ۇستازدار پارتاعا وتىردى

ەلىمىزدىڭ ءبىلىم بەرۋدى دامى­تۋ­دىڭ 2011-2020 جىلدارعا ارنال­عان مەملەكەتتىك باعدارلاماسىنا سايكەس 2011-2012 وقۋ جىلىندا ەل­ەكتروندى وقىتۋ جۇيەسىن (e- lear­nig) ەنگىزۋ ەكسپەريمەنتى استانا, الماتى قالالارىنىڭ جانە قاراعاندى وبلىسىنىڭ 44 ءبىلىم بەرۋ مەكەمەلەرىندە بيىلعى جىل­دىڭ قىركۇيەگىنەن باستالماق. بۇل رەتتە ارنايى ماماندار قازىرگى تاڭدا جۇيەلى جۇمىستار جۇرگى­زۋ­دە. سونىڭ ءبىرى 23 مامىر مەن 22 شىلدە ارالىعىندا استانا قالا­سى­نىڭ 10 ءبىلىم بەرۋ ۇيىمىنىڭ 859 ۇستازى «ەلەكتروندى وقىتۋ جۇيەسىن ەنگىزۋ جاعدايىندا ءبىلىم كونتەنتتەرىن جاساۋ تەحنولو­گيا­سى» تاقىرىبىندا ءبىلىم بەرۋ ءجۇ­يە­سىنىڭ باسشى جانە عىلىمي-پە­داگوگيكالىق كادرلارى بىلىكتىلىگىن ارتتىراتىن رەسپۋبليكالىق ينس­تي­تۋتتىڭ ۇيىمداستىرىپ جاتقان كۋرستارىنان بىلىمدەرىن جەتىلدىرۋلەرى دەر ەدىك. ەلوردانىڭ بىرقاتار مەكتەپتەرى بازاسىندا وتكىزىلىپ جاتقان بۇل كۋرستاردى وزىندە وتكىزۋدە بەلسەندىلىك تانىتىپ جاتقان ءبىلىم وش­ا­عىنىڭ ءبىرى №53 مەكتەپ-ليتسەيى دەسەك, مۇندا جالپى سانى 124 مۇ­عالىم بىلىكتىلىكتەرىن ارتتىرۋدا. قازاق جانە ورىس تىلدەرىندە بار­لى­عى ءتورت توپ بولىپ ءبىلىمىن جەتىلدىرىپ جاتقان ۇستازدار لەگى اتال­عان باستامانىڭ بەرەرى مول ەكەنىن ايتادى. № 37 سىرباي ءماۋ­لەنوۆ اتىنداعى ورتا مەكتەپتىڭ قازاق ءتىلى مەن ادەبيەتى ءپانىنىڭ مۇ­عالىمى ناعيما جۇماباي بۇل كۋرس­تا وزىنە كوپ نارسەدەن ماعلۇ­مات­تار العانىن جانە ەلەكتروندى جۋرنال جايىندا دا ءبىرشاما حاباردار بولىپ, وقۋدىڭ وتە قى­زىق­تى ءوتىپ جاتقانىن ايتسا, №53 مەك­تەپ-ليتسەيدىڭ باستاۋىش سى­نىپ مۇ­عالىمى شولپان سمايىلوۆا بالا­لاردىڭ بىلىمگە, شىعارماشى­لىق­قا دەگەن قىزىعۋشىلىعىن وياتۋدا كوپ دۇنيەلەر الۋعا بولاتىن­دى­عىن جەتكىزدى. سونداي-اق وسى رەتتە مەكتەپ ديرەكتورلارى مەن ول­ار­­دىڭ ورىنباسارلارى جوعارىدا اتال­عان رەسپۋبليكالىق ينستيتۋتتا ءوز بىلىكتىلىكتەرىن ارتتىرا­تىن­دارىن ايتا كەتكەن ابزال. كۋرستى ۇستازدارعا قىزىقتى دا جۇيەلى تۇردە جۇرگىزۋدە بارىن سالا كىرىسىپ جۇرگەن دارىسكەلەر قا­تا­رىندا ءبىلىم