جەڭىس داڭقى كومەسكىلەنبەيدى
اقپارات جانە كوممۋنيكاتسيالار ءمينيسترى داۋرەن اباەۆ قازىرگى قازاقستاندىق ءۇشىن 9 مامىر – جەڭىس كۇنى اسا قىمبات مەرەكە دەپ ەسەپتەيدى. ونىڭ پىكىرىنشە, ەل حالقىنىڭ 99 پايىزى بۇل كۇننىڭ قۇنىن جاقسى بىلەدى.
«بارشامىز بۇل مەيرامدى جاقسى كورەمىز جانە قۇرمەتتەيمىز – باستىسى دا وسى. قالعانىنىڭ ءبارى, مەنىڭ ويىمشا, ساياساتتىڭ شارۋاسى. باستى يدەولوگيا مىنادا: ءبىز بۇل مەرەكەنى ەلەۋسىز قالدىرماي, جىل سايىن اتاپ ءوتىپ كەلەمىز. مەملەكەت باسشىسى جىل سايىن «ماڭگىلىك الاۋعا» گۇل شوعىن قويىپ, ارداگەرلەردى قۇتتىقتايدى», دەدى مينيستر «حابار» تەلەارناسىنداعى «وتكرىتىي ديالوگ» جوباسى شەڭبەرىندە سويلەگەن سوزىندە.
سونداي-اق, داۋرەن اباەۆ «ماڭگىلىك پولك» شاراسىنا قولداۋ ءبىلدىردى. «ماڭگىلىك پولك مارشىنا قاتىستى مەنىڭ جەكە ۇستانىمىم – ونى قولدايمىن, ويتكەنى بۇل – ادامداردىڭ وزدەرىنىڭ مايداندا قازا تاپقان نەمەسە ۇلى وتان سوعىسى كەزىندە اسكەري قىزمەتتە بولعان اتا-بابالارىنا دەگەن ەستەلىگى. ەڭ باستىسى وسى. سوندىقتان, بۇل قادامدى ءبىزدىڭ قولداعانىمىز ءجون», دەدى ۆەدومستۆو باسشىسى.
قاۋىپسىزدىك – حالىق ءۇشىن قاجەت شارا
10 مامىردا استانادا «قۇقىق ءتارتىبى» دەپ اتالاتىن جەدەل-تاجىريبەلىك شارا باستالعان بولاتىن. ول 30 مامىرعا دەيىن جالعاسادى. اتالعان شارا اياسىندا قۇجاتتاردى كۇشەيتىلگەن رەجىمدە تەكسەرۋ جۇرگىزىلەدى.
«استانادا تۇراتىن ازاماتتار, زاڭ بويىنشا, بارلىق ەرەجە بويىنشا تۇراقتى تۇراتىن جەرىندە تىركەلۋى ءتيىس نەمەسە ۋاقىتشا تىركەۋدە بولۋى كەرەك. بۇل – قالىپتاسقان تاجىريبە. مەنى ادامداردىڭ وسى ماسەلە الاڭداتاتىنى تاڭعالدىرادى. استانادا تۇراتىن ءتارتىپ بۇزبايتىن ازاماتتارعا, وسىندا ءۇي-جايلارى بار جانە جۇمىس ىستەيتىن ادامدارعا الاڭداۋعا ەش نەگىز جوق», دەپ سەندىردى مينيستر.
دارەن اباەۆتىڭ سوزىنە قاراعاندا, ەكسپو-2017 قارساڭىندا جانە ول وتەتىن كەزەڭدە قاۋىپسىزدىكتى كۇشەيتۋ – اسا قاجەتتى ۇدەرىس. ويتكەنى, ءبىزدىڭ ازاماتتارىمىز بەن كورمە قوناقتارى اسا اۋقىمدى حالىقارالىق شارا ۋاقىتىندا دەسترۋكتيۆتى شابۋىلدارعا ۇشىراماۋعا ءتيىس.
«بارشامىز ءىرى شارالار كەزىندە «قول جىلىتقىسى» كەلەتىن ەلەمەنتتەر دە وزدەرىنىڭ جىمىسقى ءىس-ارەكەتىن كۇشەيتۋگە تىرىساتىنىن بىلەمىز. سوندىقتان, مەملەكەتتىڭ ءبىرىنشى كەزەكتى مىندەتى – قازاقستان ازاماتتارى مەن شەتەلدىكتەردىڭ قاۋىپسىزدىكتەرىن قامتاماسىز ەتۋ», دەدى وسى ماسەلەگە وراي ايتقان سوزىندە ۆەدومستۆو باسشىسى.
ينتەراكتيۆتى پورتال ىسكە قوسىلادى
«قازاقستانداعى 100 جاڭا ەسىم» جوباسى شەڭبەرىندە ينتەراكتيۆتى پورتال ىسكە قوسىلۋى مۇمكىن.
«مەملەكەت باسشىسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا جۇرگىزىلىپ كەلە جاتقان قوعامدىق سانانى جاڭعىرتۋ باعىتىنداعى جۇمىستار ۋاقىت وتكەن سايىن كۇش الا ءتۇسىپ وتىر. جوبادا كورسەتىلگەن ماسەلەلەردىڭ ارقايسىسى بويىنشا جۇمىس توپتارى قۇرىلعان. وسىعان بايلانىستى كۇنى ەرتەڭ ء بىز دە جۇمىس توبىنىڭ العاشقى وتىرىسىن وتكىزەمىز. مۇندا نازار اۋداراتىن باستى ماسەلە: ءبىز تىزىمگە ەنگىزىلەتىندەر قازاقستاننىڭ شىن مانىندە جاڭا تۇلعالارى بولۋى شارت دەگەن ۇيعارىمعا كەلدىك. بۇل ارادا ءبىز ء وزىنىڭ ومىرىندە قانداي دا ءبىر تابىسقا جەتكەن ادامدار تۋرالى ايتۋعا ءتيىسپىز», دەدى مينيستر.
داۋرەن اباەۆ جوبا اياسىندا ەلىمىزدىڭ بەلگىسىز تۇلعالارى تانىستىرىلۋى ءتيىس دەپ سانايدى. «ماسەلەن, ءبىز كۇندەلىكتى جۇمىس ىستەيتىن قۇتقارۋشىلاردى, كاسىپكەرلەردى, شوۋ-بيزنەس ادامدارىن, مۇعالىمدەر مەن وقىتۋشىلاردى كورسەتۋىمىز كەرەك. جاي عانا كورسەتىپ قويماي, ولاردىڭ ءومىرىن, جەتكەن جەتىستىكتەرىن جاريا ەتۋىمىز قاجەت. بۇل جەردە ماسەلە مىنادا: بىزگە ءجۇز تاريح جاساي الاتىن, ءبىزدى ءبىر نارسەگە ۇيرەتۋ قولدارىنان كەلەتىن ءجۇز ادامنىڭ ءتىزىمىن جاساۋ مىندەت. بۇل ءۇشىن ءبىز جۇمىسى قىزىقتى بولۋى ابدەن ىقتيمال ينتەراكتيۆتى پورتال قۇراتىن شىعارمىز», دەدى ءسوزىنىڭ سوڭىندا مينيستر.
