Kaspersky Lab الەم بويىنشا 74 مەملەكەتتە "WannaCry" باعدارلاماسى ارقىلى 45 مىڭ شابۋىلدى تىركەدى. كومپانيا وكىلدەرىنىڭ ايتۋىنشا, حاكەرلەر باقىلاۋعا العان كومپيۋتەردى قايتارۋ ۇشىن اقى تولەۋدى تالاپ ەتەدى. Kaspersky Lab فيرماسىنىڭ قاۋىپسىزدىك بويىنشا باس ساراپشىسى كۋرت باۋمگارتنەر قاراجات اۋدارۋعا 6 ساعات بەرىلەتىنىن ايتتى. ال Avast كومپانياسى الەم بويىنشا 36 مىڭ كومپيۋتەردە ۆيرۋس بارىن تىركەدى.
اتالعان شابۋىلدان ۇلىبريتانيادا ۇلتتىق دەنساۋلىق ساقتاۋ قىزمەتىنىڭ (NHS) 16 ۇيىمى زارداپ شەكتى. يسپانيانىڭ Telefónica تەلەكوممۋنيكاتسيا كومپانياسى دا بوپسالاۋعا تاپ بولعانىن حابارلادى. يسپانيا ۇكىمەتى دە كيبەرشابۋىل تۋرالى اقپاراتتى راستادى.
اقش-تىڭ ىشكى قاۋىپسىزدىك دەپارتامەنتى كەشە ازاماتتارعا وپەراتسيالىق جۇيەلەردى جاڭارتۋعا كەڭەس بەردى. ء"بىز وسى ماسەلەگە بايلانىستى اقپارات الماسىپ, تەحنيكالىق قولداۋ كورسەتۋگە دايىنبىز", دەلىنگەن حابارلامادا. ۆۆس-ءدىڭ حابارلاۋىنشا, اقش, تايۆان, يتاليا, قىتاي, رەسەي جانە باسقا دا مەملەكەتتەردەن وسىنداي اقپاراتتار ءالى دە ءتۇسىپ جاتىر.
