بىرىنە-ءبىرى سىلتەيدى

«كوك بازارداعى» ءوزىن-ءوزى جۇ­مىسپەن قامتاماسىز ەتىپ وتىرعان 3500 ادامنىڭ اماناتىن ارقالاپ, بارماعان جەرىمىز, اشپاعان ەسىگىمىز قالمادى. سودان كەيىن ەل گازەتى «ەگەمەنگە» جۇگىنۋگە ءماجبۇر بو­لىپ وتىرمىز. مەملەكەت باسشى­سى­نىڭ تاپسىرماسىنا سايكەس شەنەۋنىكتەر ورتا تاپ وكىل­دەرىنىڭ سانىن ارتتىرۋعا ۇلەس قوسا ما دەسەك بىزدەر ۇلكەن پروب­لەماعا تاپ بولدىق. «كوك بازار» بۇگىندە استانانىڭ حالقىن, بالا-باقشاسىن, جەتىمدەر ءۇي­لەرىن, دۇكەندەرى مەن اسحانا­لا­رىن ارزان ازىق-ت ۇلىكپەن, حالال ەتپەن قامتاماسىز ەتىپ وتىرعان ءىرى ساۋدا ورنى بولىپ تابىلادى. وسى ارا­دا اتاپ ايتپاعىمىز – مامىر ايى­نىڭ 12-سىنەن باستاپ «كوك بازار» عيماراتتارى ەلەكتر جۇيە­سىنەن اجىراتىلدى. ءجونىن سۇراساق, «ەڭبەك-اقمولا» رەسپۋبليكالىق مەم­لەكەتتىك كاسىپورنى باسشىسى­نىڭ تاپسىرماسى بويىنشا وشىردىك دەيدى. ءبىزدىڭ شارۋاشىلىق 2007 جى­لى «امبەباپ ساۋدا بازارى» بولىپ پايدالانۋعا تاپسىرىل­عان. قۇرىلىس كەزىندە «استانا قالالىق ەلەكتر جۇيەسى» كوممۋ­نالدىق مەملەكەتتىك كاسىپورنى بەرگەن «تەحۋسلوۆيا» تالاپتا­رى­نا سايكەس «ەڭبەك-اقمولا» رمك مەنشىگىندەگى ترانسفورماتورلىق پودستانساعا ونداعان ملن. تەڭ­گەگە ەلەكتر جۇيەسىن تارتىپ قو­سىلعانبىز. شارت بويىنشا تۇ­تىنعان ەلەكتر قۋاتىنا مەملەكەت بەلگىلەنگەن تاريفپەن اقشا­سىن ۋاقىتىندا «استانا­ەنەر­گوس­بىت» كاسىپورنىنا تولەپ وتى­رامىز. پايدالانعان ترانس­فور­ماتورلىق پودستانسا ءۇشىن «ەڭ­بەك-اقمولا» كاسىپورنىنا ءار تۇ­تىنعان كيلوۆاتقا قوسىمشا 57 تيىن تاعى تولەپ كەلەمىز. ەكە­ۋىنىڭ الدىندا دا «كوك بازار» مەنشىك يەسى «نۇربە­رە­كە-555» سەرىكتەستىگىنىڭ قارىزى جوق جانە بولعان ەمەس. سوعان قاراماستان, زاڭدى, سونداي-اق شارتتىق مىندەتتەمەلەر بەلىنەن باسىلىپ, بازار جارىقسىز قال­دى­رىلىپ وتىر. بۇگىنگى كۇنى توڭازىتقىشتار ىستەمەيتىندىكتەن, توننا-توننا از­ىق-ت ۇلىك تاۋارلارى ءب ۇلىنىپ, قوقىسقا اينالۋدا, تولەيتىن نەسيەلەرىمىز ءوسىپ, كرەديتور­لارى­مىزدىڭ الدىندا بەلشەمىزدەن شىعىنعا باتۋدامىز. «ەڭبەك-اقمولا» كاسىپورنى