باس قالاعا باس تەاتر كەلدى

ماۋسىمنىڭ 10-12-ءى كۇندەرى ەل تاۋەلسىزدىگىنىڭ 20 جىلدىق مەرەكەسى قۇرمەتىنە ك.بايسەيىتوۆا اتىنداعى ۇلتتىق وپەرا ءجا­نە بالەت تەاترىندا م.اۋە­زوۆ اتىنداعى قازاق مەملەكەتتىك اكادەميالىق دراما تەات­رى­نىڭ گاسترولى وتپەك. گاسترولدىك ساپارمەن ەلوردا جۇرتشىلىعىنا ونەر كورسەتۋگە كەلگەن تەاتر ۇجىمىنىڭ تور­قا­لى تويعا تارتۋ رەتىندە ۇسىنا­تىن قويىلىمدارى – ق.ىسقاق پەن شاحيماردەننىڭ «قازاقتار» ەكى ءبولىمدى تاريحي دراماسىمەن (قويۋشى رەجيسسەرى تۇڭعىشباي ءال-تارازي) باستالىپ, قىرعىز درا­ماتۋرگى ب.جاكيەۆتىڭ «ءجۇ­رەي­ىك جۇرەك اۋىرتپاي» دراما­لىق تۋىندىسىمەن (رەجيسسەرى ەس­مۇحان وباەۆ) جالعاسىپ, م.اۋەزوۆتىڭ «اباي» تراگەديا­سى­مەن (رەجيسسەرى ەسمۇحان وباەۆ) قورىتىندىلانادى دەپ كۇتىلۋدە. قازاق تەاتر ونەرىنىڭ قاراشا­ڭىراعى سانالاتىن اكەمتەاتر­دىڭ رەپەرتۋاردان وسىناۋ ءۇش سپەكتاكلدى تاڭداپ الۋىنىڭ ءوز­ىن­دىك سەبەبى بار. «قازاقتار» قازاق حالقىنىڭ ءوز الدىنا مەملەكەت بولىپ قالىپتاسۋ كەزەڭىن قامتىسا, ماقساتى ءتۇبى ءبىر, ءتىلى ورتاق تۇركى وركەنيەتى قايتادان ءبىر يدەيا توڭىرەگىنە توپتاسىپ, جۇدىرىقتاي جۇمىلسىن دەگەندى كوزدەيدى. «جۇرەيىك جۇرەك اۋ­ىرت­پاي» سپەكتاكلىندە اكە, بالا, كەلىن مەن نەمەرە اراسىنداعى قارىم-قاتىناستىڭ قاتپارلارى قانىق بوياۋىندا ورىلەدى. ۇرپاق جالعاستىعى, وتباسىلىق جارا­سىم, حالقىمىزدىڭ ۇلكەنگە قۇر­مەت, كىشىگە ىزەت, يماندىلىق پەن يبالىق قاسيەتتەرى قاستەرلەنسە, وشاقتىڭ باقىتى دەگەن سول ەمەس پە؟ بىراق ءومىر اعىسى مۇلدە باسقا ارناعا ءتۇسىرىپ اۋرەلەدى. سپەكتاكل كەيىپكەرلەرى – جانى جابىرقاعان قاريا, شولاق ويمەن كەسىپ-ءپىشىپ جۇرگەن بەياپار كەلىن, ەز ۇل, ءوز ءۇيى مەن تۋعان اناسىنان جىلۋ تاپپاعان بويجەتكەن تاعدىرى تولعانتادى. قاريا ۇلىنىڭ اتا-بابادان كەلە جاتقان ەسكى قونىسىن ساتۋىنا قارسىلىق ءبىلدىرىپ جۇرگەندە, مۇنان دا سوراقى وقيعا جۇرەككە ويىپ جارا سالادى. ونى قارتتار ۇيىنە وتكىزىپ جىبەرەدى. «اباي» تراگەدياسى – اتى ايتىپ تۇرعانداي, ۇلى اقىننىڭ سوقتىقپالى, سوقپاقتى ءومىرى قا­پىسىز بەينەلەنگەن قويىلىم, قازاق جانىنىڭ جاڭا تاڭعا يەك ارتقان يگى باستاۋلارى بارىنشا نانىمدى كورىنىس تاباتىن, سالت-سانانىڭ رۋحاني ۇيىتقىسى اباي بولمىسى الدىڭعى قاتارعا قوي­ىل­عان بىرەگەي تۋىندى. ساحنا­لىق شىعارمالارداعى باستى بەينەلەردى سومداۋدا س.ورازباەۆ, ت.جا­مانقۇلوۆ, ت.تاسىبەكوۆا, ا.بەكتەمىر, ر.حادجيەۆا, ج.ءامى­روۆ, و.قيقىموۆ, ءۇ.سەيتىمبەت, د.اق­­مولدا, ا.بورانباي, ە.ءبى­لا­لوۆ, ب.تۇرىس, د.ءجۇسىپ, ش.جا­نىس­بەكوۆا سياقتى بەلگىلى ءار­تىس­تەر­مەن قاتار ق.مامىتقاليەۆ, ە.دا­يىروۆ, ب.ماڭجىگىتوۆ, گ.شىڭ­عىسوۆا سىندى جاستار ونەرى دە جاڭا قىرىنان تانىلماق. قاراشاش توقسانباي.