قازاقستان – نورۆەگيا مۇددەلەستىگى

كەشە اقوردادا مەملەكەتتىك حاتشى قانات ساۋداباەۆ نور­ۆە­گيانىڭ قازاقستانداعى ەلشىسى داگ حالۆورسەندى جانە «Bike for Peace» قوعامدىق ۇيىمىنىڭ باستاماسىمەن ۇيىمداستىرىلعان «سەمەي – الماتى – استانا» ۆەلوساياحاتىنىڭ جەتەكشىسى تورە ناەرلاند پەن وسى ۆەلوجورىقتىڭ مۇشەسى فرانك توملينسوندى قا­بىل­دادى. بۇل باستاما سەمەي يادرولىق سىناق پوليگونى ج­ا­بىلۋىنىڭ 20 جىلدىعىنا ارنالىپ وتىر. «ۇستىمىزدەگى جىلى الەمدەگى ەڭ ءىرى سەمەي يادرولىق پوليگو­نى­نىڭ جابىلعانىنا 20 جىل تو­لادى. ن.نازارباەۆ كەڭەس وكىمەتى كەزىندە سەمەي يادرولىق پولي­گو­نىن جابۋ تۋرالى جارلىققا قول قويعانى بەلگىلى. ول وسىناۋ كۇر­دەلى شەشىمدى قابىلداۋ ارقىلى ءوزىنىڭ ايرىقشا ەرلىگىن تانىتتى. سول ۋاقىتتان بەرى قازاقستان ءجا­نە ونىڭ كوشباسشىسى عالامدىق يادرولىق قارۋدى تاراتپاۋ جانە قىسقارتۋ ۇدەرىسىنىڭ بەلسەندى جاق­تاۋشىسى بولىپ كەلەدى. بۇۇ-نىڭ سەمەي پوليگونىنىڭ جابى­لۋى­نىڭ رەسمي كۇنىن, ياعني 29 تامىزدى يادرولىق سىناقتارعا قار­سى حالىقارالىق ءىس-قيمىل كۇ­نى دەپ جاريالاۋى – الەمدىك قاۋ­ىمداستىقتىڭ ەلىمىزدىڭ ۇستانى­مىن قولدايتىنىنىڭ ءبىر ايعاعى. «سەمەي – الماتى – استانا» ۆەلوسيپەد جارىسى يادرولىق قارۋعا قارسى ماڭىزدى باستامالاردىڭ بىرىنە اينالاتىنىنا سەنەمىن», دەدى ق. ساۋداباەۆ. سونداي-اق مەملەكەتتىك حات­شى نورۆەگيانىڭ قازاقستانداعى ەلشىسى داگ حالۆورسەننىڭ قازاق­ستان­نىڭ ەلورداسى – استاناعا كەل­گەن ساپارىنا ساتتىلىك تىلەدى. «ءسىزدىڭ ساپارىڭىز ەل تاۋەل­سىز­دىگىنىڭ 20 جىلدىعى جانە سەمەي يادرولىق پوليگونىنىڭ جابىلۋى­نىڭ 20 جىل­دىعى قارساڭىنا ءساي­كەس كەلىپ وتىر. سىزدەردىڭ ۇيىم­داس­تىرىپ وتىرعان ۆەلوجورىقتا­رىڭىزدىڭ ما­­ڭىزى ايرىقشا. تا­ريحى دا ۇلكەن. بۇگىندە قوس مەملەكەت اراسىندا جاقسى ىنتى­ماق­تاستىق جولعا قويىلعان. ساۋدا-ەكونوميكالىق ارىپتەستىك تە ءجۇ­يەلى دامىپ كەلەدى. ال ەڭ باس­تى­سى, قازاقستان مەن نورۆەگيا ەلدەرى يادرولىق قارۋدى تاراتپاۋ باعى­­تىن­دا اۋقىمدى جۇمىستار اتقا­رىپ كەلەدى», دەدى مەملەكەتتىك حاتشى. نورۆەگيانىڭ قازاقستانداعى ەلشىسى داگا حالۆورسەن ءوز كەزەگىندە قازاقستانعا ارنايى ساپارمەن كەلگەنىنە قۋانىشتى ەكەنىن, بو­لا­شاقتا ەكى ەل اراسىنداعى ارىپتەس­تىك بايلانىستىڭ ءجىبى ۇزىلمەيدى دەگەن سەنىمىن جەتكىزدى. «مەن قا­زاقستانعا ءوزىمنىڭ دوسىم تورە ناەرلاندپەن بىرگە كەلىپ وتىرمىن. ونىمەن ەڭ العاش رەت 1986 جىلى, پولشادا تانىسقان ەدىم. تورە ناەرلاند ءوزىنىڭ بار سانالى عۇ­مىرىن ادام قۇقىعىن قورعاۋ, يادرولىق قارۋدى تاراتپاۋ, الەمدى يادرولىق قارۋسىزداندىرۋ ماسەلە­لەرىنە ارناپ كەلەدى. ونىڭ بۇل ەڭبەگىن كوپشىلىك جوعارى باعالا­عان. ەسىمىنىڭ تەك نورۆەگيا عانا ەمەس, ودان تىس ەلدەرگە دە تا­نىلۋى – سونىڭ دالەلى. «Bike for Peace» قوعامدىق ۇيىمى قولعا العان ۆەلوساياحات قازاقستاننىڭ 24 قالاسى شەڭبەرىندە وتەدى. بۇل اۋقىمدى باستاما ەكى ەلدىڭ دوستىعىن بەكەمدەۋگە, سونداي-اق, دۇنيەجۇزىنە قازاقستان مەن نور­ۆەگيانىڭ يادرولىق قارۋدى تاراتپاۋ جونىندەگى كوزقاراستارىنىڭ ورتاقتىعىن تانىتۋعا سەپ بولادى دەپ ويلايمىن», دەدى داگ حالۆورسەن. ول سونداي-اق, بۇل باستاماعا قولداۋ كورسەتكەن ازاماتتارعا ال­عى­سىن بىلدىرە كەلە, ۆەلوجورىققا قاتىساتىندارعا ساتتىلىك تىلەدى. ال ۆەلوجورىقتىڭ جەتەكشىسى تورە ناەرلاند قازاقستاننىڭ مەملەكەتتىك حاتشىسى ق.ساۋداباەۆپەن جۇزدەسۋدىڭ ءساتى تۇسكەنىنە العى­سىن جەتكىزدى. «ءبىز بۇل ۆەلو­تۋر­دىڭ ماڭىزدىلىعىن الەم جۇرت­شى­لىعىنا تانىتقىمىز كەلەدى. قازاقستان يادرولىق قارۋدى تاراتپاۋ باعىتىندا ۇلكەن باستامالار كوتەرىپ جۇرگەن بىردەن-ءبىر ەل. سوندىقتان, سىزدەردىڭ ەلدەرىڭىزدىڭ وسى باعىتتاعى جۇمىسىن الەم حالقى ءبىلۋى ءتيىس دەپ سانايمىن», دەدى تورە ناەرلاند. ت.ناەرلاندتىڭ ايتۋىنشا, نور­ۆەگيا ەلىندە ۆەلوجورىق ۇيىمداس­تىرۋ ءۇردىسى 1979 جىلدان باستاۋ الادى ەكەن. ال قازاقستان شەڭ­بەرىندە وتەتىن ۆەلوساياحات 6 تامىز كۇنى باستالىپ, 29 تامىزدا استانادا ءوز مارەسىنە جەتپەك. ءلايلا ەدىلقىزى.