ەڭسەلى ەلدىڭ ۇلانىمىن

مەن استانادان الىستا جات­قان اۋىل مەكتەبىنىڭ 8-ءشى سىنىپ وقۋشىسىمىن. تاۋەلسىزدىكتەن كە­يىن ومىرگە كەلدىم. ايتسە دە مەنىڭ كەلەشەگىمە ۇلكەن جول اشقان تاۋەلسىزدىكتىڭ ءجونى بولەك. ءبىزدىڭ اتا-بابالارىمىز «ەگەمەن بولماي ەل بولماس, ەتەكتەن كەسىپ جەڭ بولماس» دەگەن ەكەن. وسى تاۋەل­سىزدىككە دەيىن قازاق جەرىندە ەركىندىكتى اڭساعان 300-گە تاياۋ ۇلت-ازاتتىق كوتەرى­لىستەرى بولىپتى. مەن تاريحي كىتاپتاردى كوپ وقيمىن. سول كەزدە بايقاعانىم, تاۋەلسىزدىككە جەتۋ وڭاي بولما­عان ەكەن. جۇزدەگەن الاش ۇل­دارى باستارىن بايگەگە تىگىپتى. ونداعى ماقساتى, قازاق حالقى­نىڭ قولىن تاۋەلسىزدىككە جەتكىزىپ, ۇرپاعىن بوداندىقتان قۇت­قارۋ بولىپتى. ءبىز جاقىندا وتانىمىزدىڭ بارلىق وڭىرىنەن 150-دەن استام وقۋ­شى استانادا باسقوسىپ, تاۋەل­سىزدىگىمىزدىڭ 20 جىلدىعىنا ارنال­عان «قازاقستاننىڭ جارقىن بولا­شاعى – جاستاردىڭ كوزىمەن» دەگەن تاقىرىپتا شىعارما جاز­دىق. سوندا تاۋەلسىزدىك تۋرالى ءوز ويلارى­مىز­دى ايتتىق. وسى شارا­عا ۇيىت­قى بولعان «دارىن» رەس­پۋبليكالىق عىلىمي-پراكتيكالىق ورتالىعى ەدى. ارمان قۋىپ, ەلدىڭ ەرتەڭىمىز دەپ جۇرگەن زامانداستارىم جازعان شىعارمالارمەن تانىسىپ, وي-پىكىرلەرىن تىڭداعاندا وتانعا دەگەن پاتريوتتىقتى ايقىن سەزىندىم. تاۋەلسىزدىكتىڭ الدىنداعى تىنىس-تىرشىلىگىمىزدى, ودان كەيىنگى 20 جىل ىشىندەگى وركەندەۋىمىزدى ورتاعا سال­دىق. بۇرىن ءبىزدىڭ الدىمىزداعى ۇرپاق ءارى كەتسە ماسكەۋ قالاسىنا بارعان ەكەن. ال قازىر ءبىلىمدى جاستار تورتكۇل دۇنيەنى شارلاپ ءجۇر. بىزبەن كەزدەسۋ كەزىندە «بولاشاق» باعدارلاماسىنىڭ تۇلەكتەرى ەل قامقورلىعىنىڭ ارقاسىندا الەم­نىڭ اتاقتى ءبىلىم وردا­لارىندا وقى­عانىن ايتتى. ءبىلىمدى جاسقا قاشاندا جول اشىق ەكەنىن جەتكىزدى. ءبىز ءبىلىم سايىسىندا استانانى دا ارالاپ كوردىك. ارقادان كەربەز الماتىعا, التايدان كاسپيگە دەيىنگى ارالىقتا ءومىر ءسۇرىپ جاتقان قازاق ەلىنىڭ ۇل-قىزدارى ەلوردانىڭ عاجايىپتارىمەن تانىسىپ, «بايتەرەكتىڭ» باسىنا كوتەرىلىپ, اسەم قالاعا قىزىعا قارادىق. مەكتەپ بىتىرگەننەن كەيىن وسى قالادا وقىساق دەگەن ارمان ءار وقۋشىنىڭ كوكەيىندە سايراپ تۇردى. مۇنىڭ ءبارىن ءبىز تاۋەلسىزدىكتىڭ ارقاسى دەپ بىلەمىز. بيبىگۇل الجەكەسوۆا, ح.ناۋبەتوۆ اتىنداعى ورتا مەكتەپتىڭ 8 سىنىپ وقۋشىسى. اتىراۋ وبلىسى, يساتاي اۋدانى.