ەلشىمەن ەكى جاقتى اڭگىمە

كەشە «نۇر وتان» حالىقتىق-دە­مو­كراتيالىق پارتياسىنىڭ ور­تا­لىق اپپا­راتىندا پارتيا ءتور­اعاسىنىڭ ءبىرىنشى ورىنباسارى نۇر­لان نىع­ما­تۋ­ليننىڭ لاتۆيا رەسپۋبليكاسىنىڭ قا­زاقستان رەس­پۋبليكاسىنداعى توتەنشە جانە وكى­لەتتى ەلشىسى يۋريس ماكلاكوۆسپەن كەزدەسۋى بولىپ ءوتتى. كەزدەسۋ بارىسىندا استانادا ءوت­كى­زىلىپ وتىرعان شانحاي ىن­تى­ماق­تاس­تىق ۇيىمىنىڭ ونىنشى ءسامميتىنىڭ, وندا تالقىلانعان ماسەلەلەردىڭ جانە قول جەتكىزىلگەن كەلىسىمدەردىڭ ما­ڭىز­دى­لى­عى اتاپ ءوتىلدى. سونىمەن قاتار, شىۇ-عا مۇشە ەلدەردىڭ جان-جاقتى ىنتى­ماق­تاستىعىن دامىتۋ مەن نى­عاي­تۋعا قا­زاقستاننىڭ ءجا­نە ونىڭ باسشىسى, «نۇر وتان» پارتياسىنىڭ توراعاسى نۇرسۇل­تان نازارباەۆتىڭ قوس­قان ۇلە­سى­نە دە ايرىقشا نازار اۋ­دا­رىلدى. نۇر­­لان نىعماتۋلين شىۇ-نىڭ مە­رەي­تويلىق ءسامميتىنىڭ كۇن ءتار­تىبىندە تۇرعان تاقىرىپتاردىڭ ءبىرى – اي­ماق­تىق قاۋىپسىزدىك ماسە­لەسىن شەشۋدەگى مەم­لەكەتىمىز باس­شىسى نۇر­سۇلتان نا­­زارباەۆتىڭ ەرەكشە ءرولىن اتاپ ءوتتى. يۋريس ماكلاكوۆس قازاق­ستان­نىڭ جال­پىالەمدىك قاۋىپسىزدىكتى نىعايتۋ سا­­لاسىنداعى ساياساتىن جوعارى باعالادى. «نۇر وتان» پارتياسى ءتور­اعا­سى­نىڭ ءبىرىنشى ورىنباسارى نۇر­لان نىع­ماتۋلين پارتيا قىزمەتى جايلى, پارتيا الدىندا ونىڭ ءتور­اعاسى, قا­زاقستان پرە­زيدەنتى نۇرسۇلتان نازار­باەۆتىڭ قوي­عان مىندەتتەرى جايلى بايانداپ بەردى. كەزدەسۋ بارىسىندا سونداي-اق ىن­تىماقتاستىقتىڭ بولاشاق با­عىت­تارى ءسوز بولىپ, ەكىجاقتى قا­رىم-قا­تى­ناس­تاردىڭ ودان ءارى دا­مۋى­نا سەنىمدىلىكتەرى جەتكىزىلدى.