كورەيالىق جۇردەك كولىك قوستانايدان شىعادى

قوستانايعا پرەمەر-مي­نيس­تر­­دىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ كەلدى. ۆيتسە-مينيستر الدىمەن «اگروماشحولدينگ» اكتسيونەرلىك قوعامىندا بو­لىپ, «Ssang Yong» جۇردەك جەڭىل ماشيناسىن قۇراستىرۋ تسەحىن ارالاپ كوردى. وتكەن جىلدان باستاپ كاسىپورىن «Allur Auto» اۆتوموبيلدەر كومپانياسى توبىمەن بىرىگىپ, «Ssang Yong» جۇردەك ماشيناسىن قۇراستىرۋ جوباسىن جۇزەگە اسىرۋ ءۇشىن يندۋستريا­لىق-يننوۆاتسيالىق دامۋ مەملەكەتتىك باعدارلاماسىنا قوسىلعان بولاتىن. زاۋىتتا قازىر كورەيالىق جۇردەك ماشينانىڭ ەڭ قولايلى جانە جەتىلدىرىلگەن «Ssang Yong new Actyon» مودەلى قۇراس­تى­رى­لىپ, تۇتىنۋشىعا جول تارتتى. – وڭتۇستىك كورەيا مەن قازاق­ستان پرەزيدەنتتەرى اراسىنداعى كەلىسىم بويىنشا باستالعان جوبا ءبىر جىل ىشىندە جۇزەگە استى. كو­رەيا­لىق ماشينالاردى قۇراستىرۋ بارىسىندا ونىڭ وزىمىزدە جاسا­لاتىن قۇرامىن 60 پايىزعا دەيىن جەتكىزىپ, 350 ادامعا جۇمىس بەرۋدى باستى ماقسات تۇتىپ وتىرمىز. الداعى ۋاقىتتا بۇل ماشينانى قازاقستاننان تىس جەرلەرگە شى­عا­رۋدى كوزدەيمىز, – دەدى اسەت يسەكەشەۆ. «اگروماشحولدينگتە» قۇراس­تىرىلعان «Ssang Yong» جۇردەك ماشيناسى ەلىمىزدەگى دەنساۋلىق ساقتاۋ سالاسى, جول پوليتسياسى مەن ءورت سوندىرۋشىلەرگە ارنالىپ بەيىمدەلىپ شىعارىلدى. ونىڭ العاشقىلارىن زاۋىت سۇرانىس بەرۋشىلەرگە ارناپ قۇراستىردى. كون­ۆەيەردەن شىققان كولىك كو­رەيالىق مامانداردىڭ التى تەكسەرۋ بەكەتىنەن وتەدى. – قوستانايدان شىققان ءجۇر­دەك كولىككە تەك قازاقستاننان ەمەس, كەدەن وداعى ەلدەرىنەن دە سۇ­را­نىستىڭ بولاتىنىن بايقاي­مىز. ساپاسى جوعارى بولا تۇرا, ولار كورەيادا قۇراستىرىلعان ماشينالاردان ون مىڭ اقش دوللارىنا ارزان, – دەيدى «Allur Auto» اۆتوموبيلدەر كومپانياسىنىڭ باس دي­رەك­تورى اندرەي لاۆرەنتەۆ. كو­رەيا­لىق «Ssang Yong» كورپورا­تسيا­سىنىڭ ۆيتسە-پرەزيدەنتى ليم مىرزا دا ماشينانىڭ قوستاناي­لىق ۇلگى­سىنىڭ ساپاسىنا كوڭىلى تو­لاتىنىن مالىمدەدى. ول الداعى ۋا­قىتتا ءجۇر­دەك ماشينانىڭ قا­زاق­ستانعا لاي­ىقتالىپ جاسالعان جاڭا مودەلىن شىعارۋدى جوسپارلاپ وتىر­عا­نىن ايتتى. ول قا­زاق­ستاندىق ءارىپ­تەستەرمەن بىرلەسىپ جۇمىس ىستەگەندە ونىڭ تەزىرەك تۇتىنۋشىعا جەتەرىنە سەنىمى مول ەكەنىن جەتكىزدى. «اگروماشحولدينگتىڭ» «Ssang Yong» جۇردەك ماشيناسى قۇراس­تى­رىلىپ جاتقان تسەحى جانىندا رەسەيلىك «سوللەرس» اۆتوموبيل توبىمەن بىرلەسىپ جۇزەگە اسى­را­تىن جاڭا جوبا قانات جاياتىن بو­لادى. ونىڭ ۇستىنە الداعى كۇزگە تامان مۇندا «ۋاز» جول تاڭ­دا­مايتىن جۇردەك ماشيناسى دا قۇراستىرىل­ماق. ال ونداي كولىك قازاقستاندا اسكەر, ىشكى ىستەر, اۋىل شارۋاشى­لىعى, توتەنشە جاعدايلار سالا­لارىندا سۇرانىسقا يە ەكەن. «اگروماشحولدينگتە» وتكەن جىل­دىڭ جارتىسىنان باستاپ كو­رەيا­لىق ماشينانىڭ 400-گە جۋى­عى قۇراستىرىلدى. ونىڭ باسىم كوپشىلىگى قازاقستاندىق تۇتى­نۋ­شى­نىڭ قولىنا ءتيدى. بيىل جىل باسىنان باستاپ مۇندا ايىنا 144 ما­شينا دايىن بولادى. جىل ايا­عىنا دەيىن 1200-1300 ماشينانى ساپقا قويۋ باستى مەجە بولىپ وتىر. ءا.يسەكەشوۆ وسى ساپارىندا قوستانايداعى «يۆولگا حولدينگ» جشس-ءنىڭ جىلىنا 70 مىڭ توننا ۇن شىعاراتىن ديىرمەن كەشەنىنە جانە «كوستانايسكي مەلكومبينات» اكتسيونەرلىك قوعامىنىڭ ماكارون فابريكاسىنا باردى. وندا وتكەن جىلى ىسكە قوسىلعان ينۆەس­تيتسيالىق جوبالاردىڭ قالىپتى جۇمىس ىستەپ تۇرعانىنان حاباردار بولدى. وبلىس اكىمى سەرگەي كۋلاگين ۇستىمىزدەگى جىلى وب­لىس­تا ءجۇ­گەزە اساتىن ينۆەستيتسيالىق جوبا­لار­دىڭ قىرىققا جەتكەنىن ايتتى. ولار ءوندىرىس پەن اۋىل­شا­رۋاشى­لىعىن ۇدەمەلى دامىتاتىن بولادى. ءنازيرا جارىمبەتوۆا. قوستاناي.