بىرلەسكەن بۇيرىق 51-80

قازاقستان رەسپۋبليكاسى مادەنيەت مينيسترلىگى 2011 جىلعى 29 ناۋرىز                         №51 قازاقستان رەسپۋبليكاسى ەكونوميكالىق دامۋ جانە ساۋدا مينيسترلىگى 2011 جىلعى 1 ءساۋىر                         №80 بىرلەسكەن بۇيرىق جەكە كاسىپكەرلىك سالاسىنداعى تاريحي-مادەني مۇرا وبەكتىلەرىن قورعاۋ جانە پايدالانۋعا ارنالعان تاۋەكەلدەر دارەجەسىن باعالاۋ كريتەريلەرىن بەكىتۋ تۋرالى   «قازاقستان رەسپۋبليكاسىنداعى مەملەكەتتىك باقىلاۋ جانە قاداعالاۋ تۋرالى» قازاقستان رەسپۋبليكاسى 2011 جىلعى 6 قاڭتارداعى زاڭىنىڭ  13-بابى 3-تارماعىنا سايكەس بۇيىرامىز: 1. قوسا بەرىلىپ وتىرعان جەكە كاسىپكەرلىك سالاسىنداعى تاريحي-مادەني مۇرا وبەكتىلەرىن قورعاۋ جانە پايدالانۋعا ارنالعان تاۋەكەلدەر دارەجەسىن باعالاۋ كريتەريلەرى بەكىتىلسىن. 2. قازاقستان رەسپۋبليكاسى مادەنيەت مينيسترلىگىنىڭ مادەنيەت كوميتەتى: 1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن; 2) وسى بۇيرىق مەملەكەتتىك تىركەۋدەن وتكەننەن كەيىن ونىڭ رەسمي جاريالانۋىن قامتاماسىز ەتسىن; 3) وسى بۇيرىقتىڭ قازاقستان رەسپۋبليكاسى مادەنيەت مينيسترلىگىنىڭ رەسمي  ينتەرنەت-رەسۋرسىندا جاريالانۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ مادەنيەت  ۆيتسە-ءمينيسترى ا.ي.بورىباەۆقا جۇكتەلسىن. 4. وسى بۇيرىق العاش رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ مادەنيەت  ءمينيسترى م. قۇل-مۇحاممەد. قازاقستان رەسپۋبليكاسىنىڭ ەكونوميكالىق دامۋ جانە ساۋدا ءمينيسترى  ج. ايتجانوۆا. قازاقستان رەسپۋبليكاسى مادەنيەت  ءمينيسترىنىڭ 2011 جىلعى 29  ناۋرىزداعى №51 جانە قازاقستان رەسپۋبليكاسى ەكونوميكالىق دامۋ جانە ساۋدا  ءمينيسترىنىڭ 2011 جىلعى 1 ساۋىردەگى  № 80 بىرلەسكەن بۇيرىعىمەن بەكىتىلدى جەكە كاسىپكەرلىك سالاسىنداعى تاريحي-مادەني مۇرا وبەكتىلەرىن قورعاۋ جانە پايدالانۋعا ارنالعان تاۋەكەلدەر دارەجەسىن باعالاۋ كريتەريلەرى جەكە كاسىپكەرلىك سالاسىنداعى تاريحي-مادەني مۇرا وبەكتىلەرىن قورعاۋ جانە پايدالانۋعا ارنالعان تاۋەكەلدەر دارەجەسىن باعالاۋ كريتەريلەرى (بۇدان ءارى – كريتەريلەر) «قازاقستان رەسپۋبليكاسىنداعى مەملەكەتتىك باقىلاۋ جانە قاداعالاۋ تۋرالى» قازاقستان رەسپۋبليكاسىنىڭ 2011 جىلعى 6 قاڭتارداعى زاڭىنىڭ 13-بابىن جانە «تاريحي-مادەني مۇرا وبەكتىلەرىن قورعاۋ جانە پايدالانۋ تۋرالى» قازاقستان رەسپۋبليكاسىنىڭ زاڭىن ورىنداۋ ماقساتىندا حالىقارالىق جانە رەسپۋبليكالىق ماڭىزى بار تاريح جانە مادەنيەت ەسكەرتكىشتەرىن (بۇدان ءارى – تاريح جانە مادەنيەت ەسكەرتكىشتەرى) پايدالانۋدى جانە كۇتىپ ۇستاۋ تارتىبىنە تەكسەرۋ جۇرگىزۋ ءۇشىن ازىرلەندى. 