شىعىس قازاقستان اكىمى دانيال احمەتوۆ اشىلۋ ءراسىمى الدىندا قازاقستانداعى ليتۆانىڭ توتەنشە جانە وكىلەتتى ەلشىسى ۆيتاۋتاس ناۋدۋجاسپەن كەزدەستى.
دانيال احمەتوۆ شەتەل قوناقتارىنا وڭىردىڭ ەكونوميكالىق, مادەني, تابيعي, ترانزيتتىك الەۋەتى جايلى ايتتى. اكىم ءوڭىردىڭ سيرەك كەزدەسەتىن جەر استى قازبا بايلىقتارىنا جانە «اتومدىق» الەۋەتىنە, اگروونەركاسىپتىك وندىرىسىنە باسا توقتالدى. اكىم الەمدىك تيتاننىڭ 25 پايىزى شقو-دا وندىرىلەتىنىن جەتكىزدى, مۇندا سيرەك كەزدەسەتىن مەتالدىڭ بىرەگەي ءوندىرىسى قۇرىلعان, ءوڭىردىڭ اۋىل شارۋاشىلىعى ءوندىرىسى جاقسى دامىعان.
سونداي-اق, ايماقتىڭ ترانزيتتىك الەۋەتىن ايتا كەلە, الداعى ۋاقىتتا ازيادان ەۋروپاعا ەڭ قىسقا كولىك جولى ىسكە قوسىلاتىنىنا توقتالدى. دانيال احمەتوۆ «تاچي-اياگوز» تەمىر جولىن سالۋ اياقتالعان سوڭ اشىلاتىن جاڭا پەرسپەكتيۆالار جايلى ءسوز قوزعادى.
ءوز كەزەگىندە ليتۆالىق ەلشى ۆيتاۋتاس ناۋدۋجاس وسكەمەن كۇللى الەمگە ۋران ءوندىرىسى جانە باسقا دا سيرەك كەدەسەتىن قازبا بايلىقتارىمەن قوسا كورىكتىلىگىمەن, تابيعاتىنىڭ الۋان تۇرلىلىگىمەن جاقسى بەلگىلى ەكەنىن ايتتى.
ەلشى ليتۆالىق تەڭىز پورتتارىنىڭ وراسان مۇمكىندىكتەرى جايلى حاباردار ەتىپ, ىنتىماقتاستىققا شاقىردى. كەزدەسۋدە تاراپتار تىعىز ىنتىماقتاستىقتى رەتتەۋ ماسەلەلەرىن تالقىلادى.
ء«وزارا ءتيىمدى ىنتىماقتاستىق سالالارىن تابۋعا تىرىسايىق, جۇمىس ىستەۋگە دايىنبىز. ءبىزدى اۋىلدىق ماشينا جاساۋ سالاسى قىزىقتىرادى», دەدى دانيال احمەتوۆ.
