قاسيەتتى رامازان ايىندا يسلام ىنتىماقتاستىعى ۇيىمى سوماليدە قۇرعاقشىلىقتان زارداپ شەگۋشىلەرگە قولۇشىن بەرۋگە شاقىرادى

سوڭعى 60 جىل ىشىندەگى ەڭ اۋىر قۇرعاقشىلىق افريكاعا زور زاردابىن تيگىزۋدە. تابيعي-كلي­ماتتىق قۇبىلىس مالدىڭ جاپپاي قىرىلۋىنا جانە ەگىس ءداندى داقىلدارىنىڭ شىقپاي قا­لۋى­نا اكەلدى, ءسويتىپ جەرگىلىكتى حالىق ءۇشىن ازىق-ت ۇلىكتىڭ نەگىزگى كوزدەرى تولىق دەرلىك جويىلدى. بۇۇ باعالاۋى بويىنشا, سوماليدەگى, ەفيو­پياداعى, كەنياداعى, ەريترەياداعى جانە دجيبۋتيدەگى حالىقتى قوسا العاندا, 11 ملن. استام ادام جەدەل گۋمانيتارلىق جاردەمدى قاجەت ەتەدى. اتالعان ەلدەردىڭ تۇرعىندارىنا, كوبىنەسە ايەلدەر, بالالار مەن جاسى ۇلكەن ادامدارعا ازىق-ت ۇلىكتىڭ جانە ءدارى-دارمەكتەردىڭ جوقتى­عىنان ءولىم قاتەرى ءتونىپ تۇر. ايماقتىڭ ەڭ زارداپ شەككەن ەل قاتارىنا ءسوماليدى جاتقىزۋعا بولادى, وندا جاعىمسىز فاكتورلاردىڭ قوسىلعان اسەرى – اسكەري قاقتى­عىستار, قۇرعاقشىلىق, گيپەرينفلياتسيا, ۆيرۋستىق اۋرۋلار – ازىق-ت ۇلىككە بايلانىستى اپاتتى جاعدايدىڭ پايدا بولۋىنا اكەلدى. گۋمانيتارلىق ۇيىمداردىڭ مالىمەتى بويىنشا, ەلدە 3 ملن. ادام, ياعني حالىقتىڭ تورتتەن ءبىر بولىگى اشىعۋدا. ۇستىمىزدەگى جىلدىڭ 28-29 شىلدەسىندە شۇعىل شاقىرىلعان ىستامبۇل كونفەرەنتسياسى بارىسىندا سوماليگە جانە يسلام الەمىنىڭ باسقا دا مۇقتاج ەلدەرىنە جاردەم كورسەتۋ ءۇشىن يىۇ گۋمانيتارلىق كواليتسياسىن قۇرۋ تۋرالى شەشىم قابىلداعان. كەزدەسۋگە قاتىسۋشىلار الداعى ءۇش ايعا 29 ملن. دوللار شاماسىنداعى يىۇ دەرەۋ گۋما­ني­تار­لىق جاردەمىنىڭ بيۋدجەتىن انىقتاپ, قازىرگى ۋاقىتتا سوماليگە ساۋد ارابياسى – 60 ملن. دوللار, كۋۆەيت – 10 ملن. دوللار جانە سۋدان 100 مىڭ دوللار شاماسىنداعى قارجىلىق كومەكتى ءبولۋ تۋرالى مالىمدەدى. قازاقستان رەسپۋبليكاسى يىۇ-نىڭ بەلسەندى مۇشەسى جانە ۇيىمنىڭ سىرتقى ىستەر مينيسترلەرى كەڭەسى توراعاسىنىڭ مىندەتتەرىن ىسكە اسىراتىن مەملەكەت رەتىندە الداعى ۋاقىتتا كواليتسيا بيۋدجەتىنە ءوز ۇلەسىن ەنگىزۋگە نيەتتى. ىستامبۇل كەزدەسۋىنىڭ قورىتىندى دەكلا­را­تسيا­سىندا يىۇ-عا مۇشە ەلدەر بارلىق مۇسىل­ماندار ءۇشىن قاسيەتتى رامازان ايىنىڭ كەزە­ڭىندە سومالي جانە وڭىردەگى باسقا افريكالىق مۇقتاج ەلدەرگە مۇمكىن بولاتىن جاردەم كورسەتۋ جونىندەگى ۇندەۋ جاسادى. رەكۆيزيتتەر مەن بانكتىك مالىمەتتەر: Name of the Account: OIC Assistance Fund Dollar Account Number: 0005600758 SWIFT CODE: SAMBSARI SAMBA Financial Group Bank Jeddah – Kingdom of Saudi Arabia IBAN: SA 294 0000 0000 0000 5600758