الەۋمەتتانۋشىلار باس قوستى

الماتىدا قازاقستان رەسپۋبليكاسى پرەزي­دەنتى­نىڭ كومەكشىسى – قاۋىپسىزدىك كەڭەسىنىڭ حاتشىسى مارات ءتاجيننىڭ توراعالىق ەتۋىمەن «قازاقستاندىق قو­عامنىڭ الەۋمەتتىك جاڭارۋى: جەتىستىكتەرى, ماسە­لە­لەرى جانە كەلەشەگى» دەگەن تاقىرىپتا قازاقستان الەۋمەتتانۋ­شى­لارى­نىڭ IV كونگرەسى جۇمىسىن باستادى. كونگرەسس جۇمىسىنا ۋكراينا, بەلارۋس, قىرعىزستان ەلدەرىنىڭ الەۋمەتتانۋشىلارى, قر پرەزيدەنتى اكىمشىلىگىنىڭ, مادەنيەت,  ءبىلىم جانە عىلىم مينيستر­لى­ك­تەرىنىڭ, قالا اكىمدىگىنىڭ, سونداي-اق الماتى مەن استانا قالا­لا­رىنداعى جوو-نىڭ وكىلدەرى, سون­داي-اق بىرقاتار شەت ەلدىك الەۋمەتتانۋشىلارى, ونىڭ ىشىندە تۇركى تىلدەس ەلدەر الەۋمەت­تانۋشىلار وداعىنىڭ پرەزيدەنتى كوركۋت تۋن (تۇركيا), «سوتسيس» باس رەداكتورى, رعا كور­رەس­پوندەنت-مۇشەسى ج.­تو­­ششەن­كو, تاعى باسقا دا ەلدەردىڭ تا­نىمال الەۋمەت­تانۋ­شىلارى  قا­تى­سۋدا. جيىن بارىسىندا قازاقستان الەۋمەتتانۋشىلارى قاۋىمداس­تى­عى­نىڭ پرەزيدەنتى, الەۋ­مەت­تا­نۋ عىلىمدارىنىڭ دوكتورى, پروفەسسور مارات ءتاجيننىڭ اتاپ ءوت­كەنىندەي, كونگرەسس ەل تاۋەل­سىز­دى­گى­نىڭ 20 جىلدىعىنا دايىندىق اياسىندا, مادەنيەت, ءبىلىم جانە عىلىم مي­نيس­ترلىكتەرىنىڭ قول­داۋى­مەن وتكىزىلىپ وتىر. «قازىرگى تاڭدا قازاقستاندا وتە جوعارى دەڭگەيدە الەۋمەتتىك زەرتتەۋلەر جۇرگىزىلۋدە, بولجامدار دا ناقتى جاسالىنۋدا. سوڭعى سەگىز جىلدا الەۋمەتتىك زەرتتەۋلەرگە قاتى­سۋ­شىلاردىڭ سانى ەكى ەسەگە ارتتى. ساۋالنامالارعا سەنىم 50 پايىز­دان 70 پايىزعا دەيىن ءوستى. قا­زاقستاندىقتاردىڭ ءۇش­تەن ەكىسى زەرتتەۋلەردى پايدالى دەپ ەسەپتەيدى», دەدى مارات ءتاجين. كونگرەسكە قاتىسۋشىلار كەشە الەۋمەتتىك جاڭارۋدىڭ وزەكتى ماسەلەلەرىن, قوعامنىڭ الەۋمەت­تىك جاڭارۋىنداعى تىلدەردى دا­مى­تۋ باعدارلاماسىن, جوو-نىڭ ءرو­­لىن, قازاقستانداعى ەڭبەك كو­شى-قونى, قوعامنىڭ جاڭعىرۋ تۇر­­عىسىنداعى قازاقستاندىق­تار­دىڭ الەۋمەتتىك كوڭىل-كۇيلەرىنە قا­تىس­تى ماسەلەلەردى تالقىلا­دى. كەشە, سونداي-اق «قا­زاق­ستاندىق الەۋمەتتانۋداعى تانى­مال تۇ­ل­عا­لار» اتتى تولىق­تى­رىلعان ەكىنشى كىتاپتىڭ تانىس­تى­رىلىمى ءوتتى. كونگرەسس قورى­تىندىسى الەۋ­­مەت­تانۋشىلار قاۋىمدا­ستى­عىنىڭ «الەۋمەت­تا­نۋ-Sociology» اتتى جۋرنالى­نىڭ ارنايى ءنو­مى­رىندە جارىق كورەتىن بولادى. ال بۇگىن تۇڭعىش رەت قا­زاق­ستان جاس الەۋمەتتانۋشىلارى­نىڭ ءبىرىنشى فورۋمى وتەدى. قانات ەسكەندىر.