جاڭا…

...جوعارى وقۋ ورنى وتاۋ تىگەدى كەڭەس وداعىنىڭ باتىرى, جەرلەسىمىز جالەل قيزاتوۆ اتىنداعى  اۋىل شارۋاشى­لى­عى كوللەدجى – قىزىلجار ءوڭى­رىندەگى بايىرعى وقۋ ورىن­دا­رى­نىڭ ءبىرى. قازىر مۇندا  تو­عىز ماماندىق بويىنشا اۋىل شارۋاشىلىعى سالاسىنا ماماندار ازىرلەنەدى. وقۋشىلار­دىڭ سانى 700-دەن اسادى. بىل­تىر «جول كارتاسى» باعدارلا­ماسى اياسىندا جاتاقحانا, وقۋ كورپۋستارى كۇردەلى جوندەۋ­دەن ءوتىپ, ماتەريالدىق-تەحني­كا­لىق بازا نىعايتىلدى, قا­زىر­گى زامانعى قۇرال-جابدىق­تار, قوندىرعىلار ورناتىلدى. ەندى وسى وقۋ ورنى  اگرو­تەح­نيكالىق ينستيتۋتقا اي­نال­دىرىلماق. بۇل جونىندە وبلىس اكىمى سەرىك ءبىلالوۆ تۇمەن اگ­رارلىق ينستيتۋتى باسشى­لا­رى­مەن تىكەلەي  بەينەبايلا­نىس­قا شىققاندا مالىمدەپ, ءبىلىم بەرۋ سالاسىنداعى ەكىجاق­تى  كەلىسىم-شارتتىڭ  ويداعى­داي ورىندالاتىنىنا سەنىم ءبىلدىردى. رەسەيلىك ارىپتەستەرى­مىز  قاشىقتىقتان وقىتۋ ءجۇي­ەسىنە دايىن ەكەندىكتەرىن ءبىلدىردى. ءومىر ەسقالي, سولتۇستىك قازاقستان وبلىسى, ەسىل اۋدانى.   ...مۇسىندەر جان سەرگىتۋدە بۇگىندە استانادا تۇراتىن بەلگىلى سۋرەتشى جانە ءمۇسىنشى ا.نازارقۇلدىڭ ەسىمى, ءاسى­رەسە, تارازدىقتارعا جاقسى ت­ا­نىس. ويتكەنى, ونىڭ شىعار­ما­شىلىق ەڭبەك جولىنىڭ كوپ جىلدارى تۋعان قالاسىندا ءوتىپ, وسى قالانىڭ ابىروي-اتا­عىن اسپانداتۋعا ارنالدى. جاقىندا ول استانادان كەلىپ, تارازدىقتارعا ءوزىنىڭ قو­لى­نان شىققان جاڭا ءمۇسىن­دە­رىن ۇسىندى. ەندى تارازدىقتار مەن ونىڭ قوناقتارى شە­بەر­دىڭ قولىنان شىققان تىلسىم سىرلى تۋىندىلاردى قالانىڭ داڭعىلدارى مەن كوشەلەرىنىڭ بويىنان, گۇلزارلار مەن سايا­باق­تاردان تاماشالايتىن بولادى. وبلىس باسشىلىعى تارازدان شىققان تالانت يەسىنىڭ تۋ­ىندىلارىن جىلى قابىلدادى. كوسەمالى ساتتىباي ۇلى, جامبىل وبلىسى.   ...«نەكە سارايى» اشىلدى جەزقازعان قالاسىندا ءساۋ­لەت­تىك ونەردىڭ سوڭعى ۇلگى­سى­مەن سالىنعان شىنىلى پيراميدا عيماراتى پايدالانۋعا بە­رىلدى. وندا نەكە قيۋ سال­تاناتى وتكىزىلىپ تۇرادى. مەتاللۋرگتەر ساياباعى بوي­­ىنداعى بۇل ادەمى نىسان قالا كوركىنە ەرەكشە ءسان بەرەدى. نەكە قيۋ زالى ورنالاسقان عيماراتتىڭ ەكىنشى قاباتىندا شاھار تاريحىنا ارنالعان مۇ­را­جاي بار. وتاۋ تىككەن جاس جۇ­بايلاردىڭ العاشقى ءبىر توبى وسى جەردەن نەكە كۋالىگىن الدى. ايقىن نەسىپباي, جەزقازعان.