قابىلداۋ بولمەلەرىنىڭ قىزمەتى جەتىلدىرىلەدى

كەشە «نۇر وتان» حالىقتىق-دەموكراتيالىق پارتياسىنىڭ حاتشىسى سەرگەي گروموۆتىڭ توراعالىعىمەن پارتيانىڭ قوعامدىق قابىلداۋ بولمەلەرى قىزمەتىنىڭ ماسەلەلەرى بويىن­شا بەينەكونفەرەنتسيا بايلانىسى بولىپ ءوتتى. وڭىرلەرمەن «on line» رەجىمىندەگى بەينەكونفەرەنتسيا بايلا­نى­سى ادىلەت مينيسترلىگىنىڭ سي­تۋا­تسيا­لىق ورتالىعىندا جۇرگىزىلدى. ون­ىڭ جۇمىسىنا پارتيانىڭ اي­ماقتىق فيليالدارى توراعالا­رى­نىڭ ءبىرىنشى ورىنباسارلارى, قو­عامدىق قا­بىلداۋ بولمەلەرىنىڭ مەڭ­­گەرۋ­شى­لەرى جانە پارتيانىڭ ور­­تالىق اپپا­راتى قوعامدىق قا­بىلداۋ ءبول­مەسىنىڭ قىزمەتكەرلەرى قاتىستى. بەينەكونفەرەنتسيادا 2011 جىل­­­دىڭ ءبىرىنشى جارتىجىل­دى­عىندا قوعامدىق قابىلداۋ بولمە­لەرىنىڭ قا­لاي جۇمىس اتقارعانى تۋرالى ءما­لىمەت تالقىعا سالىن­دى. بەلگىلى بول­عانداي, سوڭعى كەزدەرى قوعامدىق قا­بىلداۋ ءبول­مە­لەرىنە دەگەن تۇرعىن­داردىڭ نازا­رى ەرەكشە اۋىپ وتىر. «نۇر وتان» حدپ ورتالىق اپپا­راتى قوعامدىق قا­بىل­داۋ بولمە­سى­نىڭ مەڭگەرۋشىسى جۇماجان جۇكە­نوۆ­تىڭ مالىمەتىنە قاراعاندا, ءۇستى­مىزدەگى جىلدىڭ جار­تىجىلدىعىن­دا قوعامدىق قابىلداۋ بولمەلەرىنە ازاماتتاردان 30 مىڭنان استام ءوتى­نىش كەلىپ تۇسكەن. بۇل بىلتىرعى جىل­دىڭ وسى مەرزىمىمەن سالىستىر­عاندا 1,5 مىڭعا ارتىق. بۇعان دەيىنگى وتىنىشتەردە تۇر­عىن ءۇي ماسەلەسى وتكىر قويىلىپ كەلسە, اتالعان ماسەلەنى اكىمدىك­تەر­مەن شەشۋدىڭ ناتيجەسىندە ونى تومەندەتۋگە قول جەتكىزىلىپتى. كوم­مۋنالدىق قىزمەت كورسەتۋ ءما­سەلەلەرىنە قاتىستى سۇراقتار «شاڭىراق» جوباسىنىڭ جۇزەگە اسا باستاۋىمەن ءوز شەشىمىن تابا باستاپتى. ءتىپتى اتالعان قىزمەت ورىندارىنىڭ قىزمەتكەرلەرى ءوتى­نىش­پەن كەلگەن تۇرعىنداردىڭ ءما­سەلەلەرىن سول مەزەت شەشۋگە تى­رىساتىن كورىنەدى. وسى رەتتە جا­لاقىلارىن الا الماي جۇرگەندەر فاكتىلەرىنىڭ ەكى ەسەگە ارتىپ كەتۋى كوپشىلىكتى الاڭداتىپ وتىرعانى پارتيانىڭ وڭىرلىك قوعامدىق ءبول­مەلەرىن بەي-جاي قالدىرا الماي­تى­نى بەلگىلى. جۇماجان قاركەن­ ۇلى وسى ماسەلەنى ەرەكشە نازارعا الۋ كەرەكتىگىن العا تارتتى. بۇل ماسەلەدە اۆتو جانە تەمىر جول ۇستىندەگى جىلجىمالى قوعامدىق قابىلداۋ ورىندارى جاقسى جۇ­مىستار اتقارىپ كەلەدى. جالپى, ازاماتتاردان تۇسكەن وتىنىشتەردىڭ 40 پايىزى بويىنشا وڭ شەشىم قابىلداناتىنى ەرەكشە اتالىپ ءوتتى. ارينە, بۇل جامان ناتيجە ەمەس. ال وتىنىشتەردىڭ 30 پايىزعا جۋىعى ءارتۇرلى كەڭەس­تەر­دى قاجەتسىنەتىن بولسا, 10 پايىزى ەلىمىز زاڭدارىنا قايشى كەلگەندىكتەن, شەشۋگە مۇمكىن بولماعان. مۇنداي جاعدايدا پارتيانىڭ قو­عامدىق قا­بىلداۋ بولمەلەرى ماسە­لەنىڭ ءمانى­سىن ايتىپ, ونىڭ شەشىمى بولماي­تىندىعىن اشىپ ايتۋ­لارى قاجەت. سونداي-اق وڭىرلەردە ءارتۇرلى دەڭ­گەيدەگى دەپۋتاتتاردىڭ اتقارعان جۇ­مىستارى ەرەكشە اتال­دى. ماسە­لەن, شىعىس قازاقستان وبلىسىندا جاس ماماندار پروبلە­مالارىن شەشۋدىڭ كەشەندى باع­دار­لاماسى ءازىر­لەنگەن. اتالعان ءوڭ­ىردە 400 با­لاعا ارنالعان لاگەر­دىڭ اشىلۋى دا سونداي ناتيجەلى جۇمىستاردىڭ ءبىرى رەتىندە تانىس­تىرىلدى. ءتىپتى وڭ­تۇستىك قازاق­ستان وبلىسىندا ءبىر زەينەتكەردى نەسيە ءۇشىن زەينەت­اقىسىنان ۇس­تاپ قالامىز دەپ قور­قىتقان فاكتىلەر كولدەنەڭ تارتىل­دى. ول بوي­ىنشا «اليانس بانككە» تەلەفون سوعىلىپ, اتالعان ماسەلە ءوز شەشىمىن تاۋىپتى. تيىسىنشە اتالعان وبلىستا ازاماتتاردى جۇ­مىسقا ورنالاستىرۋ, تەگىن زاڭدىق كە­ڭەستەر بەرۋ سياقتى ماسەلەلەر جولعا قويىلعان ەكەن. قورىتىندىسىندا ازاماتتار­دىڭ وتىنىشتەرىن قاراۋ كەزىندە مەم­لەكەتتىك ورگاندار مەن دەپۋ­تاتتىق فراكتسيالاردىڭ ءوزارا بىرىككەن ءىس-ارەكەتتەرىن جەتىلدىرۋ جانە حالىقپەن بارىنشا تىعىز جۇ­مىس جۇرگىزۋدىڭ جاڭا فورما­لارىن تابۋ ماسەلەلەرى ەرەكشە اتال­دى. قوعامدىق قابىلداۋ ءبول­مەلەرىنىڭ قىزمەتىن ودان ءارى جەتىلدىرۋ مىندەتى وتكىر قويىلدى. اسقار تۇراپباي ۇلى.