«اقجەلكەندە» كوڭىلدى

بالالاردىڭ جازعى دەما­لى­سىنىڭ دۇرىس ۇيىمداس­تىرىلۋى, ولاردىڭ بىلىمگە دەگەن ىنتاسىن ارتتىراتىنى انىق. جارما اۋ­دانى, جالعىزتوبە كەنتىندەگى ورتا مەكتەپ باسشىلارى وسىنى الدىن- الا ويلاستىرعان ەدى. ءسويتىپ, ءبىرىنشى اۋىسىمدا 135 بالانىڭ دەما­لىسىن قولعا العان بولاتىن. مۇن­داي ءۇردىس جاز بويى جالعاسىن تاۋىپ كەلەدى. لاگەردىڭ جاقسى جۇمىس ىستەۋىنە كەنت اكىمى ە.زاكيموۆ تە ءوز ۇلەسىن قوستى. ال اتا-انا­لار­دىڭ اراسىنان بالالار دەما­لى­سىن دۇ­­رىس ۇيىمداستىرۋعا ۇيىت­قى بول­عان ن.مالعاجداروۆا ەكەنىن ايتا كەتسەك دەيمىن. سول سەكىلدى اۋى­لى­مىزدىڭ جەكە كاسىپ­كەرى ءا.ورىن­باساروۆا دا ءوز ۇلەسىن قوستى. قازىر لاگەردە جۇرگەن بالالار دەمالىس كەزىندە الۋان ءتۇرلى شارالاردىڭ كۋاسى بولىپ ءجۇر. مىسالى, «تاپقىر دوستار», «كو­ڭىل­دى ەستافەتا», «مەن ناشاقور­لىققا قارسىمىن», «مەنى قورشا­عان ورتا», «استانا – ارمان قالا», تاعى باسقا دا تاقىرىپتار بو­يىنشا پىكىر الىسۋلار ۇيىمداس­تى­رىلىپ, قابىرعا گازەتتەرى شى­عا­رىلىپ, سۋرەت سالۋدان, سپورتتىق ويىن­داردان سايىستار وتكىزىلۋدە. ادامزاتتىڭ الىبى اقىن اباي­دىڭ تۋعان جەرىنە ساياحات جاساۋ, ونىڭ شىعارمالارى بويىنشا كونكۋرستار وتكىزۋ جۇمىسى دا وڭ شەشىمىن تاۋىپ جاتىر. جالعىزتوبە وكرۋگى «جاس وتان» جاستار قاناتىنىڭ جەتەكشىسى انار تىشقانباەۆا وقۋ­شىلار­مەن جۇزدەسىپ, ەلباسى نۇرسۇل­تان نازارباەۆتىڭ ءتار­بيەلى دە ءتالىمدى, ساۋاتتى دا سا­لاماتتى ۇرپاق ءوسىرۋ جونىندەگى سوزدەرى بويىنشا وي-ءوربىتىپ, مىنا لاگەر سونىڭ ناتيجەسى دەگەن وي-بايلامىن العا تارتتى. ءبىزدىڭ جالعىزتوبە ورتا مەك­تەبىنىڭ «اقجەلكەن» دەما­لىس لاگەرى جىل سايىن وسىلاي جاقسى ىستەرگە ۇيىتقى بولىپ, وقۋشى­لاردىڭ جازعى دەمالىسىن ۇيىم­داستىرىپ كەلەدى. بۇل وقۋشىلار­دىڭ بوس ۋاقىتىن ءتيىمدى پايدا­لانۋىنا, تەرىس جولعا تۇسپەۋىنە اسەر ەتۋدە, دەيدى لاگەر باس­شىسى ب.راحماتۋللينا. ەرمەك منافيانوۆ. شىعىس قازاقستان وبلىسى, جارما اۋدانى.