پارلامەنت دەپۋتاتتارى ءدارىمەن قامتاماسىز ەتۋدىڭ وزەكتى ءماسەلەلەرىن جانە وسى سالاداعى پروبلەمالاردى شەشۋ جولدارىن تالقىلاماق.
پارلامەنتتىك تىڭداۋعا ءماجىلىس توراعاسى نۇرلان نىعماتۋلين جانە پرەمەر-مينيستردىڭ ءبىرىنشى ورىنباسارى اسقار مامين قاتىسادى دەپ كۇتىلۋدە.
شارادا دەنساۋلىق ساقتاۋ مينيسترى ەلجان ءبىرتانوۆتىڭ, ينۆەستيتسيالار جانە دامۋ مينيسترى جەڭىس قاسىمبەكتىڭ, اقتوبە وبلىسىنىڭ اكىمى بەردىبەك ساپارباەۆتىڭ, سونداي-اق دارىلىك ساياسات سالاسىنداعى حالىقارالىق ساراپشى فرانس ستوببەلااردىڭ (نيدەرلاند) تاقىرىپتىق باياندامالارى تىڭدالاتىن بولادى.
سونىمەن بىرگە, تىڭداۋدى دايىنداۋ جونىندەگى ارنايى ۋاقىتشا كوميسسيانىڭ جەتەكشىسى, ءماجىلىس دەپۋتاتى بەيبىت مامراەۆ بايانداما جاسايدى.
پارلامەنتتىك تىڭداۋعا, سونداي-اق, ورتالىق جانە جەرگىلىكتى اتقارۋشى ورگاندار وكىلدەرى, ءىرى فارماتسەۆتيكالىق كاسىپورىنداردىڭ باسشىلارى مەن شەتەلدىك ساراپشىلار, مەديتسينا قىزمەتكەرلەرى, ۇكىمەتتىك ەمەس ۇيىمدار مەن بۇقارالىق اقپارات قۇرالدارىنىڭ وكىلدەرى قاتىسادى دەپ جوسپارلانعان.
تىڭداۋ قورىتىندىسى بويىنشا قازاقستان رەسپۋبليكاسىنىڭ ۇكىمەتىنە ۇسىنىستار ازىرلەنەدى.
