ويىن الاڭىن سالىپ بەردى

وبلىس ورتالىعىنداعى كامەلەتكە تولماعان­دار­دى بەيىمدەۋ ورتالىعىندا وسىنداي ويىن الاڭى اشىلدى. ورتالىقتىڭ ءۇش قاباتتى عيماراتى بۇدان ءۇش جىل بۇرىن پايدالانۋعا بەرىلگەن-ءدى. الايدا, عيمارات الاڭىندا كەزىندە بۇزىلعان مەكەمەنىڭ قو­قىستارى قالعان. ورتالىق باسشىلىعى ءبىراز قۇ­رى­لىس مەكەمەلەرىمەن سويلەسكەنىمەن ەشقايسىسى قۇل­شى­نىس تانىتا قويماسا كەرەك. بۇل شارۋانى وبلىس­تاعى «جاستار بولاشاعى» قوعامدىق بىرلەستىگى قولعا الىپ, اتا-انا قامقورلىعىنان ايىرىلعان ءبۇلدىر­شىن­دەرگە ادەمى سىي جاسادى. ازامات قايرات ۇلى باسقاراتىن بۇل بىرلەس­تىك­تىڭ مۇشەلەرى ورتالىق ماڭىنان 1200 توننا قوقىستى شىعارىپ, اۋلانى تازارتتى. اۋلاعا وتىز «كاماز» قيىرشىق قۇم توك­تى. جاستاردىڭ مۇنداي باستاماسىنا قالاداعى ءتۇرلى مەكەمەلەر قولداۋ كورسەتتى. ورتالىققا جىلىنا ورتاشا 600 بالا تۇسەدى ەكەن, وتكەن جىلى بۇل كورسەتكىش 230 بالاعا دەيىن ازايىپتى. كامەلەتكە تولماعانداردى بەيىمدەۋ ورتالى­عىن­داعى جاڭا ويىن الاڭىنىڭ سالتاناتتى اشىلۋىنا قاتىسقاندار بۇلدىرشىندەرگە ىزگى تىلەكتەرىن ءبىلدىردى, «جاستار بولاشاعى» قوعامدىق بىرلەستىگى ويىن­شىق­تار سىيلادى... بۇل ەل تاۋەلسىزدىگىنىڭ 20 جىلدىعىنا باي­لانىستى «قازاقستاننىڭ بولاشاعى ءۇشىن» پاتريوت­تىق-ازاماتتىق كەڭ كولەمدى مارافون-باستاما اياسىندا وتكىزىلگەن يگى شارا بولدى. ساتىبالدى ءساۋىرباي, اقتوبە وبلىسى.