«تاريح بەتتەرىن پاراقتاساق بالقى بازار, تۇرماعامبەت, نۇرتۋعان, كەتە ءجۇسىپ, شوراياقتىڭ ومارى سەكىلدى جۇرەگىنە جىر جاۋھارىن جيناعان سىر شايىرلارى بىرىنەن سوڭ ءبىرى تىزبەكتەلىپ كەتە بەرەدى. وسىنداي تالانتتار مەن دارىندارعا سىرداريانىڭ تابانىن جايلاپ جاتقان ارال توپىراعى دا كەندە ەمەس. نۇرتۋعان, جامەت, كوپجاسار, دارىعۇلدار دۇنيەگە كەلگەن كيەلى توپىراقتان ءابدىجامىل نۇرپەيىس, مولداحمەت قاناز, ءابدىراشتىڭ جاراسقانى, قۋانىش جيەنباي, ءشومىشباي ساريەۆ سەكىلدى ارنالى اقىندار مەن جازۋشىلار تۇلەدى. وسىلاردىڭ اراسىنان سىرلى جىرلارىمەن وقىرمانىنىڭ سۇيىكتىسىنە اينالعان مىرزان ساحي ۇلىن دا ءبولىپ ايتۋعا بولادى», – دەدى ق. كوشەرباەۆ.
ءوڭىر باسشىسى مىرزان كەنجەباەۆتى مەرەيتويىمەن قۇتتىقتاپ, ايماق ەكونوميكاسىن دامىتۋعا قوسقان ۇلەسى ءۇشىن قىزىلوردا وبلىسىنىڭ قۇرمەت گراموتاسىن تابىس ەتتى. سودان سوڭ مىرزان ساحي ۇلىن ارىپتەستەرى, قر مەملەكەتتىك سىيلىعىنىڭ لاۋرەاتى, «قۇرمەت» وردەنىنىڭ يەگەرى ەسەنعالي راۋشانوۆ پەن قر جازۋشىلار وداعىنىڭ مۇشەسى مەرەكە قۇلكەنوۆ قۇتتىقتادى.
