بىرىڭعاي اقپاراتتىق جۇيە الەۋمەتتىك قورعاۋ جانە ەڭبەك سالاسىنىڭ قىزمەتىن جاقسارتادى

حالىققا ۇسىنىلاتىن الەۋمەتتىك قىزمەت­تەردىڭ ساپاسى بۇگىنگى تاڭدا اقپاراتتىق قول­داۋ­مەن تىعىز بايلانىستى. حالىقتىڭ حاباردار بولۋى, مەملەكەتتىك الەۋمەتتىك قىزمەتتەر­دىڭ قولجەتىمدىلىگىن جانە قىزمەت كورسەتۋدىڭ اشىقتىعىن قامتاماسىز ەتۋ, قاعازباستىلىقتى ازايتۋ جانە بيۋروكراتيزمنىڭ الدىن الۋ, الەۋمەتتىك جاردەماقىلاردى تاعايىنداۋ جانە تولەۋ ۇدەرىسىن جەدەلدەتۋ, الەۋمەتتىك سالانىڭ دامۋىنا مونيتورينگ جۇرگىزۋ مەن بولجاۋدى جاقسارتۋ, الەۋمەتتىك قاتەرلەردى باسقارۋ تيىمدىلىگىن وڭتايلاندىرۋ جانە ارتتىرۋ – وسىنىڭ بارلىعى اقپاراتتىق قولداۋدىڭ ارقاسىندا قول جەتكىزۋگە بولاتىن مۇمكىندىكتەر. الەۋمەتتىك قورعاۋ جانە ەڭبەك سالاسىندا اقپاراتتىق-كوممۋنيكاتسيالىق تەحنولو­گيالار­دى قولدانۋ جانە ولاردى دامىتۋ سالا­نى رەفورمالاۋمەن قاتار جۇزەگە اسىرىلدى. حالىقتى الەۋمەتتىك قورعاۋدىڭ جاڭا ءۇل­گىسىن جاساۋ كەزەڭىندە (زەينەتاقى جۇيەسىن رەفورمالاۋ, جەڭىلدىكتەردى مونەتيزاتسيالاۋ جانە حالىقتىڭ 20 ساناتىنا ارناۋلى مەملەكەتتىك جاردەماقىنى ەنگىزۋ) ارنايى دەرەكقورلاردى قۇرىپ, جيناقتاۋشى زەينەتاقى جۇيەسى مەن مىندەتتى الەۋمەتتىك ساقتاندىرۋ جۇيەسىن قوسا العاندا, زەينەتاقىلار مەن مەملەكەتتىك الەۋ­مەتتىك جاردەماقىلاردى تاعايىنداۋ مەن تولەۋ ۇدەرىسىن اۆتوماتتاندىرۋ قاجەت بولدى. وسى ورايدا, قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنە قاراستى «زەينەتاقى تولەۋ جونىندەگى مەملەكەتتىك ورتالىق» رمقك اياسىندا زەينەتاقى جيناقتارىن الۋشىلار مەن سالىمشىلاردىڭ, مۇگەدەكتەردىڭ, ورالمانداردىڭ ورتالىقتان­دىرىلعان دەرەكقورلارى, الەۋمەتتىك ساقتان­دىرۋ جۇيەسىنەن تولەمدەردى تاعايىنداۋدىڭ اۆتوماتتاندىرىلعان جۇيەسى قۇرىلدى. زەي­نەتاقى مەن جاردەماقى الۋشىلاردىڭ ەلەك­ترون­دىق مۇراعاتى قالىپتاستىرىلا باستادى. اقپاراتتىق قولداۋداعى كەلەسى قادام اتاۋلى الەۋمەتتىك كومەك, بالالار جاردەماقى­سى, تۇرعىن ءۇي كومەگى جانە جەرگىلىكتى اتقا­رۋشى ورگانداردىڭ شەشىمى بويىنشا كورسەتى­لەتىن الەۋمەتتىك تولەمدەردىڭ باسقا دا تۇرلە­رىن تولەۋ پروتسەسىن اقپاراتتىق قولداۋ جۇيەسىن قۇرۋ بولدى. وسى ماقساتتا باعدارلامالىق كەشەن ءازىر­لەنىپ, جەرگىلىكتى اتقارۋشى ورگاندارعا بەرىلدى. الايدا بۇل كەشەن جەرگىلىكتى دەرەكقورلاردا عانا قولدانىلدى. الەۋمەتتىك كومەك الۋشى­لاردىڭ جەرگىلىكتى دەرەكقورلارىنىڭ بىتىراڭ­قىلىعى, ۆەدومستۆولىق جۇيەلەردىڭ جەكەلىگى مەن تۇيىقتىعى قاجەتتى دەرەكتەردى ورتالىق­تان جيناقتاۋعا بوگەت بولدى. مىسالى, اتاۋلى الەۋمەتتىك كومەك الۋعا ءوتى­نىش بەرگەن ادامنىڭ تابىسىنىڭ دينامي­كاسى تۋرالى دەرەكتەردى كەدەرگىسىز الماسۋ جاع­دايىندا تولەمدەردى تاعايىنداۋدى جاڭارتىپ وتىرۋ ءۇشىن توقسان سايىن ءار ءتۇرلى ۇيىمدار­دان قاجەتتى دەرەكتەردى قاعاز كۇيىندە جيناق­تاۋ, ولار­دى كۋالاندىرۋ جانە ۋاكىلەتتى ورگان­عا ۇسى­­نۋ قاجەت بولدى. بۇعان قوسىمشا ۋاقىت كەرەك. وسىعان وراي مينيسترلىك الەۋمەتتىك قورعاۋ جانە ەڭبەك سالاسىنىڭ بىرىڭعاي اقپاراتتىق جۇيەسىن (بۇدان ءارى – اقەسباج) قۇرۋ تۋرالى شەشىم قابىلدادى. سول ارقىلى الەۋمەتتىك قورعاۋ جانە ەڭبەك سالاسىنداعى بارلىق اۆ­توماتتى اقپاراتتىق جۇيەلەردىڭ ءوزارا باي­لانىستىرۋى ءتيىس جانە ولاردىڭ اراسىندا جىلدام اقپارات الماسۋ مۇمكىندىگىن قامتا­ماسىز ەتۋى ءتيىس بولدى. قازىرگى ۋاقىتتا ەلىمىزدىڭ بارلىق وڭىرلە­رىندە اقەسباج-دىڭ مىناداي اقپاراتتىق كىشى جۇيەلەرى ەنگىزىلىپ, ناقتى ۋاقىت رەجىمىندە قولدانىلىپ كەلەدى: «ەڭبەك نارىعى» ااج – ەڭبەك نارىعى مەن جۇمىسپەن قامتۋدىڭ جاي-كۇيى تۋرالى جالپى­ۇلتتىق دەرەكقور. وعان جۇمىس بەرۋشىلەر مەن سالالىق مينيسترلىكتەردەن جەكەلەگەن وڭىرلەر مەن جالپى رەسپۋبليكا بويىنشا بوس جۇمىس ورىندارى تۋرالى, بۇل بوس ورىندارعا ورنالاسۋ ءۇشىن قاجەتتى ءبىلىم مەن بىلىكتىلىك تالاپتارى جونىندەگى اقپارات شوعىرلانادى. دەرەكقوردا بىلىكتىلىكتى ارتتىرۋ مۇمكىندىكتەرى مەن شارت­تارى, جۇمىسقا ورنالاسۋعا كومەك الۋ تۋرالى مالىمەتتەر دە قامتىلعان. بۇل دەرەكقور جۇمىسپەن قامتۋ 2020 باع­دارلاماسىن اقپاراتتىق قولداۋدا جانە