«مەنىڭ قازاقستانىم!» – ەلدى ءسۇيۋدىڭ ونەگەسى بولماق

وتان تاۋەلسىزدىگىنىڭ 20 جىل­دىعىن مەرەكەلەۋ شارالارىنا ۇي­­ىتقى بولىپ وتىرعان مەملەكەتتىك كوميسسيانىڭ شەشىمىمەن ەلىمىزدە الەۋمەتتىك قىزمەت, دەن­ساۋلىق ساقتاۋ, قارجى سالاسىنىڭ وكىلدەرىنىڭ, مادەنيەت پەن ونەر جۇلدىزدارىنىڭ قاتىسۋىمەن تاياۋدا «مەنىڭ قازاقستانىم!» اتتى ءىس-شارالار وتەتىن بولادى. سونىڭ اياسىندا اقپاراتتىق تۇسىنىك جۇ­مىستارى جۇرگىزىلىپ, جۇرتشى­لىق­قا دارىگەرلىك, الەۋمەتتىك كو­مەك كورسەتىلەدى. سول سەكىلدى شال­عاي ستانسالار مەن رازەزدەردە تۇراتىن تۇرعىندارعا مادەني شارالار ۇيىمداستىرىلادى. مەرەكە قارساڭىندا قازاق ونە­رىنىڭ ايتۋلى وكىلدەرى نۇرعا­لي ءنۇسىپجانوۆ, التىنبەك قو­رازباەۆ, روزا رىمباەۆا, ماقپال ءجۇنىسوۆا, جەڭىس سەيدوللا ۇلى, ايجان نۇرماعامبەتوۆا, ەرلان كوكەەۆ, ەۆگەني شاحراي, ءالى­شەر كارىموۆ, «مۇزارت» توبى جانە باسقالار وزدەرىنىڭ ءان ءاۋ­ەزدەرىمەن جۇرتتى ءتانتى ەتەدى. بۇل شارانىڭ باستى ماقساتىنا كەلەر بولساق, ەلىمىزدىڭ ايماق­تا­رىن­دا ءومىر ءسۇرىپ جاتقان ازا­مات­تارعا تاۋەلسىزدىك كۇنىنىڭ شارا­پا­تىن ۇعىندىرىپ, ايتۋلى مەرەكەگە اتسالىسۋعا, ءوز ۇلەستەرىن قوسۋعا جىگەرلەندىرۋ. مۇنىمەن قاتار, كورسەتىلىپ جاتقان مەملەكەت تاراپىنان قولداۋدى ۇعىن­دى­رۋ. تاۋەلسىزدىكتىڭ نەگىزگى يدەياسى: بوستاندىقتى, بىرلىكتى, تۇراق­تى­لىقتى جان-جاقتى ناسيحاتتاۋ. بۇل ايتۋلى باستاما ەلباسى نۇرسۇلتان نازارباەۆتىڭ قازاق­ستان حالقىنا ارناعان بيىلعى جولداۋىنداعى تاپسىرمالاردى جۇزەگە اسىرۋ, مەملەكەتتىڭ جاڭا الەۋمەتتىك ساياساتىنىڭ ءمانىن ءتۇسىندىرۋ, سالاماتتى ءومىر سال­تىن ناسيحاتتاۋ, وتانىمىزدىڭ بار­لىق ايماقتارىندا تۇراتىن جۇرت­شىلىقتىڭ جاڭا مەملە­كەت­تىڭ ىرگەتاسىن قالاۋداعى ماق­تا­نىش سەزىمى مەن بىرلىگىن پاش ەتىپ, كەلەشەككە دەگەن سەنىمىن نىعايتۋ. وسى ارادا شاراعا قاتىسۋ­شى­لاردىڭ ناقتى اتقاراتىن جۇ­مىس­تارىن سارالايتىن بولساق, زەي­نەتاقىمەن قامتاماسىز ەتۋ جانە الەۋمەتتىك ساقتاندىرۋ, بوس جۇ­مىس ورىندارى مەن جالاقى ءتو­لەۋ, مەديتسينا ۇيىمدارى ءوز كو­مەگىن ۇيىم­داس­تىرۋ, جۇرتشىلىق­قا قۇ­قىق­تىق جانە زاڭ بويىنشا كەڭەس بەرۋ, شاعىن جانە ورتا بيزنەستى قار­جىلاندىرۋ, نەسيەلەندىرۋ بوي­ىنشا ماعلۇماتتار بەرەدى, «نۇر وتان» حدپ پارتياسىنىڭ وكىلدەرىمەن جۇزدەسۋلەر ۇيىم­داس­تىرىلادى. ال بۇل ساليقالى ساپاردىڭ ءبىرىنشى كەزەڭى – 10-20 تامىز ارا­لىعىندا سولتۇستىك-شىعىس باعى­تى, ەكىنشى كەزەڭى – 10-27 قىر­كۇي­ەك ارالىعىندا وڭتۇستىك-باتىس باعىت, ءۇشىنشى كەزەڭى – 25-26 قا­راشا ارالىعىندا الماتى-استا­نا باعىتى بويىنشا وتەدى. ءبىر سوزبەن ايتقاندا, بۇل قادام, ياعني «مەنىڭ قازاقستانىم!» پويىزى قازاقستاندىقتاردى ەل تاۋەلسىز­دى­گىن بىرلەسە اتاپ وتۋگە ىنتالان­دى­رىپ قانا قويماي, ءوز ۇلەستەرىن قوسۋعا مۇمكىندىك بەرەدى. سۇلەيمەن مامەت,