جيىن-تەرىن باستالدى

تامىز ايى تامىلجىپ, دالا جۇمىستارىنىڭ قار­بالاستى­عى­مەن ەرەكشەلەنۋدە. ديقاندار اس اتاسى –  ناننىڭ مولدىعى ءۇشىن تەر توگىپ, كوكتەمنىڭ ءار كۇنىن ءتيىمدى پايدالاندى. ءناتي­جە­سىندە 391094 گەكتارعا سەبىلگەن ءداندى-داقىلدىڭ قازىرگى كەزدە  133243 گەكتارىنا وراق تۇسكەن. جانە 254707 توننا التىن ءدان باستىرىلىپ, قامباعا قۇيىلدى. قازىر بەرەكە باستاۋى سانا­لا­تىن جاۋاپتى ناۋقان ءوڭىردىڭ بارلىق اۋداندارىندا قاۋىرت جۇرگىزىلۋدە. ماسەلەن, جامبىل, ەڭبەكشىقازاق, ەسكەلدى, تالعار, كوكسۋ, ىلە اۋداندارىنىڭ ديقان­دارى وزگەلەردەن الدا. وراق تۇسكەن ساتتەن باستاپ, كەلەسى جىلعا تۇقىم قۇيۋ جۇمىسى دا قارقىن الدى. كەلەسى جىلعا قاجەتتى 92429 توننا تۇقىمنىڭ الدى ءتيىستى ورىندارعا جەتكىزىلگەنى وسىنىڭ دالەلى. جەتىسۋدىڭ توپىراعى تورقا, جاپىراعى قامقا ەكەنى بەلگىلى. قۇنارلى جەرگە وتىرعىزىلعان ماساقتى داقىلدان كەيىنگى باعالى تاعام – كارتوپ جيناۋ بارلىق اۋدانداردا جالعاسقان. اعىمداعى جىلى وبلىستاعى 35278 گەكتارعا سەبىلگەن كارتوپتىڭ 4300 گەك­تارى جينالدى. ءونىم الماتى مەن تالدىقورعان قالاسىنىڭ تۇتىنۋشىلارىنا ۇسىنىلىپ, بازار سورەلەرىنەن ورىن الدى. ورتا ەسەپپەن ءار گەكتاردان 138,3 تسەنتنەردەن ءتۇسىم جينالۋدا. ەڭبەكشىقازاق, قاراساي, جام­بىل, ەسكەلدى, تالعار اۋدان­دارى مەن تەكەلى قالاسىنىڭ ديقاندارى اتالعان داقىلدى جيناۋدا بەلسەندىلىك تانىتسا, كارتوپتىڭ جالپى ءتۇسىمى 38511 تونناعا جەتتى. بيىل جەتىسۋلىقتار 27175 گەكتارعا كوكونىس تۇرلەرىن ور­نا­لاستىرسا, 5236 گەكتار القاپتىڭ ءونىمى جينالدى. جالپى ءتۇسىم 128150 توننانى قۇرادى. باقشا داقىلدارىنان الى­نا­تىن ءونىم دە جوعارى. وسى­لايشا جازعى دالا جۇمىستارى ۇيىمشىلدىقپەن اتقارىلىپ, ديقان قاۋىمى ونى ىسىراپقا ۇشىراتپاي, دەر كەزىندە جيناپ الۋعا كىرىسكەن. قازىرگى تاڭدا وبلىستا ال­تىن استىقتى ساقتاپ, وندىرىسكە جەتكىزەتىن 28 كاسىپورىن مەن ەلەۆاتور بار. تالاپقا ساي جىل سايىن استىق قابىلداۋ مەكە­مەلەرىنىڭ بىلىكتىلىگى جانە جاڭا استىق قابىلداۋعا داي­ىن­دىعى تەكسەرىلگەن. وڭتۇستىك ايماق وكىلدىگى بويىنشا ازىق-ت ۇلىك كەلىسىم-شارت كورپوراتسياسى 2010 جىلى تەندەرلىك نەگىزدە كوكسۋ اۋدا­نىندا ورنالاسقان «بوزداق» استىق قابىلداۋ كاسىپورنىن مەم­لەكەتتىك استىق قورىن ساقتاۋعا تاڭداپ العان ەدى. وندا 200 توننا ەكىنشى كلاستى ارپا ساقتالعان. قازىرگى كەزدە وبلىستاعى استىق قابىلداۋ كاسىپورىندا­رى جاڭا استىقتى قابىلداۋ كەزىندە ماتەريالدىق-تەحني­كا­لىق بازالاردى, ونىڭ ىشىندە استىق ساقتايتىن قويمالاردى, استىق كەپتىرگىشتەردى, استىق تازارتۋ ولشەۋ قۇرالدارىن, زەرت­حانا­لاردى, تارازىلاردى جانە تاعى باسقا قاجەت­تى­لىك­تەردى تولىق دايىنداپ, ىسكەرلىك تانىتقانىن دا اتاپ وتۋگە بولادى. نان بولسا, بەرەكە مەن باي­لىققا بەرىك نەگىز قالانادى. وسىنى ەسكەرگەن جەتىسۋلىق دي­قاندار اۋا رايىنىڭ قولاي­لى ءساتىن پايدالانىپ, القاپ­تا­عى قىزۋ ەڭبەكتى جالعاستىرۋدا. كۇمىسجان بايجان, الماتى وبلىسى.