2. وسى كريتەريلەردە مىنانداي ۇعىمدار قولدانىلادى: 1) تاۋەكەل – سالدارىنىڭ اۋىرلىق دارەجەسى ەسكەرىلە وتىرىپ, تاريح جانە مادەنيەت ەسكەرتكىشتەرىنە جەكە جانە زاڭدى تۇلعالاردىڭ زيان كەلتىرۋ ىقتيمالدىعى; 2) تاريح جانە مادەنيەت ەسكەرتكىشتەرى – تاريح جانە مادەنيەت ەسكەرتكىشتەرىنىڭ مەملەكەتتىك تىزىمىنە ەنگىزىلگەن, حالىقتىڭ وتكەن تاريحىمەن, قوعام مەن مەملەكەتتىڭ دامۋىمەن بايلانىستى, ادام جاساعان نەمەسە ادام مەن تابيعاتتىڭ بىرلەسكەن تۋىندىسى بولىپ تابىلاتىن جەكەلەگەن كەسەندەر, عيماراتتار, قۇرىلىستار مەن انسامبلدەر, تاريحي-مادەني لاندشافتتار جانە باسقا دا كورىكتى جەرلەر. 3) باقىلاۋ سۋبەكتىلەرى – جەكە كاسىپكەرلىك سالاسىنداعى تاريح جانە مادەنيەت ەسكەرتكىشتەرىن پايدالانۋشى جەكە جانە زاڭدى تۇلعالار. 3. تاۋەكەل دارەجەسىنە بايلانىستى باقىلاۋ سۋبەكتىلەرى جوعارى, ورتاشا نەمەسە تومەنگى تاۋەكەل توپتارىنا جاتقىزىلادى. 4. باستاپقىدا بارلىق باقىلاۋ سۋبەكتىلەرى تومەنگى تاۋەكەل دارەجەسىندەگى توپقا جاتقىزىلادى. 5. بۇدان ءارى كريتەريلەر بويىنشا جيناعان باللداردى ەسەپكە الا وتىرىپ, تەكسەرۋدەن وتكەن باقىلاۋ سۋبەكتىلەرى تەكسەرۋلەر ناتيجەلەرى بويىنشا ءتيىستى تاۋەكەل توپتارىنا قايتا بولىنەدى: 1) تاۋەكەل دارەجەسىنىڭ تومەنگى توبىنا تەكسەرۋ ناتيجەسى بويىنشا 1-دەن 4-كە دەيىن بالل جيناعان باقىلاۋ سۋبەكتىلەرى جاتادى; 2) تاۋەكەل دارەجەسىنىڭ ورتاشا توبىنا تەكسەرۋ ناتيجەسى بويىنشا 5-تەن 20-عا دەيىن بالل جيناعان باقىلاۋ سۋبەكتىلەرى جاتادى; 3) تاۋەكەل دارەجەسىنىڭ جوعارعى توبىنا تەكسەرۋ ناتيجەسى بويىنشا 20 جانە ودان دا جوعارى بالل جيناعان باقىلاۋ سۋبەكتىلەرى جاتادى. 