ءونىم: دەرەك پەن دايەك

ستاتيستيكالىق مالىمەتتەرگە قاراعاندا مۇنايلى ءوڭىر ەكونو­مي­كا­سىنداعى ىرعاقتى دامۋدىڭ تا­سى ورگە دومالاپ تۇر. ءتىپتى, وتكەن جىلدىڭ وسى كەزەڭىمەن سالىس­تى­رار بولساق, ەكونومي­كا­لىق وسىمگە بەت العانى باي­قا­لادى. مۇنى بيىلعى ءبىرىنشى جار­تىجىلدىقتا وندىرىلگەن ونەر­كاسىپ ءونىمىنىڭ كو­لەمى 2 تريلليون 087,4 ميلليارد تەڭگەنى قۇراۋىمەن بايلانىستى­رۋ­عا بولا­دى. ونىڭ ىشىندە تاۋ-كەن سالا­سىنداعى ءونىم 1 تريلليون  924,6 ميلليارد تەڭگەنى قۇراپ وتىر. وسى كەزەڭدە ءوڭىردىڭ مۇناي-گاز ونەركاسىبى سالاسىندا 15 ميلليون توننا «قارا التىن» جانە 6,9 ميلليارد تەكشە مەتر ىلەسپە گاز ءوندىرىلدى. وسى سالا­داعى وندى­رىل­گەن ءونىمنىڭ باسىم بولىگى «تەڭىزشەۆرويل» بىرلەسكەن كاسىپ­ور­نىنىڭ ۇلەسىنە تيەدى. بۇل كا­سىپورىن مۇنايشىلارى ءبىرىنشى جارتىجىلدىقتا 13 ميلليون تون­نا مۇناي مەن 6,8 ميلليارد تەكشە مەتر گاز وندىرۋگە قول جەتكىزدى. سونداي-اق 146,1 ميلليارد تەڭگەگە باعالانعان شيكىزاتتى وڭدەۋدەن وتكىزدى.

جولداسبەك شوپەعۇل, اتىراۋ وبلىسى.  

801,9 ملن. تەڭگە بيىلعى جىلدىڭ وتكەن 6 ايىندا الەۋمەتتىك جاعىنان از قامتىلعان 77,9 مىڭ ازاماتقا وسىنشاما قارجىلاي كومەك كورسەتىلدى.

ەلىمىزدەگى «مەملەكەتتىك الەۋ­مەتتىك كومەك تۋرالى» زاڭعا ساي­كەس حالىقتى جۇمىسپەن قام­تۋدىڭ بەلسەندى نىساندارىمەن قاتار, الەۋمەتتىك كومەكتىڭ تۇر­لە­رى ۇسى­نىل­عان. ماسەلەن, جي­ىنتىق تا­بى­سى جان باسىنا شاق­قاندا كەدەيلىك شەگىنەن اسپاي­تىن وتباسى­لا­رىنا اتاۋلى الەۋ­مەتتىك كومەك كورسەتۋ جالعاسىپ, بيىلعى جىلى وعان 208,9 ملن. تەڭگە بولىنگەن. وتكەن مەرزىمدە 1464 وتباسىنا (6259 ادام) 80,9 ملن. تەڭگە كولەمىندە كومەك قارجى تولەنگەن. سونىمەن قاتار, بالالارعا ار­نالعان جاردەماقى اسى­راۋ­ىن­­داعى 18 جاسقا دەيىنگى ءار با­لاعا زاڭ بويىنشا بەلگىلەنگەن ازىق-ت ۇلىك سەبەتىنىڭ قۇنىنان تومەن وتباسى­لا­رىنا تاعايىن­دا­لىپ, 2011 جى­لى وسى جار­دەم­اقىعا 818,2 ملن. تەڭگە بو­لىن­گەن. ال­عاش­قى جار­تى­جىل­دىقتا 14997 وتباسىنا 336,1 ملن. تەڭگە قارجى قاراس­تى­رىلعان. ەلباسىنىڭ جولداۋىنداعى تاپ­سىرماعا سايكەس 2011 جىلدىڭ وتكەن 6 ايىندا از قامتاماسىز ەتىلگەن 77,9 مىڭ ازاماتقا 801,9 ملن. تەڭگە الەۋمەتتىك كومەك كورسەتىلىپ, مۇقتاجدىقتارى شەشىمىن تاۋىپ وتىر.

كۇمىسجان بايجان, الماتى وبلىسى.  

630 ملن. تەڭگە «اقتوبە جەو»  اق وزدەرىنىڭ قوندىرعىلارىن كۇردەلى جانە اعىمداعى جوندەۋگە وسىنشاما تەڭگە قارجى ءبولدى.

اكتسيونەرلىك قوعام ديرەكتو­رى راحىم مۇحامەدعاليەۆتىڭ ما­لىمدەۋىنشە, كاسىپورىننىڭ الدا­عى جىلۋ بەرۋ ماۋسىمىنا تولىق دايىن بولۋى ءۇشىن نەگىزگى, قوسال­قى جانە جالپى ستانسالىق قون­دىر­عىلاردى, عيماراتتاردى كۇر­دە­لى جانە اعىمداعى جوندەۋ جۇ­مىستارىن جۇرگىزۋ جوسپارلانۋدا. تامىز ايىنىڭ باسىنا دەيىن مەردىگەرلىك ۇيىمدار جانە  كا­سىپ­­ورىننىڭ ءوزىنىڭ كۇشىمەن 216 ميل­ليون تەڭگەنىڭ جۇمىستارى اتقا­رىل­دى. سونىڭ ىشىندە توعىز بۋ قا­زانىنىڭ التاۋى, التى بۋ تۋر­بي­نا­سىنىڭ  تورتەۋى جون­دەل­دى. بۋ جانە سۋ قىزدىرۋ قازان­دا­رىن جوندەۋ جۇ­مىستارى اياقتا­لىپ كەلدى. قىس­قى جىلۋ بەرۋ ماۋ­سى­مىنا ازىرلىك جۇمىستارىن نەگىزىنەن قىركۇيەك ايىنا دەيىن  تيا­ناقتاۋ كوزدە­لۋ­دە.

ساتىبالدى ءساۋىرباي, اقتوبە وبلىسى.