ء«بىرىنشى, جولدىڭ كۇننەن كۇنگە ءوسىپ كەلە جاتقان ترانزيتتىك پوتەنتسيالىن ءتيىمدى پايدالانۋ ءۇشىن تاۋار اعىمىن جەڭىلدەتۋ كەرەك. ول ءۇشىن قىزمەت ساپاسىن ارتتىرۋ, اكىمشىلىك كەدەرگىلەردى الىپ تاستاۋ سياقتى جۇمىستار جاساۋ قاجەت. بۇل باعىتتا قازاقستان ناقتى شارالار قابىلداپ جاتىر. دەگەنمەن, اتالعان جۇمىستى ىسكە اسىرۋ ءتيىستى قارجىنى تالاپ ەتەدى. سوندىقتان ازيا بانكى وسىنداي باعدارلامالاردى بەلسەندىرەك قارجىلاندىرعانى ءجون دەپ سانايمىن, ويتكەنى ول بولاشاققا سالىناتىن ينۆەستيتسيا بولماق» دەدى ەلباسى.
ەكىنشى ماسەلە رەتىندە قازاقستان باسشىسى جىبەك جولى بويىندا ازىق-ت ۇلىك قاۋىپسىزدىگىن ساقتاۋ ماقساتىندا اۋىل شارۋاشىلىق كووپەراتسيالارىن دامىتۋدىڭ ماڭىزىن ايتتى. ال ءۇشىنشى پۋنكت عىلىم مەن تەحنيكاعا بايلانىستى. ء«ۇشىنشى – ءبىز يننوۆاتسيالىق جانە عىلىمي-تەحنيكالىق دامۋ سالاسىنداعى بايلانىستاردى تەرەڭدەتۋىمىز كەرەك. عىلىمي-زەرتتەۋ جانە تاجىريبەلىك-كونسترۋكتورلىق جۇمىستار ورتالىقتارىنىڭ جوباسىن بىرلەسە قارجىلاندىرۋ ماسەلەسىن قاراۋعا بولادى. دوڭگەلەك ۇستەلگە قاتىسۋشى قۇرمەتتى ارىپتەستەردىڭ نازارىن اۋدارعىم كەلەتىن نارسە, قازاقستان عالىمدارى جىبەك جولى حالىقارالىق عىلىم اكادەمياسىن قۇرۋدى ۇسىنىپ وتىر. بۇل يدەيانى قىتايداعى ارىپتەستەر جانە 16 ەلدىڭ عىلىمي ورتالىقتارى قولدادى. ۇسىنىس جان-جاقتى قولداۋ تابادى دەپ ۇمىتتەنەمىز» دەدى نۇرسۇلتان نازارباەۆ.
پرەزيدەنت ءتورتىنشى ماسەلە رەتىندە قورشاعان ورتانى قورعاۋ ماسەلەسىنە توقتالدى. ول قۇرلىقتاعى ترانسشەكارالىق وزەندەردىڭ سۋ رەسۋرستارىن راتسيونالدى باسقارۋدىڭ وزەكتىلىگىن ايتتى. «بەسىنشى – «بەلدەۋ جانە جول» يدەياسىن دامىتۋدىڭ نەگىزگى شارتتارىنىڭ ءبىرى قاتىسۋشى ەلدەر اراسىنداعى ءوزارا سەنىم جانە ولاردىڭ تەڭ دارەجەدە جان-جاقتى ىنتىماقتاستىققا دايىن بولۋى. بۇعان فورۋمدى الداعى ۋاقىتتا تۇراقتى وتكىزىپ وتىرۋ ۇلەس قوسار ەدى. بۇل پروتسەستە ازياداعى ءوزىم سەنىم شارالى جونىندەگى كەڭەس جاقسى كومەكشى بولا الادى» دەدى قازاقستان باسشىسى.
نۇرسۇلتان نازارباەۆ «بەلدەۋ جانە جول» باستاماسىن كوتەرۋ ارقىلى قىتايدىڭ الەمگە ايماقتىق كووپەراتسيانىڭ جاڭا ۇلگىسىن كورسەتكەنىن ايتتى. «جىل سايىن تىنىق مۇحيتى مەن اتلانتيكا ارالىعىندا جاڭا ءارى جىلدام مارشرۋتتار اشىلۋدا. ولاردىڭ ارقاسىندا تەك ەۋرازياداعى ساۋدا كولەمى 2020 جىلعا قاراي 1,2 تريلليون دوللاردان اسادى دەگەن بولجام جاسالىپ وتىر» دەدى نۇرسۇلتان نازارباەۆ.
ەسكە سالا كەتەيىك, 14-15 مامىر كۇندەرى پەكيندە «بەلدەۋ جانە جول» اتتى حالىقارالىق فورۋم ءوتىپ جاتىر. وعان 20-دان اسا ەلدىڭ مەملەكەت جانە ۇكىمەت باسشىلارى قاتىسۋدا.
