قارىم-قاتىناسقا ۇلكەن ءمان بەردى

كەشە اقوردادا مەملەكەت باسشىسى نۇرسۇلتان نازارباەۆ بۇۇ-نىڭ دامۋ باعدارلاماسىنىڭ (بۇۇدب) ديرەكتورى حەلەن كلاركتى قابىلدادى. كەزدەسۋ بارىسىندا تاراپتار ەكىجاقتى قاتىناستاردى ودان ءارى نىعايتۋ جانە دامىتۋ ماسەلەسىن تالقىلادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. قازاقستان پرەزيدەنتىمەن وتە سىندارلى كەزدەسۋ بولىپ ءوتتى. ءبىز رەسپۋبليكا مەن بۇۇدب اراسىن­داعى ەكىجاقتى ءوزارا قارىم-قا­تى­ناستار ماسەلەسىن تالقىلادىق, سونداي-اق ەلدىڭ قارقىندى ەكونو­مي­كالىق دامۋى مەن قازاق­ستان­نىڭ حالىقارالىق ارەناداعى كوش­باسشىلىق ءرول اتقاراتىنى تۋ­را­لى ماسەلەلەر قوزعالدى. وسى­عان باي­لانىستى ءبىز سونداي-اق قازاق­ستان الەمدىك يادرولىق قارۋسىز­دانۋ ماسەلەسىندە دە كوشباسشى بولىپ تابىلاتىنىن تالقىلادىق, – دەدى حەلەن كلارك جۋرناليستەرگە ارنالعان بريفينگتە. تاۋەلسىزدىك العاننان كەيىن ەلدىڭ ءىجو حالىقتىڭ جان باسىنا شاققاندا 700 اقش دوللارىن قۇراعان ەدى, دەپ جالعاستىردى ءسوزىن مەيمان. ال ەندى – 9000-    10 000 اقش دوللارىن قۇرايدى. قازاقستاندا ەكونوميكانىڭ دا­مۋى مەن ءارتاراپتاندىرۋ جونىن­دە وتە مىقتى, ىسكەرلىك كوزقاراس بار. ونداي كوزقاراس قازاق­ستان­نىڭ ەلورداسى استانانى دامىتۋ بوي­ىنشا دا قالىپتاسقان. مەن قالانى, ونىڭ استانالىق ساۋلەتىن كورىپ تاڭدا­نى­سىمدى جاسىرا ال­مادىم. قازاقستان حالىقارالىق ىستەردە ءوزىنىڭ سىن­دارلى رولىمەن با­رىن­شا تانىمال. وسىعان بايلانىستى ح.كلارك قازاقستاننىڭ وتكەن جىلى ەقىۇ-عا توراعالىق ەتۋىن, بيىلعى جىل­عى يكۇ-عا توراعالىعىن اتاپ ءوتتى. ماڭىزدى حالىقارالىق ءىس-شا­را­لار­دى, ءىرى ەكونوميكالىق فورۋم­دار­دى وتكىزۋى الەم قازاقستانعا ءوز جولىن بەلسەندى تۇردە اشىپ وتىرعانىن كورسەتەدى, دەدى ول ءارى قاراي. قازاقستان, سونداي-اق كوپ­تاراپتى ىنتىماقتاستىقتى العا جىلجىتۋدا بۇۇ-نىڭ بەلسەندى جاقتاۋشىسى بولىپ تابىلادى. وسى ورايدا قازاقستان پارلامەنتى سەناتىنىڭ بۇرىنعى توراعا­سىنىڭ قازىرگى ۋاقىتتا ۇيىمنىڭ باس حاتشىسىنىڭ ورىنبا­سار­لا­رى­­نىڭ ءبىرى رەتىندە جوعارى قىز­مەت اتقاراتىنى بارىنە ايان. وسىن­داي بارلىق جەتىستىكتەردى تاني وتىرىپ, اسىرەسە, ەلدىڭ اي­ماقتاعى ءرولىن ەسكەرىپ, بۇۇدب قازاقستانمەن ستراتەگيالىق ارىپ­­تەس­تىكتى جاڭا دەڭگەيگە كوتە­رۋ نيەتىندە. قازاقستان قازىرگى ۋا­قىت­تا ءوز دامۋىندا وزگە ەلدەرمەن ءوز تاجىريبەسىن ءبولىسىپ, ولار­عا قول­داۋ كورسەتىپ كەلەدى. ءبىز بۇۇ-نىڭ دامۋ جونىندەگى جەتەكشى اگەنتتىگى رەتىندە الەمنىڭ كوپ­تە­گەن ەلدەرىمەن جۇمىس ىستەيمىز جانە وسى با­عىتتا قازاق­ستانمەن ءوزارا قارىم-قاتى­ناس­تارعا ۇلكەن ءمان بەرەمىز.