كاسىپكەرلەر پارتاعا وتىردى

كەشە استاناداعى «تۇران-پروفي» حا­لىق­ارالىق كاسىپتىك اكادەمياسىندا «جۇ­مىس­پەن قامتۋ-2020» باعدارلاماسى ايا­سىن­دا «بيزنەس نەگىزدەرى» كۋرسى بويىنشا شاعىن جانە ورتا بيزنەس وكىلدەرى مەن جۇمىسپەن قامتىلماعاندار ءۇشىن كاسىپ­كەرلىك داعدىلارىن وقىپ-ۇيرەنۋ ساباق­تارى باستالدى. تاپسىرىس بەرۋشى اقمولا وبلىستىق كاسىپكەرلىك جانە ونەركاسىپ ءجو­نىن­دەگى باسقارماسى بولسا, باعدار­لامانىڭ وپەراتورى اتالعان اكادەميا جانىنداعى «بىلىكتىلىكتى ارتتىرۋ ينستيتۋتى» مەكەمەسى بولىپ وتىر. اتالمىش باستامانىڭ تۇساۋكە­سە­رىنە ارنايى كەلگەن اقمولا وبلىس­تىق ەڭبەك­پەن قامتۋ جانە الەۋمەتتىك باعدارلا­ما­لاردى ۇيلەستىرۋ باسقار­ماسىنىڭ باستى­عى باقىت ەسىموۆا بۇل كۋرستىڭ كاسىپ­كەرلىكتى جاڭا باس­تاعان جانە ءارى قاراي دامىتقىسى كەلەتىن ازاماتتار ءۇشىن تيگىزەر پايدا­سى مول ەكەنىن ايتتى. سون­داي-اق, ول كاسىپ­كەر­لەردىڭ جاڭا جوبالار جاساۋ مەن ءبىر-ءبىرى­مەن تاجىريبە الماسۋدا كومەگىنىڭ كوپ ەكەنىن دە نازاردان تىس قالدىرمادى. – كۋرستا بولاشاق كاسىپكەرلەردى بيزنەسپەن تانىستىرۋ, ياعني ولارعا يدەيادان باستاپ ونى قۇرۋدىڭ جانە كاسىپ اشۋدىڭ ءتيىمدى جولدارى ۇيرە­تىلەدى. وقىتۋشىلارى – پراكتيكالىق جۇمىستا جيناقتاعان ءتا­جى­ريبەسى مول بيزنەس-ترەنەرلەر مەن كەڭەسشى ماماندار. سونىمەن قاتار, ويىن ساباق­تارىن وسى ءادىستى شەتەلدەردەن ۇيرەنىپ كەلگەن بىلىكتى وقىتۋشىلار وتكىزەدى, – دەيدى «تۇران-پروفي» حالىقارالىق كاسىپتىك اكا­دەمياسىنىڭ پرورەكتورى دارىن قاپپاروۆ. جالپى سانى 150 ادامدى قام­تىعان كۋرستىق وقۋلار 27 تامىزعا دەيىن جال­عاسادى. ءابدىراحمان قىدىربەك.