ۆەلوشاباندوزدار جولعا شىقتى

گازەتىمىزدىڭ جۇما كۇنگى سا­نىن­دا نورۆەگيالىق «Bike for Peace» (بەيبىتشىلىك ءۇشىن ۆەلوسيپەد جۇرگىز) قوعامدىق ۇيىمى­نىڭ ۇيىمداستىرۋىمەن «سەمەي – الماتى – استانا» باعىتىمەن العاشقى ۆەلوجورىق جوسپارلا­نىپ وتىرعانى تۋرالى حابار جا­رىق كورگەن ەدى. ەلباسى جارلى­عى­مەن سەمەي اتوم پوليگونىنىڭ جابىلعانىنا 20 جىل تولۋىنا وراي ۇيىمداستىرىلعان بۇل شا­راعا قاتىسۋشى ۆەلوشاباندوزدار سەمەيدەن سەنبى كۇنى جال­پى قاشىقتىعى 2 مىڭنان استام سا­پارعا اتتانىپ تا كەتتى. وسى وقيعاعا بايلانىستى سەمەيدىڭ اباي الاڭىندا قالا جۇرتشىلىعى كوپتەپ قاتىسقان سالتاناتتى ميتينگ وتكىزىلدى. وندا قالا اكىمى ايبەك كارىموۆ ءبىرىنشى بولىپ ءسوز الىپ, ەلىمىز ەگەمەندىككە قول جەتكىزگەننەن بەرگى جەردەگى جاڭا تۇرپاتتى مەملەكە­تى­مىزدىڭ باسشىسى نۇرسۇلتان نا­زا­رباەۆتىڭ جەر بەتىندە بەيبىتشىلىكتى نىعايتۋ جونىندەگى تىڭ باستامالارى الەمدىك قاۋىمداس­تىق تاراپىنان زور قولداۋ تاۋىپ كەلە جاتقانىنا توقتالا كەلىپ, ونىڭ ءبىر كورىنىسى بۇگىنگى شارا ەكەندىگىن ايتىپ, جورىققا قاتى­سۋ­شىلارعا ءسات ساپار تىلەدى. اقىن ەسكەرتكىشى قاسىندا ءوت­كەن جيىندا, سونداي-اق جو­عارى­دا اتالعان نورۆەگيالىق قوعام­دىق ۇيىمنىڭ  جەتەكشىسى تورە ناەر­لاندعا ءسوز بەرىلدى. ول وتىز جىل­دان استام تاريحى بار ۆەلوجورىق تۋرالى اڭگىمە  قوزعادى. ىزگى نيەتپەن الىس جولعا شىق­قان ۆەلوشاباندوزدارعا قا­لا­لىق سوعىس جانە ەڭبەك اردا­گەرلەرىنىڭ توراعاسى رافيك حاسەنوۆ يگى تىلەكتەستىگىن ءبىلدىرىپ, اق باتاسىن بەردى. ميتينگىدە قالا اكىمى تارا­پىنان ەل گازەتى «ەگە­مەننىڭ» « ۇلىلىققا تاعزىم» اتتى ءداس­تۇر­لى اكتسياسى تۋرالى دا ايتىل­ماي قالماعان. ويتكەنى, بيىلعى جىل­دىڭ مامىر ايىندا وسى تۇراقتى اكتسيانىڭ ءبىر توپ وكىلدەرى يادرولىق سىناق ايما­عىنىڭ ناق ەپيتسەنترىندەگى سارجال – قاينار باعىتىمەن ءجۇرىپ وتكەن ەدىك. سوعان وراي بىزگە دە ءسوز بەرىلگەندە وسىنداي يگى شارانىڭ باسقاشا مازمۇندا جانە حالىقارالىق دەڭ­گەيدە ءوتىپ جات­قانىنا ريزا­شىلىعىمىزدى بىلدىردىك. ۆەلوشاباندوزدار ساپار با­رىسىندا الماتى مەن استا­نانى ايتپاعاندا ەلىمىزدىڭ بەس وبلى­سىنىڭ تۇرعىندارىمەن جۇزدەسىپ, الەمدەگى ەڭ قۇندى ماسەلە بەيبىتشىلىك تۋرالى وي بولىسەتىن بولادى.  داۋلەت سەيسەن ۇلى,  سەمەي.