بەرۋ جۇيەسىنىڭ باس­شى جانە عىلىمي-پەداگوگيكالىق كادرلارى بىلىكتىلىگىن ارتتىراتىن رەسپۋبليكالىق ينستيتۋتتىڭ اق­پا­راتتىق تەحنولوگيالار كافەد­را­سىنىڭ اعا وقىتۋشىسى جانار جارتىنوۆا مەن وسى ينستيتۋتتىڭ اعا ادىسكەرى عالىم ىركىتباي سىن­دى ماماندار بار. وقىتۋدىڭ جاڭا پاراديگماسىنا كوشۋ تەتىكتەرى سا­پالى ءبىلىم مەن وقىتۋدىڭ تيىمدىلىگىن ارتتىرۋدى قامتاماسىز ەتە­تىن پەداگوگيكالىق جانە اقپا­را­ت­تىق-كوممۋنيكاتسيالىق تەحنو­لو­گيا­لاردىڭ كىرىكتىرىلۋى نەگىزىندە ەل­ەك­تروندى وقىتۋ بولىپ تابىلادى. اعا وقىتۋشى جانار الىبەك­قىزى قاناتقاقتى جوباعا وراي ءوت­كىزىلىپ جاتقان كۋرستاردىڭ ماقسا­تى ءبىلىم بەرۋ ۇدەرىسىنىڭ بارلىق قاتىسۋشىلارىنىڭ ساپالى بىلىمگە باعىتتالعان ۇزدىك ءبىلىم رە­سۋر­س­تارى مەن تەحنولوگيالارىنا تەڭ قولجەتىمدىلىگىن قامتاماسىز ەتۋ ەكەنىن ايتادى. سونداي-اق ول العا قويعان ماقساتقا قول جەتكىزۋ سىرتقى ورتانىڭ اقپاراتتىق كىرىگۋىن ءبىلىمدى باسقارۋ تيىمدىلىگىن, سونداي-اق ءبىلىم ساپاسىن كوتەرۋ بولىپ تابىلاتىنىن دا نازاردان تىس قالدىرمادى. ونىڭ ايتۋ­ىن­شا, ەلەكتروندى وقىتۋ جۇيەسىن قول­دانۋ قالا بالاسى مەن اۋىل با­لاسىنىڭ اراسىنداعى تەڭسىزدىكتى جويۋعا كەڭىرەك جول اشادى. وسى ورايدا بۇل باستامانىڭ بەرەر پاي­داسى مول بولماق. سونىمەن قاتار, ەلەكتروندى جۋر­نالدار ارقىلى, بۇيىرتسا, ال­داعى ۋاقىتتاردا اتا-انا بالاسى­نىڭ قانداي دەڭگەيدە ءبىلىم الىپ جاتقانىنان حاباردار بولىپ وتىر­­ماق. بۇل ءوز كەزەگىندە ىسكەر اتا-انالار ءۇشىن تاپتىرمايتىن ءمۇم­­كىندىك ەكەنى ايتپاسا دا تۇسىنىكتى. ەلەكتروندى جۇيەنى كەڭىنەن قول­دانۋدىڭ ناتيجەسىندە بالا ۇلگە­رىمىن باقىلاپ وتىرۋ دا جەڭىلدەي تۇسەدى ەكەن. باستامانىڭ قاناتقاقتى جوبا­سى­نىڭ اياق الىسى كۋرستا ءدارىس تىڭداپ, بىلىكتىلىكتەرىن جەتىلدىرىپ جاتقان ۇستازدار قاۋىمى تارا­پى­نان ازىرگە قولداۋ تاۋىپ جات­قانىنىڭ شەت جاعاسىن كوز كوردى. ال ونىڭ تۇبەگەيلى ناتيجە بەرەدى دەپ جوسپارلانعان ۋاقىتى ءالى الدا. ايتسە دە جاقسى باستالعان ءىس­تىڭ جارتىلاي بىتكەن ءىس ەكەنىن دە قاپەردە ۇستاعان ءجون شىعار. ءابدىراحمان قىدىربەك.