جىلى راۋىشتەگى جۇزدەسۋ

كەشە پارلامەنت ءماجىلىسىنىڭ توراعاسى ورال مۇحامەدجانوۆ يتاليا رەسپۋبليكاسىنىڭ ەلىمىزدەگى توتەنشە جانە وكىلەتتى ەلشىسى برۋنو انتونيو پاسكۋينونى قابىلدادى, دەپ حابارلادى پالاتانىڭ ءباسپاسوز قىزمەتى. بۇل جۇزدەسۋ يتاليا ەلشىسىنىڭ قازاقستانداعى ديپلوماتيالىق قىز­مەتىنىڭ اياقتالۋىنا بايلا­نىس­تى ءوتىپ وتىر. 2006 جىلى جەلتوقسان ايىندا وسى قىزمەتكە تاعايىندالعان ول ەلىمىزگە باۋىر باسىپ قالعانىن دا جاسىرمادى. «قازاقستاندا ەلشى بولىپ قىز­مەت ىستەۋدە ماعان ەشقانداي قيىن­دىق­تار تۋىنداعان جوق. ۇنە­مى قول­داۋ مەن كومەككە يە بول­دىم. قازاق ەلىن بارىنشا تا­نىپ-بىلۋگە تىرىس­تىم. كوپ ماعلۇمات الدىم. بۇل ەل الداعى ۋاقىتتا دا مەن ءۇشىن ىستىق بولىپ قالا بەرمەك. ءتىپتى مەنىڭ يتا­لياداعى ءۇيىم­نىڭ قارسى بەتىندە قا­زاقستان ەلشىلىگى ورنالاسقان. كۇندە تاڭ­ەرتەڭ تۇرعاندا جەلبىرەپ تۇرعان قازاق­ستان­نىڭ كوك تۋىن كورە­مىن», – دەدى ب.ا.پاسكۋينو اعىنان جارىلىپ. ءماجىلىس توراعاسى ەلشىنىڭ قوس مەملەكەتكە سىڭىرگەن ەڭبەگىن جوعارى باعالايتىنىن ايتا كەلىپ, قازاقستان ەلى مەن حالقىنا بىلدىرگەن جىلى لەبىزى ءۇشىن ريزا­شى­لىعىن جەتكىزدى. قازاقستان مەن يتاليا اراسىنداعى ىنتىماق­تاس­تىق بايلانىس بارلىق سالا بوي­ىنشا قارقىندى دامىپ كەلە جا­تىر. بۇعان ەكى ەلدىڭ باسشىلارى وتكىزگەن كەزدەسۋلەر, جاساسقان كەلىسىم-شارتتار سەرپىن بەرىپ وتىر. سونىمەن قاتار, ەكى ەلدىڭ دوستىق بايلانىسى ارتا تۇسۋىنە قازاق­ستاننىڭ يتالياداعى ەلشىسى­نىڭ جانە يتاليانىڭ قازاقستانداعى ەلشىسى – ءسىزدىڭ قوسقان ۇلەسىڭىز بار. ويتكەنى, ءبىزدىڭ بابالارىمىز ەرتە زاماندا-اق  «ەلدەستىرمەك – ەلشىدەن» دەپ اتالى ءسوز ايتىپ كەتكەن –  دەدى ورال مۇحامەد­جانوۆ. «ەگەمەن-اقپارات».