كەربۇلاقتىقتار قۋانىشى

  ۇلى شوقاننىڭ ءىزى قالعان كەرىمسال كۇرەڭبەل ءوڭىرى جىل­دىڭ ءار ماۋسىمىندا سان ءتۇر­لەنىپ, نەبىر رەڭكتى بوياۋلارعا ەنەتىنى بەلگىلى. تابيعاتى تاماشا جەر مەن ەلدىڭ ساۋلەتى مەن داۋلەتى دە ارتا تۇسۋدە. ونىڭ مىسالىن كەربۇلاق اۋدانىنا قاراستى باسشي اۋىلىنان دا كورۋگە بولادى. رۋحانيات ءما­سەلەسىنە ءاردايىم كوڭىل ءبو­لەتىن اۋىل حالقى  جىل سايىن داۋىرلەي ءتۇسىپ, ومىرىمىزگە لاي­ىقتى ۇرپاق وسىرۋدە دە جاقسى جاعىمەن تانىلعان. مۇنداعى جاستاردىڭ ونەرگە دەگەن ىقى­لاسى ەرەكشە. سول ماقساتتاعى جۇمىستارى دا كوڭىل قۋان­تادى. سوعان وراي وتكەن جىلى رەسپۋبليكالىق بيۋدجەتتەن قو­ماقتى قارجى ءبولىنىپ, اۋىل­دا جاڭا مادەنيەت ءۇيىن سالۋ قولعا الىنعان بولاتىن. جۋىرد­ا وسى­ناۋ كيەلى وردانىڭ اشىلۋ سالتاناتىنا الىس-جاقىننان تىلەكتەس قاۋىم كوپتەپ جينالدى. ەندى باسشيلىك تالاپتى جاستار وسى مادەنيەت ورنىندا ءوز ونەرلەرىن ۇشتايتىن بولا­دى. سونىمەن قاتار ءتۇرلى ءما­دەني شارالاردى وتكىزۋگە دە لايىقتى مۇمكىندىك تۋىپ وتىر. كەشەن زالىنا 200-دەن استام ادام ەركىن سيادى. وندا حورەوگرافيا, كينو زالى, كومپيۋتەرلىك بولمە, ءار سالانى قامتي­تىن كىتاپ قورىمەن تولىق­تى­رىلعان باي كىتاپحانا جۇمىس ىستەيدى. سونداي-اق, نەكە قيۋ ءرا­سىمىن وتكىزەتىن زال, تاعى باسقا دا ورىندار جان-جاقتى جابدىق­تا­لىپ, قازىرگى زامانعى اقپا­راتتىق جۇيەمەن قامتاماسىز ەتىلگەن. كەيىنگى كەزدە جەتىسۋ جەرىندە مادەنيەت ۇيلەرىنىڭ بىرىنەن سوڭ ءبىرى پايدالانۋعا بەرىلىپ, حالىق­تىڭ رۋحاني قازىنامىزعا دەگەن قۇشتارلىعىنىڭ ارتا تۇسكەنى ەرەكشە قۋانتادى. ماسەلەن, ءوت­كەن جىلى ەل تاريحىندا ەلەۋلى ەسىمى قالعان شاڭقاناي  انا اۋىلىندا دا  ىرگەلى مادەنيەت ءۇيى بوي كوتەرگەن بولاتىن. ايتا بەرسە, بۇل ايماقتىڭ وزىنە ءتان ونەگەلى تاريحى, زەردەلى زەرتتەۋدى قاجەت ەتەتىن تىلسىم سىرلارى تۇنىپ جاتىر. باسشيلىك ءمولدىر قوج­ابە­كوۆا ەلباسىنىڭ باستاماسىمەن ومىرگە كەلگەن «مادەني مۇرا» باعدار­لاماسىنىڭ حالقىمىز­دىڭ تاۋ­سىل­ماس تاعىلىمدى يگىلى­گىن يگەرۋگە كەڭىنەن جول اش­قانىنا توقتالىپ ءوتتى. ەندى  بۇل اۋىل­دىڭ جاستارى دا ەل مادەنيەتىن دامىتۋعا وزىندىك ۇلەستەرىن قوساتىن بولادى,  دەدى ول. وسى كۇنى مادەنيەت ۇيىندە جاستار وركەندى ونەردىڭ ءورىسىن ۇزارتۋعا دەن قويدى, اۋىل­داس­تارىن ءان مەن جىرعا  سۋسىن­دا­تىپ, ساحنا اجارىن كىرگىزدى. سالتاناتقا ارنايى كەلگەن نۇر­عالي ءنۇسىپجانوۆ تا جەرلەستەرىنە اننەن شاشۋ شاشتى. كەربۇلاقتا كەرەگەسىن كەڭ جاز­عان  ونەر شاڭىراعىندا ءالى تالاي جاستاردىڭ تۇساۋى كەسىلەتىنى انىق. كۇمىسجان بايجان. الماتى  وبلىسى.