن ارقىلى جۇرگىزۋشى تۋرالى بارلىق قاجەتتى مالىمەتتەردى, ياعني كولىك پەن قۇقىق بۇزۋشىلىقتار تۋرالى جانە باسقا دا دەرەكتەردى جىلدام انىقتاي الادى.
باعدات ءمۋسيننىڭ ايتۋىنشا, پوليتسيا قىزمەتكەرلەرى جاڭا جۇيەنى تەستىلەۋ بارىسىندا كەيبىر تۇزەتۋلەردى ەنگىزۋ جايىندا ءوتىنىم ءبىلدىردى. ماسەلەن, ەگەر دە جول ەرەجەسىن بۇزۋشى ەلەكتروندى حاتتاماعا قول قويۋدان باس تارتسا, وندا فاكتىنى ناقتىلاۋ ءۇشىن كۋاگەرلەرگە ارنالعان ارنايى جولاقتى ەنگىزۋ قاجەت.
«جالپى, جۇيە جاقسى جۇمىس ىستەپ تۇر. بولاشاقتا پلانشەتتى پايدالانا وتىرىپ, تەحنيكالىق بايقاۋدىڭ جانە ساقتاندىرۋ ءپوليۋسىنىڭ بار نەمەسە جوقتىعى تەكسەرىلەدى. وسى ارقىلى, جۇرگىزۋشى تەكسەرۋگە تەك جۇرگىزۋشى كۋالىگىن جانە جەكە كۋالىكتى (قاجەت بولعان جاعدايدا) عانا ۇسىنادى, ال قالعان مالىمەتتەردى پوليتسەيلەر پلانشەتتەن كورە الادى», - دەدى ول.