6. تاۋەكەل دەڭگەيلەرىن باعالاۋ كريتەريلەرى مىنالار بولىپ تابىلادى: تاريح جانە مادەنيەت ەسكەرتكىشىندە قورعاۋ تاقتاسىنىڭ بولماۋى – 1 بالل; مەملەكەتتىك ورگاننىڭ تاريح جانە مادەنيەت ەسكەرتكىشتەرىن پايدالانۋعا بەرۋ تۋرالى شەشىمىنىڭ بولماۋى – 1 بالل; تاريح جانە مادەنيەت ەسكەرتكىشتەرىنە قورعاۋ مىندەتتەمەسىنىڭ بولماۋى – 1 بالل; تاريح جانە مادەنيەت ەسكەرتكىشتەرىنىڭ پاسپورتىنىڭ بولماۋى – 1 بالل; تاريح جانە مادەنيەت وبەكتىلەرىنىڭ قورعاۋ ايماقتارىنىڭ, قۇرىلىس سالۋدى رەتتەۋ جانە قورعالاتىن تابيعي لاندشافت ايماقتارىنىڭ بولماۋى – 5 بالل; تاريح جانە مادەنيەت ەسكەرتكىشىنىڭ اينالاسىنداعى قورعاۋ ايماعى قورعاۋ بەلگىلەرىمەن نەمەسە ولاردىڭ  شەكارا  سىزىقتارى  بويىنشا جىرتىلعان جەرمەن نەمەسە  قورشاۋلارمەن,  نە بۇتالار وتىرعىزۋ ارقىلى  بەلگىلەردىڭ  بولماۋى – 5 بالل; تاريح جانە مادەنيەت ەسكەرتكىشتەردە عىلىمي–قالپىنا كەلتىرۋ جۇمىستارىن جۇرگىزۋدى  ۋاكىلەتتى مەملەكەتتىك ورگانمەن كەلىسۋىنىڭ بولماۋى – 5 بالل; تاريحي-مادەني مۇرا وبەكتىسىنىڭ قورعاۋ ايماقتارىندا ەسكەرتكىشتىڭ ساقتالۋىنا, ونىڭ تاريحي-مادەني قابىلدانۋىنا تەرىس اسەرىن تيگىزەتىن جۇمىستار جۇرگىزىلمەۋى – 5 بالل; تاريح جانە مادەنيەت ەسكەرتكىشىنىڭ قۇرىلىس سالۋدى رەتتەۋ اۋماعىنداعى قۇرىلىس سيپاتىن رەتتەۋ شارالارىنىڭ قابىلدانباۋى (قۇرىلىس سالۋدىڭ اۋقىمدىلىعى, قاباتى, تىعىزدىعى جانە فۋنكتسيونالدىق قىزمەتى) – 20 بالل; تاريح جانە مادەنيەت ەسكەرتكىشتەرىنىڭ ساقتالۋىنا قاۋىپ توندىرەتىن جوبالاۋ, ىزدەستىرۋ, قۇرىلىس, مەليوراتسيا, جول جوندەۋ, وندىرىستىك, سونداي-اق, باسقا دا جۇمىس تۇرلەرىن جۇرگىزۋگە  جول بەرمەۋ شارالارىنىڭ  قابىلدانباۋى – 20 بالل; تاريح جانە مادەنيەت ەسكەرتكىشىنىڭ تاريحي, ساۋلەتتىك-كوركەمدىك كەلبەتىن جويۋعا بولاتىن وزگەرۋدەن, بۇرمالاۋدان, تاعىلىق اكتىلەرىنەن, زاقىم كەلۋدەن, ءوڭىن اينالدىرۋدان, ورىنسىز وزگەرىستەر ەنگىزۋدەن, تاريحي تۇپماتىننەن ءۇزىپ تاستاۋدان, زاقىمداۋدان, جالعان دارىپتەۋدەن, بۇرمالاۋدان, ەسكەركىشتىڭ ءوزىن نەمەسە ونىڭ بولشەكتەرىن قازاقستان رەسپۋبليكاسىنان تىس جەرلەرگە اكەتۋدەن قورعاۋ قامتاماسىز ەتىلمەۋى – 20 بالل; جەكە جانە زاڭدى تۇلعالاردىڭ تاريح جانە مادەنيەت ەسكەرتكىشىندە ءتيىستى ليتسەنزياسىز عىلىمي-قالپىنا كەلتىرۋ جۇمىستارىن جۇرگىزۋ – 20 بالل. 7. جينالعان باللداردىڭ نەعۇرلىم كوپ سوماسى ءبىر دەڭگەيلى تاۋەكەل دارەجەسىندەگى تاريح جانە مادەنيەت ەسكەرتكىشتەرىن تەكسەرۋلەردى باسىمدى  جوسپارلاۋدىڭ  نەگىزى بولىپ تابىلادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 26 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 6915 بولىپ ەنگىزىلدى.