تۇلەكتەر تارتۋى

سارجال اۋىلى كەشەگى سەمەي اتوم پوليگونىنىڭ ناق ىرگەسىندەگى ەلدى مەكەندەردىڭ ءبىرى. مىنە, وسى اۋىلداعى ورتا مەكتەپتى 1991 جى­لى بىتىرگەن تۇلەكتەر 20 جىلدان كەيىن وزدەرىنىڭ ءبىلىم ور­دالارىندا باس قوستى. تاۋەل­سىز­دىك تۇلەكتەرى مەكتەپكە قۇر قول كەلمەي, اۋىل­دا­عى ءبىلىم وردا­سى­نا «گازەل» اۆ­تو­كولىگىن سىيعا تارتسا, بۇگىندە ال­ماتىدا تۇرا­تىن م.جۇماسيانوۆا دەگەن تاعى ءبىر ونەرپاز تۇلەك مەك­تەپتىڭ وركەستر ۇجىمىنا 5 دوم­بى­رانى تارتۋ ەتتى. مەكتەپتىڭ اكت زا­لى دا تۇلەكتەردىڭ دەمەۋشىلىگىمەن قايتا جابدىقتالدى. مۇنىڭ سىرتىندا بيىل مە­ك­تەپتىڭ 6 كابينەتى تۇلەكتەر دەمەۋشىلىگىمەن جابدىقتالىپ, جا­ساق­تال­عانىن دا ايتا كەتسەك, ب.قانا­فين دەگەن مەكتەپ تۇلەگى سپورت جابدىق­تا­رىن ساتىپ اپە­رۋدى ءوز موينىنا الىپ وتىر ەك­ەن. سولاي­شا سار­جال­دىق تۇلەكتەر وبلىس اكى­مىنىڭ «تۋ­عان جەرگە تاع­زىم» اكتسيا­سىنا وسىلايشا قىزۋ ءۇن قوسۋدا. داۋلەت سەيسەن ۇلى. شىعىس قازاقستان وبلىسى.