زاڭسىز اكەلىنگەن ەت ونىمدەرى تاركىلەندى

ۇستىمىزدەگى جىلدىڭ 2 تامى­زى­نان 9 تامىزىنا دەيىن اۋىل شارۋاشىلىعى مينيسترلىگىنىڭ قىزمەتكەرلەرى كەدەن وداعى ءمىن­دەتتەرىنىڭ اياسىندا ەلىمىزدىڭ ءوڭىر­لەرىندە ساۋدا ورىندارىنا كەلەتىن ەت ونىمدەرىنىڭ مالدارىگەرلىك-ساني­تارلىق قاۋىپسىزدىگىن تەكسەرۋ ماسەلەسى بويىنشا رەيد وتكىزدى. وسى شارا بارىسىندا «اقتاۋ-پورت», «مورپورت», «تەمىر-بابا» جشس-لارىنىڭ جانە بىرقاتار كاسىپورىنداردىڭ وتكىزۋ پۋنكتتەرى مەملەكەتتىك مالدارىگەرلىك باقى­لاۋ ورگاندارىنىڭ تارتىبىنە ءساي­كەس تەكسەرىستەن ءوتتى. – اقتاۋ قالاسىنداعى «كومپانيا حان» جشس-نىڭ قويما­لارى­نان تەكسەرىس كەزىندە 59 توننا ءىرى قارا مال ەتى تابىلدى. قۇجاتتارعا سايكەس بۇل ەت ءبىزدىڭ ەلىمىزگە اۆستراليادان اكەلىنگەن كورىنەدى, – دەيدى مينيسترلىكتىڭ ءباسپاسوز قىز­مەتى. تەكسەرىس بارىسىندا بۇل ەت ونىمدەرىنىڭ ەشقانداي ءمالدارى­گەر­لىك-سانيتارلىق تالاپتارعا ساي ەمەس­تىگى انىقتالدى. سونىمەن ءبىر­گە, «كومپانيا حان»  جشس-نىڭ اۋماعىندا ودان ءارى ءجۇر­گىزىلگەن تەكسەرىس بارىسىندا تاعى دا ەت ونىمدەرى تولتىرىلعان ءۇش كونتەينەر تابىلدى. بۇل كونتەينەرلەردە 113 توننا ەت ساقتا­لىپ­تى. قۇجات بو­يىنشا, بۇل ءونىم­دەر­د­ى اۆسترا­ليا­دان «يۋنايتەد ينداستريەس» جشس اكەلگەن دەلىنگەن. بىراق, سا­راپ­شى­لار­دىڭ ءمالىم­دەۋىن­شە, ءىس جۇزىندە بۇل ەت ونىمدەرى اۆستراليادان ەمەس, وڭتۇستىك-شىعىس ازيا ەلدەرىنەن جەتكىزىلگەن كورىنەدى. ال كەدەن وداعى تالاپتارى بويىنشا بۇل  ەلدەردەن ءبىزدىڭ اۋماققا ەت ءونىم­دەرىن اكەلۋگە تىيىم سالىنعان. مىنە, وسىنداي جان-جاقتى ءجۇر­گىزىلگەن تەكسەرىس قورىتىندى­سىن­دا, اۋىل شارۋاشىلىعى مينيسترلىگى اكەلىنگەن جەرى بەيمالىم 200 توننا ەتتى تاركىلەدى. بۇل ونىمدەردىڭ جالپى قۇنى 170 ميلليون تەڭگە بولادى. «ازىق-ت ۇلىك ونىمدەرىنىڭ قاۋىپسىزدىگى تۋرالى» قازاقستان رەسپۋبليكاسىنىڭ زاڭىنا سايكەس تاركىلەنگەن ەتتىڭ ءبارى جويىلدى. جاراس سادۋاقاسوۆ. استانا.