پارتياارالىق بايلانىس نىعايادى

كەشە كورەيا رەسپۋبليكاسى پرەزيدەنتىنىڭ ەلىمىزگە مەملەكەتتىك ساپارى اياسىندا ەكى ەل ىنتىماقتاستىعىن كەڭەيتۋ ءارى تەرەڭدەتۋ ءۇشىن قولايلى جاعدايلار جاساۋعا ىقپال ەتۋى ءتيىس ەكىنشى قازاقستان-كورەيا پار­تيا­ارا­لىق فورۋمى بولىپ ءوتتى. مۇنداي ماڭىزدى شارانىڭ وتكىزىلۋى جايدان جاي ەمەس. ءويت­كەنى, قازاقستان رەسپۋبليكاسى مەن كورەيا رەسپۋبليكاسى سترا­تە­گيالىق ارىپتەستەر بولىپ تابى­لا­دى. قارىم-قاتىناستار نەگىزىن پرە­زيدەنتتەر نۇرسۇلتان نازارباەۆ پەن لي مەن باك قالاپ وتىر­عان­دىعىن ايتا كەتكەن ءجون. فورۋمدا سويلەگەن سوزىندە «نۇر وتان» حدپ توراعاسىنىڭ ءبىرىنشى ورىن­باسارى نۇرلان نىعماتۋلين بۇل تۋرالى بىلاي دەدى: «ەلباسىمىز, «نۇر وتان» حالىقتىق-دەمو­كرا­تيالىق پارتياسىنىڭ توراعاسى نۇرسۇلتان نازارباەۆتىڭ ساياسا­تى تەك ەكى مەملەكەت اراسىنداعى ديپ­لوماتيالىق قارىم-قاتىناس­تاردى تەرەڭدەتىپ قانا قويماي, سونىمەن بىرگە, پارتياارالىق ىن­تىماقتاستىقتى دا بەلسەندى تۇردە دامىتۋعا مۇمكىندىك بەرەدى». پارتياارالىق دەڭگەيدە ءارىپ­تەستىك قاتىناستار نىعايۋدا. «نۇر وتان» مەن «حاننارا» – بيلىك پارتيالارى. سونىمەن بىرگە, پارتيالار ەل دامۋىن جاڭا دەڭگەيگە كوتەرۋگە ۇمتىلعان ساياسي ۇي­ىم­دار رەتىندە بەلگىلى. ەكى پارتيا ارا­سىندا قول قويىلعان بىلتىر­عى حاتتاما ىنتىماقتاستىقتىڭ جاڭا دەڭگەيىنە كوتەرىلۋگە نەگىز قالادى. «حاننارا» پارتياسى جە­تەكشىسىنىڭ ورىنباسارى حۆان دجين حان بۇل تۇجىرىمدى قۋات­تادى. «قازاقستان رەسپۋبليكا­سى­نىڭ كوشباسشى پارتياسىمەن ءارىپ­تەستىك قاتىناستاردىڭ ورنى­عۋى ءبىز ءۇشىن اسا ماڭىزدى. قا­زىر­گى ۋاقىتتا «نۇر وتان» مەن «حاننارا» ارا­سىن­دا قابىلدانعان ءوز­ارا ءارىپ­تەس­تىك تۋرالى حاتتاما ءتيىمدى جۇمىس ىستەۋدە. ءبىزدىڭ قا­رىم-قاتىناستا­رى­مىز ۇزاق مەرزىمگە سوزىلىپ, ەكى ەل يگىلىگى ءۇشىن قىزمەت ەتەتىنىنە سەنىمدىمىن», دەدى ول ءوز سوزىندە. تاريحى تامىرلاس ەكى ەل ارا­سىندا قازىر بارلىق ماسەلەلەر بوي­ىنشا ءوزارا ءتيىمدى ىنتى­ماق­تاستىق اياسى كەڭەيە تۇسكەن. 2009 جىلى كورەيا رەسپۋبليكاسىنىڭ پرەزيدەنتى لي مەن باكتىڭ قا­زاق­ستانعا مەملەكەتتىك ساپارى با­رىسىندا ەنەرگەتيكا, كولىك, قۇرى­لىس, كوممۋنيكاتسيالىق تەحنولوگيا جانە وزگە دە سالالارداعى ىنتىماقتاستىق قۇجاتتارىنا قول قويىلعان-دى. ال قازاقستان رەس­پۋب­ليكاسىنىڭ پرەزيدەنتى نۇر­سۇل­تان نازارباەۆتىڭ 2010 جىلى كورەياعا جاساعان مەملەكەتتىك سا­پارىندا مۇناي حيمياسى, اتوم ءون­دىرىسى, ماشينە جاساۋ جانە ەنەر­گەتيكا سالالارى بويىنشا 23 كەلىسىمگە قول قويىلعان بولاتىن. قازىرگى تاڭدا قازاق جەرىندەگى 330-عا تارتا كاسىپورىندا كورەيلىك كاپيتالدىڭ ۇلەسى بار. جال­پى, كورەيادان تارتىلعان تىكەلەي ينۆەستيتسيا كولەمى 3,5 ميلليارد اقش دوللارىنا جەتىپ وتىر. اسقار تۇراپباي ۇلى.