• 20 مامىر, 2011

مادەنيەت ماسەلەلەرى ءسوز بولدى

525 رەت

كورسەتىلدى

1 مين

وقۋ ءۇشىن

Egemen Qazaqstan

قازاقستان رەسپۋبليكاسىنىڭ مادەنيەت ءمينيسترى مۇحتار قۇل-مۇحاممەد ءوزىنىڭ قىتايلىق ارىپتەسى تساي ۋ-مەن كەزدەسۋ وتكىزدى, دەپ حابارلادى مادەنيەت مينيسترلىگىنىڭ ءباسپاسوز قىزمەتى. ونىڭ بارىسىندا مادەنيەت سالاسىنىڭ ەكىجاقتى قارىم-قاتىناسىنا قاتىستى ءبىرقاتار ءماسەلە قاراستىرىلىپ, تالقىلاندى. سونىمەن قاتار, ەكى جاق شانحاي ىنتىماقتاستىق ۇيىمى شەڭبەرىندە مادەني بايلانىستاردى ودان ءارى نىعايتۋدىڭ ماڭىزدىلىعىن اتاپ كورسەتتى. م.قۇل-مۇحاممەد مادەنيەت مەملەكەت جانە ءتىل شەكاراسىن مويىندامايتىن بىردەن-ءبىر سالا ەكەنىن اتاپ ءوتىپ, مۋزەي ءىسى سالاسىنداعى ەكىجاقتى قارىم-قاتىناستى جانا ساپالى دەڭگەيگە شىعارۋ قاجەتتىگىنە توقتالدى. قازاقستان ءوزىنىڭ تاريحىن كورشىلەس جاتقان قىتايدىڭ تاريحىمەن ساباقتاستىقتا قارايتىندىعىنا نازار اۋداردى. قىتايلىق مەيمان ءوز كەزەگىندە مادەني جانە رۋحاني بايلانىستاردىڭ ودان ءارى نىعايا بەرەتىندىگىنە سەنىم ءبىلدىرىپ, كينەماتوگرافيا, ءمادەني جانە تاريحي ماڭىزى بار ەسكەرتكىشتەردى ساقتاۋ, مۋزەي ءىسى سالاسى بويىنشا قارىم-قاتىناستاردى جانداندىرا ءتۇسۋ قاجەتتىگىنە باسا نازار اۋداردى.