بولسا, مەنشىگىندەگى ترانسفور­ما­تورلىق پودستانسانى «استانا قالالىق ەلەكتر جۇيەسى» كا­سىپ­ورنى قابىلداپ السىن دەپ تالاپ قويۋدا. ال سوڭعىسى 50 ملن. تەڭ­گەنىڭ جوندەۋ جۇمىسى بار, سون­دىقتان قابىلدامايمىز دەگەن شەشىمگە كەلگەن. وسىلايشا سا­تۋ­شىلار مەن ساتىپ الۋشىلار ەشبىر جازىقسىز جاپا شەگۋدەمىز. «نۇر وتان» حدپ-نىڭ استانا قالالىق فيليالىنا بارىپ ەدىك, تۇسىنىستىك تانىتپادى, ال­داۋ­سىراتىپ قانا شىعارىپ سال­دى. قولى جۇمىستان كۇس بولىپ, ارقاسى اۋىرتپالىقتان ەڭكەيگەن ادامدارعا كۇل بولماساڭ, ءبۇل بول دەگەندەي كوزقاراس تانىتۋعا بولا ما؟ بازارعا كەلىپ الىپ, باعا كو­تەرمەڭدەر دەيتىندەر بۇل شارۋا ءبىزدىڭ ماسەلەمىز ەمەس دەپ شىق­تى. «نۇر وتان» حدپ-نىڭ ور­تالىق اپپاراتىنا باردىق, وندا ءبىزدى قارسى العان «نۇر وتان» حدپ ورتالىق اپپاراتى قو­عام­دىق قابىلداۋ بولمەسىنىڭ مەڭ­گە­رۋشىسى جۇماجان جۇكەنوۆ, وبا­لى نە كەرەك, قولىنان كەلگەنشە جان-جاققا حابارلاستى, بىراق ونىسىنان ەش ناتيجە شىقپادى. ءبىز بۇدان كەيىن استانا اكىم­دىگىنە باردىق, وندا اكىمنىڭ ور­ىنباسارى ۆاسيلي كرىلوۆ جەرگىلىكتى بيۋدجەتتەن بولەتىن اق­شامىز جوق, وزدەرىڭ 90 ملن. تەڭگە تولەڭدەر, سوندا «استانا قالالىق ەلەكتر جۇيەسى» كاسىپ­ورنىنىڭ باسشىسى تارتىپ بەرەتىنىن ايتتى, دەدى.  ءار تيىندى ەسەپتەپ پايدا­لانىپ وتىرعان بىزدەردە ونداي مول اقشا قايدان بولسىن؟! وسى ماسەلەمەن بىزدەر ءادى­لەت ءمينيسترىنىڭ ورىنباسارى ا.امانباەۆتىڭ جەكە قابىل­دا­ۋى­نا جازىلىپ باردىق. ءمان-جايدى تۇسىندىردىك, ول كۋيس توراعاسىنىڭ مىندەتىن اتقارۋشى م.شاباقباەۆقا جىبەردى, ءوز كەزەگىندە ول «ەڭبەك-اقمولا» كا­سىپ­ورنىنا سىلتەدى. ونىڭ باس­شى­سى بىرەسە الماتى اۋدانىنىڭ اكىمى س.احمەتوۆ رۇقسات ەتپەيدى دەسە, بىردە قالا باسشىلارى قارسى ەكەنىن ايتىپ جالتاردى. امالدارى تاۋسىلعان بازار جۇمىسشىلارى كوشەنى جاپتى. تەلەديداردان مۇڭ-مۇقتا­جى­مىز­دى جەتكىزدىك. بىراق ءبىزدىڭ زارىمىزعا, بىزگە جاسالىپ وتىر­عان قياناتقا ەشكىم نازار اۋدارار ەمەس... ەربول اسانوۆ, امبەباپ «كوك بازار» بازارى اكىمشىلىگىنىڭ باسشىسى.