قۇرمەت گراموتاسىن تاپسىردى

كەشە استانادا قازاقستان رەسپۋبليكاسىنىڭ سىرتقى ىستەر ءمينيسترى ەرجان قازىحانوۆ يتاليانىڭ قازاقستان رەسپۋبلي­كا­سىن­داعى توتەنشە جانە وكىلەتتى ەلشىسى برۋنو انتونيو پاس­كۋي­نو­عا قۇرمەت گراموتاسىن تاپسىردى. ب.ا.پاسكۋينو ەلىمىزدە ءوز ميس­سياسىن اياقتادى, دەپ حابارلادى قر ءسىم-ءىنىڭ ءباسپاسوز قىزمەتى. قۇرمەت گراموتاسىمەن ماراپاتتاۋ قاۋلىسىنا 30 مامىردا قا­زاقستان رەسپۋبليكاسىنىڭ پرە­زيدەنتى ن.نازارباەۆ قول قويدى. ەلىمىزدە 4,5 جىل ەڭبەك ەتكەن يتاليالىق ديپلومات قازاقستان-يتا­ليا ىنتىماقتاستىعىنا, ەكى ەل ارا­سىنداعى دوستاستىقتى نىعاي­تۋ­عا ۇلكەن ۇلەس قوسقانى ءۇشىن جوعارى ماراپاتقا يە بولدى. سول كۇنى قازاقستان سىرتقى سايا­سات ۆەدومستۆوسىنىڭ باسشىسى 7-ءشى بۇكىلالەمدىك يسلام ەكونو­ميكالىق فورۋمىنا قاتىسۋعا  كەلگەن ليۆان پارلامەنتىنىڭ دە­پۋ­تاتى, وسى ەلدىڭ بۇرىنعى پرەمەر-ءمينيسترى فۋاد سينورانى قابىلدادى. تاراپتار مەملەكەت تاۋەل­سىز­دىگىنىڭ 20 جىلدىعىندا ءوتىپ جات­قان «يسلامدىق داۆوستىڭ» ما­ڭىز­دىلىعىن اتاپ, سونىمەن قا­تار, الدىمىزداعى قازاقستاننىڭ يكۇ سىمك جايىندا پىكىر ال­ماس­تى. كۇن تارتىبىندەگى حالىق­ارا­لىق جانە ايماقتىق وزەكتى ماسە­لەلەرگە وراي ويلارىمەن ءبولىستى. تاياۋ شىعىستاعى جانە سولتۇستىك افريكاداعى احۋالعا  بايلانىستى قازاقستان رەسپۋبليكاسىنىڭ سىرت­قى ىستەر ءمينيسترى قازاقستان يكۇ-عا توراعالىعى تۇسىندا اراب ەلدەرىن تۇراقتاندىرۋ جانە حا­لىقارالىق, اۋماقتىق قاۋىپ­سىزدىك جولىندا بار ىنتاسىن سالىپ ارەكەتتەسەتىندىگىن اتاپ ءوتتى.