ءجۇز جولدىق جاڭالىقتار

استانا. حوككەي. كەشە حوككەيدەن ەل تاۋەل­سىزدىگىنىڭ 20 جىل­دىع­ىنا ارنالعان قازاقستان رەسپۋبليكاسى پرەزيدەنتى­نىڭ كۋبوگى جولىن­داعى حالىقارالىق تۋرنير باستالدى. وعان قۇرلىقتىق حوككەي ليگاسىندا ويناي­تىن قازاقستان مەن رەسەيدىڭ «بارىس» (استانا), «كاز­تسينك-تورپەدو» (وسكەمەن), «امۋر» (حا­باروۆسك), «يۋگرا» (حانتى-مانسيسك) كومان­دالارى قاتىسادى. تۋرنير «نۇر وتان» حدپ مەن قازاق­ستان حوك­كەي فەدەراتسياسىنىڭ ۇيىم­داستىرۋىمەن ءوت­كىزى­لۋ­دە. جارىس 13 تا­مىز­عا دەيىن جال­عاسا­دى. حوككەي جان­كۇيەر­لەرى ويىندار­دىڭ ءبارىن «قازاقستان» سپورت سارايىنان عانا ەمەس, «استانا» تەلەارنا­سى­نان دا تىكەلەي ەفير ارقىلى تاماشالاي الادى. كەشە كەشكىسىن «بارىس» پەن «كازتسينك-تورپەدو» كوماندالارى ءتۋرنيردىڭ العاشقى ويى­نىن وتكىزدى. تۋرنير بىتكەن سوڭ, «بارىس» كلۋبى 17-21 تامىز كۇندەرى شۆەيتساريادا وتەتىن «Basel Sum­mer» تۋرنيرىنە قاتىسادى. وسى سىندا اس­تانالىقتار شۆەيتساريانىڭ «بازەل شاركس», «بەرن», گەرمانيا­نىڭ «كرەفەلد پينگۆيندەرى», فينليانديانىڭ «يۋۆيا­­سكيۋليا» جانە رە­سەيدىڭ سكا كو­مان­دالارىمەن كۇش سىنا­سادى. سودان كەيىن «با­رىس­تىڭ» 29 تامىز بەن 2 قىركۇيەك كۇندەرى رەسەي­دىڭ ەكاتەرينبۋرگ قا­لا­سىندا وتەتىن «كامەننىي تسۆەتوك» ءداستۇرلى تۋرنيرىنە قاتىسۋى جوسپارلانۋدا. وسى تۋرنيردەن كەيىن جان­كۇيەرلەر تاعات­سىزدانا كۇتكەن قۇرلىقتىق حوككەي ليگاسىنىڭ كەزەكتى چەمپيوناتى جالاۋىن كوتە­رە­دى. «بارىس­تىڭ» بازا­سى­ندا قۇرىلعان تاعى ءبىر «سنە­جنىە بارسى» كلۋبى وسى ما­ۋ­سىمنان باستاپ جاستار حوككەي ليگاسىنا قاتىسادى.   ينچحون. بوكس. وسى كۇندەرى وڭتۇستىك كورەيا­دا ەرەسەكتەر اراسىندا ححVI ازيا چەم­پيوناتى وتۋدە. وعان سارىقۇرلىقتىڭ 22 ەلىنەن 150-گە جۋىق بىلعارى قولعاپ شەبەرلەرى قاتىسۋدا. قازاقستان قۇراماسى بۇل سىنعا ەكىنشى ءنومىرلى بوكسشىلارىن جىبەردى. قازىر ءبىزدىڭ بوكسشىلار اراسىندا ارمان رىسبەك (81 كگ.), ءىلياس سۇلەيمەنوۆ (52 كگ.), ءمادي شولاقوۆ (56 كگ.), رۇستەم سىباەۆ (69 كگ.), ايدار امىرزاقوۆ (60 كگ.) جەكپە-جەكتەرىن جەڭىپ, كەلەسى اينالىمعا شىقتى. ال داۋرەن ەلەۋسىنوۆتىڭ (75 كگ.) جولى بولمادى. ول 2009 جىلعى ازيا چەمپيوناتىنىڭ قولا جۇلدەگەرى ءۇندى كۋلدەني سينگحتان ەسە جىبەردى. ازيا چەمپيوناتى العاش رەت 1963 جىلى تايلاندتىڭ بانگكوك قالاسىندا جالاۋىن كوتەر­دى. وسى سىندا جاپونيا 3 التىن مەدالمەن كو­مان­دالىق ەسەپتە ءبىرىنشى ورىندى جەڭىپ الدى. سودان كەيىن ازيانىڭ 8 ەلىنىڭ بوكسشى­لارى كەزەك-كەزەگىمەن چەمپيون اتانىپ وتىردى. داستان كەنجالين.