ينۆەستيتسيا – يگەرگەنگە يگىلىك

قاتتى قالدىقتار كادەگە جاراتىلادى اقتاۋ قالاسىندا قوقىستار­دى كەشەندى قايتا وڭدەۋ ءجونىن­دەگى جو­بانى جۇزەگە اسىرۋ كون­تسەپ­تسياسى­نىڭ رەسمي تانىستى­رى­لىمى بول­دى. وعان ەۋرازيا­لىق قايتا قۇرۋ جانە دامۋ بانكى مەن «كوۆي كونسالتينگ» كومپا­نياسىنىڭ وكىلدەرى قاتىستى. بۇل اتالمىش جوبا وتكەن جىلى باستاۋ الىپ, ونى دايىنداۋ تۋرالى كەلىسىم-شارتقا ماڭعىستاۋ وب­لى­­سى اكىمدىگى مەن ەۋرازيالىق قايتا قۇرۋ جانە دامۋ بانكى ءوزا­را قول قويعان-دى. وندا جالپى قۇنى 23,8 ملن اقش دوللارىن قۇراي­تىن جوبانىڭ جۇزەگە اسى­رى­لۋى ايماققا كومىلۋگە جاتا­تىن قاتتى تۇرمىستىق قالدىق­تاردىڭ كولەمىن ازايتۋعا, ۋلى گازداردىڭ زياندى اسەرىن قىس­قار­تۋ مەن «جاسىل» ەنەر­گيا ءون­دىرۋگە مۇمكىندىك بەرەتىندىگى ايتىلعان-دى. جوبانىڭ ءجۇ­زەگە اسىرىلۋ كەزەڭى 2011-2014 جىل­­دار دەپ بەلگىلەنگەن بولاتىن. ونىڭ ءبارى سايىپ كەلگەندە حا­لىقتىڭ ءال-اۋقاتىنىڭ وسۋىنە وراي تۇرمىستىق قالدىقتاردىڭ دا كو­بەيە تۇسۋىنە بايلانىستى شارانىڭ ءبىر پاراسى. بۇلاي دەۋىمىزگە «كوۆي» كومپانياسى ما­مان­دارىنىڭ پايىمداۋىنشا, 2010 جىلى قالا­دان شىعارىلعان قالدىقتار ءبىر تۇرعىنعا 400 كيلوگرامنان كەلگەنى دالەل. سوندىقتان دا اتالمىش كومپانيا بۇل ماسەلەنى كومپلەكستى تۇردە شەشۋ ءۇشىن بىرنەشە قۇندى ۇسىنىستار ۇسىندى. ول – قالدىق­تار­دى جينايتىن كونتەينەرلەردى دە, تاسىمالدايتىن اۆتوكولىكتەردى دە جاڭارتۋ. وڭدەۋ, ايىرۋ جەلىسىن ىسكە قوسۋ. سول ارقىلى تۇرعىن­داردىڭ قالدىقتاردى ءتۇرلى-ءتۇرلى كونتەينەرلەرگە سالۋلارىن كۇت­پەۋگە بولادى ەكەن. جالپى تۇر­مىس­تىق قالدىقتاردى جيناۋ, ءوڭ­دەۋ جانە سۇرىپتاۋ ناتيجەسىندە قور­شاعان ورتانىڭ ەكولوگيالىق جاعدايى جاقسارىپ قانا قويماي, تۇرمىستىق قالدىقتاردى قايتا وڭدەۋ ارقىلى كادەگە جاراتىلا­تىن­دىعىنا قوسا, ءوندىرىس پروتسەسى نەگىزىندە پلاستماسسالىق بۇيىم­دار شىعارىلاتىن بولدى. اتالمىش جوبانىڭ 2014 جىلى وليمپيادالىق ويىندار وتەتىن سوچي قالاسى ءۇشىن «قالدىقسىز قالا» كونتسەپتسياسى رەتىندە قابىل­دان­عاندىعى  دا ايتىلدى. ءسويتىپ, اقتاۋ قالاسىندا قوقىستاردى كەشەندى قايتا وڭدەۋ جونىندەگى جوبا ماڭعىستاۋ وبلىستىق اكىمدىگى مەن ەۋروپالىق وداقتىڭ بىرلەسكەن ناتيجەلى جۇمىسى دەۋگە بولادى. وبلىس اكىمى قىرىمبەك كوشەر­باەۆ جوبانىڭ ايماعىمىز ءۇشىن اسا قاجەت تە پايدالى ەكەندىگىن تىلگە تيەك ەتىپ, اقتاۋ قالاسى مەن قالامەن ىرگەلەس مۇنايلى اۋدا­نىنىڭ اكىمدەرىنە, ءتيىستى باسقار­ما باسشىلارىنا جاڭادان سا­لىناتىن قاتتى تۇرمىستىق قال­دىقتار كەشەنىنىڭ قۇرىلى­سىن تەزدەتۋگە وراي ناقتى تاپسىر­مالار بەردى. قورىتا ايتساق, اسەم قالا ماڭىنداعى تاۋ-تاۋ قاتتى قوقىستار مەن تۇر­مىس­تىق قالدىق­تار­دى كا­دەگە جاراتار كۇن دە الىس قال­ماعان ءتا­رىزدى. جولامان بوشالاق, اقتاۋ .