الداعى قاجىلىق ءوز دارەجەسىندە وتەدى

ساۋد ارابياسى كورولدىگىنىڭ قا­جى­لىق ءمينيسترى دوكتور ابد اس-سا­لام ءال-ءفاريسيدىڭ شاقىرۋىمەن قا­زاق­ستان مۇسىلماندارى ءدىني باس­قار­­ما­سىنىڭ توراعاسى, باس ءمۇفتي, شەيح ءابساتتار قاجى دەربىسالى باس­تاعان دە­لەگاتسيا 2010 جىلعى قاجى­لىقتى قو­رىتىندىلاۋ جانە ءۇستىمىز­دەگى جىل­ع­ى قاجىلىقتى ۇيىمداس­تى­رۋ ماسە­لە­لەرىن تالقىلاۋ ماقساتى­مەن جۋىردا سول ەلدە بولىپ قايتتى. قاجىلىق مينيسترلىگىندەگى كەزدەسۋدە ساۋد جاعى 2010 جىلى قازاق­ستان­نان 3378 ازاماتتىڭ كەلىپ, قا­جىلىق پارىزدارىن وتەپ, امان-ەسەن وتان­دا­رى­نا قايتقاندارىن تىلگە تيەك ەتە كەلە, بۇل ءىستى دۇرىس ۇيىم­داستىرا بىلگەنى ءۇشىن قازاقستاننىڭ قاجىلىق ميسسيا­سى­نىڭ باسشىسى جانبولات مۇ­حا­مەت­قاليەۆتىڭ يگى ىسىنە ريزا­شى­لىق ءبىلدىردى. تۋريستىك كومپانيالار قا­جى­لار كورولدىككە كەلمەس بۇرىن, ولار تۇ­راتىن ءۇي-جايدى كۇنى ىلگەرى داي­ىن­داپ, كولىك, اس-سۋ جاعىنىڭ دۇ­رىس شە­شىلۋىنە كوڭىل ءبولدى. قاجى­لار­عا قازاقستان مۇسىلماندارى ءدىني باسق­ارماسى جىبەرگەن ءدىن قىزمەت­كەر­لەرى دە تيىسىنشە ءدىني ۇگىت-ناسيحات جۇ­مىستارىن جۇرگىزىپ وتىرعان. ساۋديانىڭ قاجىلىق مينيستر­لىگى 2011 جىلعا قازاقستان ءۇشىن 4 مىڭ كۆوتا بولە وتىرىپ, ونى وي­دا­عىداي ورىنداۋعا تىلەكتەستىك ءبىلدىردى. سو­نىمەن قاتار مينيسترلىك: قا­زاق­ستان قاجىلارىن قاسيەتتى جەرلەرگە الىپ كەلۋ, الىپ كەتۋ ىسىنە داي­ىن­دىققا قازاقستاننىڭ تۋريستىك فير­ما­لارىنىڭ كۇنى ىلگەرى كىرىسۋىن; قا­جى­لار قۇرامىندا قارت كىسىلەر بولعان جاعدايدا, ولاردىڭ قا­سىن­دا مىندەتتى تۇردە بىرگە ىلەسىپ جۇرەتىن جاقىن تۋ­ىستارى بولۋىن; جۇرەك, قانت ديابەتى جانە ت.ب. سىر­قاتى بار اۋرۋلار سانىن شەكتەۋدى; وتكەن جىلدار­دا­عى­داي قا­زاق­ستان­نىڭ تۋريستىك فيرمالارىنىڭ قاجى­لىققا تەك قازاقستان ازامات­تا­رىن اكەلۋى كەرەكتىگىن, سونداي-اق باس­قا دا ماسەلەلەردى باسا ەسكەرتتى. «ەگەمەن-اقپارات».