ونىڭ ىسكە اسىرىلۋىنا مونيتورينگ جۇرگىزگەندە ماڭىزدى قۇرال بولماق. «شەتەلدىك جۇمىس كۇشى» ااج – رەسپۋب­ليكانىڭ كاسىپورىندارىنا شەتەلدىك قىزمەت­كەرلەردى تارتاتىن جەكە جانە زاڭدى تۇلعالار تۋرالى, تارتىلاتىن قىزمەتكەرلەردىڭ ءبىلىم دەڭگەيى مەن بىلىكتىلىگى تۋرالى, سونداي-اق جۇمىس بەرۋشىلەرگە رۇقسات بەرۋدىڭ ەرەكشە شارتتارىنىڭ ورىندالۋى تۋرالى سوڭعى جانە ناقتى اقپاراتتى قامتيتىن دەرەكقور; «ە-سوبەس» ااج – جەرگىلىكتى دەڭگەيدە الۋشىلار قۇرىلىمىنا مونيتورينگ جۇرگىزۋدى, تالداۋ مەن باعالاۋدى قوسا العاندا, اتاۋلى الەۋمەتتىك كومەك پەن ارناۋلى الەۋمەتتىك قىز­مەتتەردى كورسەتۋمەن بايلانىستى ءىس-شارا­لاردى جوسپارلاۋ (بولجاۋ) جانە ىسكە اسىرۋ بويىنشا جەرگىلىكتى اتقارۋشى ورگانداردىڭ فۋنكتسيالارىن اۆتوماتتاندىرۋعا مۇمكىندىك بەرەتىن دەرەكقور; «الەۋمەتتىك كومەك: ااك, مبج» ااج الەۋمەتتىك تولەمدەردى الۋشىنىڭ ارقايسى­سىن, ونىڭ وتباسى قۇرامىن, تۇرعىلىقتى جەرى مەن جۇمىس ورنىن, تابىسى مەن وتباسىنىڭ قولىنداعى اكتيۆتەردى دەر­بەس ەسەپكە الۋدى قام­تاماسىز ەتەدى. اتالعان جۇيە زەي­نەت­اقى تولەۋ جونىندەگى مەملەكەتتىك ورتالىقتىڭ اق­پا­راتتىق جۇيەسىمەن كىرىكتىرىلگەن, بۇل ءار ءتۇر­لى ۇيىم­دار مەن مەكەمەلەردەن قاعاز جيناپ, تاپ­سىرۋ ماشاقاتىن زتمو-نىڭ اق­پاراتتىق جۇيە­لەرىنەن اق­پارات الۋمەن الماستى­رۋعا مۇمكىندىك بەردى. وپەراتور قانداي دا ءبىر ادام تۋرالى دەرەكتەردى ەنگىزسە بولعانى, 2-3 مينۋت شاماسىندا ءجار­دەم­اقىنىڭ قانداي ءتۇرىن الۋ قۇقىعى بار ەكەنىن انىق­تاۋعا بو­لادى. بۇل رەتتە, زتمو-نىڭ اقپا­رات­تىق جۇيەلەرىمەن بايلانىس ارنالارى بويىن­­شا بىرنەشە سەكۋند ىشىندە ءوتىنىش بەرۋشى ۇسىنعان اقپاراتتىڭ دۇرىستىعى انىق­تالادى; «ەڭبەكتى قورعاۋ جانە ەڭبەك قاۋىپسىزدىگى» ااج ناقتى ۋاقىت جاعدايىندا ەڭبەك جاع­دايلارىن, وندىرىستىك جاراقاتتانۋ ديناميكا­سىن, ەڭبەك قاتىناستارى مەن ەڭبەكتى قورعاۋ سالاسىنداعى زاڭ بۇزۋشىلىقتاردى جانە ولاردى جويۋدى, ەڭبەكتى قورعاۋ جانە ەڭبەك قاۋىپسىزدىگىنىڭ زاماناۋي ستاندارتتارىن ەنگىزۋدى ەسەپكە الۋ مەن مونيتورينگ جۇرگىزۋگە ءمۇم­كىندىك بەرەدى. اتالعان اۆتوماتتاندىرىلعان جۇيەنى پايدالانۋ مەملەكەتتىك ەڭبەك ينسپەك­تورلارىنىڭ جۇمىسىنىڭ اناعۇرلىم اشىق بو­لۋىن قامتاماسىز ەتەدى جانە سىبايلاس جەم­قور­لىق قۇقىق بۇزۋشىلىقتارىنىڭ الدىن الۋعا مۇمكىندىك بەرەدى. «كونتاكت-ورتالىق» اقپاراتتىق-انىق­تاما­­لىق ورتالىعى. ول ارقىلى ازاماتتار تەلەفون ارقىلى, ۇيالى بايلانىس, SMS جانە ەلەك­تروندى پوشتا, رەسمي سايت پەن WEB, WاP پور­تالدارى ارقىلى الەۋمەتتىك ماسەلەلەر بويىنشا اقپاراتتىق قىزمەتتەردى تەگىن الا الادى. حالىقتى جۇمىسپەن قامتۋ, جيناقتاۋشى زەي­نەتاقى جۇيەسىن قوسا العاندا, زەينەت­اقى­مەن جانە الەۋمەتتىك قامسىزداندىرۋ, مىندەتتى الەۋمەتتىك ساقتاندىرۋ جانە الەۋمەتتىك كومەك كورسەتۋ سالاسىنداعى مەملەكەتتىك قىزمەتتەر­مەن ەلىمىزدە 6 ملن.-نان استام ادام نەمەسە جالپى حالىق سانىنىڭ 40 پايىزى قامتىلدى. الەۋمەتتىك قورعاۋ جانە ەڭبەك سالاسىندا­عى اقپارات­تىق قولداۋدى دا­مىتۋدىڭ كەلەسى كەزەڭىندە قىز­مەتتەردى ەلەك­تروندىق ۇكى­مەت پورتالى ار­قىلى كور­سەتۋ جوسپار­لان­عان. سالالىق مينيسترلىكتەر ۇلگى دەرەكقورلارىن – جەكە تۇل­عالاردىڭ دەرەكقورىن, احاج, دەنساۋلىق ساقتاۋ اق­پاراتتىق جۇيەلەرىن ۇنەمى جاڭارتىپ وتىرادى. بۇل اقپاراتتىق جۇيەلەر­دىڭ الەۋمەتتىك قورعاۋ جانە ەڭبەك سالاسىنىڭ دامۋىنا تيگىزەر اسەرى ۇشان-تەڭىز. پيلوتتىق جوبالاردى ەنگىزۋ كەزەڭىنىڭ وزىندە الەۋمەتتىك قىزمەتكەرلەر اقپاراتتىق تەحنولوگيالاردى دامىتۋ جانە تاراتۋدىڭ قانشالىقتى ماڭىزدى ەكەنىن اڭ­عارىپ وتىر. بۇل اقپاراتتىق تەحنولو­گيا­لار­دىڭ دامىپ, جەتىلۋىنە ىقپال ەتەدى. مۇنداي جۇيە مەملەكەتتىك قىزمەتتەردى الۋ ءۇشىن قاجەتتى اقپاراتتار مەن قۇجات­تاردى جيناقتاۋعا كەتەتىن ۋاقىتتى قىس­قارتۋ­عا; وسىعان بايلانىستى شىعىنداردى ازايتۋعا, قىزمەتتەردى حالىقتىڭ تۇرعى­لىقتى جەرىندە كورسەتۋگە, الەۋمەتتىك قىزمەت كورسەتۋدىڭ تيىمدىلىگىن تۇتاستاي ارتتىرۋعا مول مۇمكىندىك بەرەدى. تامارا دۇيسەنوۆا, ەڭبەك جانە حالىقتى الەۋمەتتىك  قورعاۋ مينيسترلىگىنىڭ جاۋاپتى حاتشىسى.