مەرەيتويعا دايىندىق بارىسى قارالدى

كەشە مەملەكەتتىك حاتشى قانات ساۋداباەۆ قازاقستان تاۋەل­­سىز­دىگىنىڭ 20 جىلدىعىن ءوت­كىزۋ جونىندەگى مەملەكەتتىك كو­ميس­­سيا­نىڭ جۇمىس توپتارى جەتەكشىلەرىمەن كەڭەس وتكىزدى. استانا مەن وبلىستارداعى مە­رەيتويلىق ءىس-شارالار وتكىزۋ ءجو­نىن­دەگى جۇمىستار تۋرالى اقپا­رات­پەن پرەمەر-ءمينيستردىڭ ورىن­­­باسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ, استانا قالاسى­نىڭ اكىمى يمانعالي تاسماعام­بەتوۆ ءجا­نە مادەنيەت ءمينيسترى مۇح­تار قۇل-مۇحاممەد ءسوز ءسوي­لەپ, الدا­عى جوسپارلار جايىنا توق­تالدى. كەڭەستە وتكەن التى ايدىڭ ءىشىن­دە مەرەيتويلىق جىلدىڭ جالپى­ۇلت­تىق ءىس-شارالار جوسپارىن ىسكە اسىرۋدىڭ قورىتىندىلارى جاسال­دى. سونداي-اق, ەلوردا كۇنىنە ءجا­نە ەل تاۋەلسىزدىگىنىڭ 20 جىل­دى­عىن مەرەكەلەۋ شەڭبەرىندە وبلىس­تار مەن الماتى قالاسىنىڭ اس­تا­ناداعى مادەنيەت كۇندەرىنە دا­يىن­دىق جانە ولاردى وتكىزۋ ماسە­لەلەرى قارالدى. ق.ساۋداباەۆ مەرەيتويلىق جىل باعدارلاماسى شەڭبەرىندەگى ءبىر­قاتار ماڭىزدى شارالاردىڭ ءساتتى وتكىزىلگەنىنە توقتالا كەلىپ, «مەم­­­لە­­كەتىمىزدىڭ باسشىسى اتاپ وتكەن­دەي, تاۋەلسىزدىكتىڭ 20 جىلدىعىن مەرەكەلەۋ جونىندەگى جالپىۇلت­تىق ءىس-شارالار جوسپارىن جۇزەگە اسىرۋ ەلىمىز بەن ونىڭ ءاربىر ءوڭى­رى­نىڭ وسى جىلدار بەدەرىندەگى تا­بىستارىن ايشىقتاپ قانا قويماي, قا­زاق­ستاننىڭ ودان ءارى الەۋ­مەت­تىك-ەكونوميكالىق جانە مادەني-گۋمانيتارلىق دامۋىنا, حالقى­مىز­دىڭ ءال-اۋقاتىنىڭ ارتۋىنا ايتارلىقتاي سەرپىن بەرۋى ءتيىس. مەرەيتويلىق جىلدىڭ ءاربىر كۇنى ماقتاۋلى ىستەرمەن جانە جاسام­پاز­دىقپەن, وسى تاماشا مەرەكەگە بارشا قازاق­ستان­دىقتاردىڭ تىكەلەي قاتىستى بولۋىمەن ەستە قالۋى قاجەت», – دەپ اتاپ ءوتتى. كەڭەستە جۇمىس توپتارىنىڭ جەتەكشىلەرى قازاقستان تاۋەل­سىز­دىگىنىڭ 20 جىلدىعىن مەرە­كە­لەۋدىڭ جالپىۇلتتىق جوسپارىنىڭ ءىس-شارالارىن مەرەيتويعا دەيىنگى مەرزىم ىشىندە جوعارى دەڭگەيدە ۇيىمداستىرۋ جانە مازمۇندى ءوت­كىزۋ قاجەتتىلىگىنە اۋداردى. ءلايلا ەدىلقىزى.