بۇل كۇندەرى وبلىستا وسى مەملەكەتتىك باعدارلاما اياسىندا 12 جوبا ىسكە قوسىلدى. وسى جوبالاردىڭ ىسكە اسۋى ارقاسىندا 533 جاڭا جۇمىس ورنى اشىلدى. ال 2 جوبا ەلىمىزدىڭ يندۋستريالاندىرۋ كارتاسىنا ەندى. ونىڭ ءبىرى – قۋاتى 325 مۆت قۇرايتىن اقسۋ №2 جىلۋ ەلەكتر ستانساسىنىڭ جاڭا ەنەرگوبلوگى, ونى باسقارۋ جۇيەسى تولىق اۆتوماتتاندىرىلدى. العاش رەت كۇلدىڭ 99,9 پايىزىن ۇستاپ قالاتىن 5 ساتىلى ەلەكتر سۇزگىسى ورناتىلدى. وسىنداعى №2 بلوك ىسكە قوسىلعان سوڭ, ستانسانىڭ جالپى قۋاتى 2 425 مۆت-عا جەتتى, قوسىمشا 500 جاڭا جۇمىس ورنى قۇرىلدى. ەكىنشىسى – قازاقستاننىڭ ۆاگون جاساۋ كومپانياسىنا قاراستى ەكىباستۇزداعى جۇك ۆاگوندارىنىڭ وندىرىستىك كەشەنى. سونىمەن قاتار, «قازاقستان ءاليۋمينيى» اق-تا №8 پەش تىزبەگىنىڭ قۇرىلىسى ىسكە قوسىلدى.
فاريدا بىقاي, پاۆلودار وبلىسى.
160 800 000 سوڭعى التى ايدا مۇناي سالاسى بويىنشا انىقتالعان قىلمىستىق ىستەر ناتيجەسىندە مۇناي جانە مۇناي ونىمدەرىنىڭ زاڭسىز اينالىمىنان وسىنشا تەڭگە وندىرىلگەن.
وسى ىسكە قاتىسى بار «كەرۋەن مودۋس ترەيد» جشس باسشىسىنىڭ ۇستىنەن قىلمىستىق ءىس قوزعالىپ وتىر. مەكەمە باسشىسى قاراتاۋ ستانتسياسى ماڭىندا رەسمي قۇجاتتاردى زاڭسىز جولمەن جاساپ, 44,9 ميلليون تەڭگەگە باعالانعان 11 تسيستەرنا مۇنايدى جەكە ماقساتىنا پايدالانباق بولعان. سونداي-اق, بەلكول اۋىلىنىڭ جانىنان ۆاگونعا تيەلىپ جاتقان 226,78 توننا شيكى مۇناي تاركىلەنگەن. مۇنداي الاياقتىقپەن «تەسسورو» جشس اينالىسقانى انىقتالعان.
ەرجان بايتىلەس, قىزىلوردا وبلىسى.
2 700 000 اقتوبە قالاسىنداعى تۇرمىستىق قالدىقتاردى شىعارۋمەن اينالىساتىن «اق جول لتد» جاۋاپكەرشىلىگى شەكتەۋلى سەرىكتەستىگى ساتىپ العان «دۋنفەن» ماركالى ءتورت ارنايى كولىكتىڭ ارقايسىسىنا وسىنشاما تەڭگە جۇمسادى.
سەرىكتەستىككە قاراستى 57 ارنايى كولىك قالانىڭ تۇرمىستىق قالدىقتارىن پوليگونعا شىعارادى. سوڭعى جىلدارى كۇندەلىكتى شىعارىلاتىن قوقىستىڭ كولەمى دە ارتا ءتۇستى. 2008 جىلى 31 مىڭ توننا قوقىس شىعارىلسا, بيىلعى التى ايدا عانا 21 مىڭ توننا تۇرمىستىق قالدىق پوليگونعا جەتكىزىلدى. قالادا 120 كونتەينەر الاڭى بار. سەرىكتەستىك نەسيەگە العان «دۋنفەن» ارنايى كولىگىنە 17 توننا جۇك كەتەدى. جاڭا تەحنيكانىڭ ساپاسى رەسەيلىك اۆتوكولىكتەردەن ەش كەم ەمەس.
ساتىبالدى ءساۋىرباي, اقتوبە وبلىسى.
