حقدب بەرەتىن قارجى الەۋمەتتىك مەديتسينالىق ساقتاندىرۋدىڭ ۇلتتىق جۇيەسىن ەنگىزۋدى قولداۋعا; مەديتسينالىق كومەك كورسەتۋ جۇيەسىن نىعايتۋعا; الەۋمەتتىك مەديتسينالىق ساقتاندىرۋ ستراتەگياسىنىڭ جوباسىنا مونيتورينگ جۇرگىزۋ مەن باعالاۋعا جىبەرىلەتىن بولادى.
تالقىلاۋ بارىسىندا سەناتورلار قارجىنىڭ ماقساتتى پايدالانۋىنىڭ تيىمدىلىگىن باقىلاۋ جانە قارىزدىڭ قازاقستانعا تۇسەتىن سوماسى قانشا بولاتىنى تۋرالى ساۋال قويدى. قارجى مينيسترلىگى وكىلىنىڭ ايتۋىنشا, كەلىسىمنىڭ قولدانۋ مەرزىمى اياقتالعاندا ءبىزدىڭ ەلىمىز حقدب-گە 92 ميلليون دوللار قايتارۋى ءتيىس ەكەن. قارىزدى قايتارۋ مەرزىمى 5 جىل جەڭىلدىك مەرزىمىن قوسقاندا 15 جىل.
پارلامەنتشىلەر ءدارى-دارمەك باعاسىنىڭ شەگىن رەتتەۋگە جانە مىندەتتى الەۋمەتتىك ساقتاندىرۋ ەنگىزىلگەن جاعدايداعى دارىگەرلىك مەكەمەلەردىڭ جۇمىسىنا قاتىستى كەلىسىمنىڭ جەكەلەگەن ماسەلەلەرىنە نازار اۋداردى.
سەناتور ءالي بەكتاەۆ ءبىلىم بەرۋ تەحنولوگيالارىن قارجىلاندىرۋ, مامانداردى شەتەلدىك اكادەميالىق ورتالىقتاردا وقىتۋ مەن حالىقارالىق كونسۋلتانتتاردى سىرتقى قارىزدار ەسەبىنەن ەمەس, مەملەكەت بيۋدجەتى ەسەبىنەن تارتۋ مۇمكىندىكتەرى تۋرالى سۇرادى.
تالقىلاۋعا دەپۋتاتتار اقان بيجانوۆ, جابال ەرعاليەۆ, سەرىك بەكتۇرعانوۆ, ۆلاديمير رەدكوكاشين, تولەۋبەك مۇقاشەۆ تا قاتىستى.
حقدب-مەن كەلىسىمدى راتيفيكاتسيالاۋ تۋرالى زاڭ جوباسى پالاتانىڭ قاراۋىنا جىبەرىلدى.
