اۋقىمدى ەكولوگيالىق سەنبىلىككە استانا قالاسى اكىمىنىڭ ورىنباسارى ەرمەك امانشاەۆ پەن قالانىڭ ءدىني بىرلەستىكتەرىنىڭ وكىلدەرى قاتىستى. استانا قالاسىنىڭ شىركەۋلەرىنىڭ باسشىسى استانالىق شىركەۋ وكرۋگىنىڭ ءدىني قىزمەتشىسى ارحيماندريت سەرگي مۇنداي شارالاردىڭ ەلوردا تۇرعىندارى مەن قوناقتارىنا ۇلگى بولاتىنىن اتاپ ءوتتى. بۇل ءتۇرلى ۇلتتار اراسىنداعى بەيبىتشىلىك پەن كەلىسىمدى نىعايتادى.
«دوستىق بىرلىك جانە كەلىسىم تۇسىنىكتەرى قازاقستاندى ەرەكشە ەلگە اينالدىرادى. بۇگىنگى شارا ءدىني كونفەسسيالار اراسىنداعى ءوزارا قارىم-قاتىناستىڭ قانداي ەكەندىگىن كورسەتتى, بۇل بۇكىل حالىققا دا قاتىستى. ءبىز ءبىر-ءبىرىمىزدى ءدىني, ۇلتتىق مەرەكەلەرمەن قۇتتىقتايمىز. قيىن كەزدە جانىمىزدان تابىلىپ. قازاقستاندى بىرگە قۇرامىز. ناق وسىنداي جىلى, شىنايى قارىم-قاتىناس قازاقستاننىڭ قارقىندى دامۋىنا جاعداي جاسايدى جانە ونى باسقا ەلدەر ءۇشىن ۇلگى قىلادى», - دەدى ءدىني كونفەسسيانىڭ باسشىسى.
سونىمەن قاتار, سەنبىلىككە قاتىسۋشىلار قوشقارباەۆ داڭعىلىنىڭ بويىنا 400-دەن اسا جاس كوشەت وتىرعىزدى, ونىڭ ىشىندە تەرەك, تاتار ۇيەڭكىسى, سونداي-اق, قاراعاي تۇرلەرى بار. بۇدان باسقا, سارايشىق شاعىناۋدانى اۋماعىندا 100 جاس كوشەت ەگىلدى, دەپ حابارلايدى «الماتى» اۋدانى اكىمى اپپاراتىنىڭ وندىرىستىك-تەحنيكالىق ءبولىمىنىڭ ماماندارى.
قالا بيلىگى كوگالداندىرۋدى دامىتۋعا ىقپال ەتەتىن وسىنداي ەكولوگيالىق شارالاردىڭ ماڭىزدى ەكەندىگىن اتاپ ءوتتى. ايتا كەتەيىك, بۇگىن سەنبىلىك قالانىڭ ءۇش اۋدانىندا ۇيىمداستىرىلدى.
