ساپار قورىتىندىسى باياندالدى

كەشە سىرتقى ىستەر مينيسترلىگىندە اتالعان ۆەدومستۆونىڭ باس­پاسوز حاتشىسى ءىلياس وماروۆ جۋرناليستەر ءۇشىن بريفينگ وتكىزدى. وندا ول سىرتقى ىستەر مي­نيس­­ترلىگىنىڭ جاۋاپتى حاتشى­سى ر.جو­شىباەۆ باستاعان قازاق­ستان­دىق دەلەگاتسيا وكىلدەرىنىڭ لا­تىن امەري­كاسىنىڭ بىرقاتار ەلى­نە جاساعان ساپارىنىڭ قورى­تىن­­دىسى جونىندە بايانداپ بەردى. «بيىلعى جىلعى شىلدە ايى­نىڭ ەكىنشى جارتىسىندا قازاق­ستاندىق دەلەگاتسيا سىرت­قى ىستەر مينيسترلىگىنىڭ جا­ۋاپتى حاتشىسى ءراپىل جوشى­باەۆتىڭ جەتەكشىلىگىمەن لاتىن امەريكاسى­نىڭ ءبىر­قاتار ەلىندە بولدى. ساپار بارى­سىندا برازيليا, مەكسيكا, ۆەنە­سۋەلا جانە گايانا ەلدەرىنىڭ سىرت­قى ساياسات ۆەدومستۆو­لارى باس­شى­لا­رىمەن ءوز­ارا كەلىس­سوزدەر ءجۇر­گىزدى. ەكى­جاق­تى كەلىس­سوزدەر كەزىندە ءتۇرلى سالاداعى, ونىڭ ىشىندە ساياسي جانە ەكونو­ميكالىق ىنتى­ماقتاس­تىقتىڭ بولا­شاعى عانا تالقى­لانىپ قويعان جوق, وتاندىق ديپلوماتتار مەملەكەت باسشىسى­نىڭ تاپسىرماسىنا وراي, شەتەلدىك ارىپتەستەرىنىڭ نازا­رىنا استانادا «ەكسپو-2017» دۇنيە­جۇزى­لىك كور­مەسىن وتكىزۋ ءجو­نىندەگى ءوز تاپسى­رىس­­تارىن ۇسىن­دى», دەدى ءى. وماروۆ. ءوزىنىڭ سوزىندە ءى.وماروۆ وتان­دىق ديپلوماتيا وكىلدەرىنىڭ شەتەلدىك ارىپتەستەرىمەن بولعان كەزدەسۋلەرى كەزىندە قول جەتكىزگەن ۋاع­دالاس­تىقتارى جايىندا بايانداپ بەردى. ونىڭ ايتۋىنشا, شەتەلدىك ديپلوماتتار «ەكسپو-2017» ايا­سىندا وتكىزۋ جوس­پارلانىپ وتىر­عان «بولا­شاقتىڭ قۋاتى» تاقى­رىپ­تىق كورمە­سىن ايرىقشا قۋاتتاعان. بۇل كۇنگى بريفينگ اياسىندا باس­پاسوز حاتشىسى سونىمەن قاتار, ەلى­مىزدىڭ سىرتقى ىستەر ءمينيسترى ەرجان قازىحانوۆتىڭ نورۆەگيادا ورىن العان قايعىلى جاعدايعا باي­لانىستى وسى ەل كورولدىگىنىڭ سىرت­­قى ىستەر ءمينيسترى يوناس گار ستەرەگە كوڭىل ايتۋ جەدەلحاتىن جول­داعانىن ايتتى. كەزدەسۋ بارىسىندا ءى. وماروۆ جۋرناليستەردى قىزىقتىرعان وزگە دە ساۋالدارعا جاۋاپ بەردى. ءلايلا ەدىلقىزى.