قازاقستاندىق ازاماتقا قول ۇشىن بەرۋدە

كەشە سىرتقى ىستەر مينيسترلىگىندە اتالعان ۆەدومستۆونىڭ رەسمي وكىلى اسقار ابدراحمانوۆ جۋرناليستەر ءۇشىن كەزەكتى بريفينگ وتكىزدى. بريفينگ بارىسىندا ا.ابدراحمانوۆ 12 تامىز كۇنى استانادا ۇجىمدىق قاۋىپسىزدىك شارتى ۇيىمىنا مۇشە مەملەكەتتەر باسشىلارىنىڭ بەيرەسمي كەزدەسۋى وتەتىنىن مالىمدەدى. «كەزدەسۋگە قاتىسۋشىلار حالىقارا­لىق احۋال مەن ۇيىمنىڭ جاۋاپكەرشىلىگىندەگى ايماقتا ساياسي تۇراقتىلىقتى ساقتاۋدىڭ جولدارى جونىندە پىكىر الما­سادى. كۇن تارتىبىندە سولتۇستىك افريكا جانە تاياۋ شىعىستاعى جاعدايدىڭ دامۋىن قوسا العاندا, عالامدىق جانە اي­ماقتىق قاۋىپ­سىزدىك ماسەلەلەرى قارالادى», – دەدى ول. سونىمەن قاتار, رەسمي وكىلدىڭ سوزىنە قاراعاندا, ۇيىمعا توراعالىقتى اتقارۋ­شى بەلارۋس تارابىنىڭ قاۋىمداستىقتىڭ باسىم باعىتتارى بويىنشا كوتەرگەن باستامالارىنىڭ جۇزەگە اسىرىلۋ بارىسى تالقىلانباق. بۇدان كەيىنگى كەزەكتە رەسمي وكىل پاۆ­لودارلىق ستۋدەنت قىزدىڭ امە­ريكاداعى گوسپيتالداردىڭ بىرىندە ەس-ءتۇسسىز جات­قان­دىعىنا توقتالىپ ءوتتى. ونىڭ ايتۋىن­شا, ا.احمەتوۆا ءوزى جۇمىس ىستەيتىن قوناقۇيدىڭ حاۋىزىندا بەلگىسىز جاعدايدا ەس-تۇسىنەن ايىرىلعان كۇيىندە تابىلعان. پوليتسيا قىزمەتكەرلەرى كەلىپ جەتكەنشە, ول سۋدان شىعارىلعان. «ءبىزدىڭ ديپلومات­تاردىڭ مالىمەتتەرى بويىنشا, ا.احمەتوۆا وتە اۋىر جاع­دايدا ەس-ءتۇسسىز بولعان», – دەپ اتاپ ءوتتى رەسمي وكىل. ەلىمىزدىڭ سىرتقى ىستەر مينيسترلىگى اينۇردىڭ اپايىنىڭ شۇعىل ارادا اقش-قا ۇشىپ بارۋى ءۇشىن ۆيزا الۋعا جاردەم بەرگەن ەكەن. قازىرگى ۋاقىتتا ول امەريكادا. سونىمەن قاتار ەلىمىزدىڭ نيۋ-يوركتەگى باس كونسۋلدىعى دا وعان قاجەتتى قولداۋ كورسەتىپ وتىرعان كورىنەدى. ا.ابدراحمانوۆ سونىمەن قاتار, قىتايدا موتوتسيكلدىڭ ماس جۇرگىزۋشىسىن قاعىپ ولتىرگەن قازاقستاندىق جونىندە دە مالىمەت بەردى. توتەنشە وقيعا قىتايدا, قوتالعاش ەلدى مەكەنىنە تاياۋ جەردە ورىن العان. قازا تاپقان قىتايلىق ازاماتتىڭ قان قۇرامىنان ىشىمدىكتىڭ بەلگىلەرى تا­بىلعان. «جول-كولىك وقيعاسى سالدارىنان قىتاي ازاماتى قازا تاپتى. ەل زاڭناماسىنا سايكەس, اۆتوبۋس جۇرگىزۋشىسىنە قاتىستى تەرگەۋ امالدارى جۇرگىزىلۋدە, ول ءالى اياقتالعان جوق», – دەدى رەسمي وكىل. سونىمەن قاتار, ا.ابدراحمانوۆ ەلى­مىزدىڭ ازاماتىنان قىتايدىڭ قۇقىق قورعاۋ ورگاندارى ءىستى جابۋ ءۇشىن ءىرى كولەمدە اقشا تالاپ ەتتى دەگەن اقپاراتتى جوققا شىعاردى. «بۇل ورايدا اڭگىمە قازا بولعان ازاماتتىڭ وتباسىنا وتەماقى تولەۋ جايىندا بولىپ وتىر», – دەدى ول. «ەگەمەن-اقپارات».