كوممۋنيكاتسيادان كەمدىك بولمايدى

اقتوبە قالاسىنىڭ ماڭىنان جەر الىپ, جەكە تۇرعىن ءۇي سالۋشى­لار قاتارى جىل سايىن كوبەيە تۇسۋدە. جاڭادان بوي كوتەرگەن شا­عىن اۋداندار تۇرعىندارىن قيناي­تىن ماسەلە –  ينجەنەرلىك-كوممۋ­ني­كاتسيالىق جەلىلەردىڭ ۋاقىتىلى جۇرگىزىلمەۋى بولىپ وتىر. قالا اكىمدىگى وسى ءبىر وزەكتى ماسەلەنى شەشۋدى قولعا الدى.  بيىل قالا ماڭىنداعى ەلدى مەكەندەردى ينجەنەرلىك كوممۋنيكاتسيالارمەن قام­تۋ­عا بولىنەتىن قارجى كوبەيمەك.  ەگەر 2009 جىلى  9 ەلدى مەكەندە, 2010 جىلى  13 اۋىلدا ينجەنەرلىك جەلىلەر  جۇرگىزىلگەن بولسا, 2011 جىلى 20 ەلدى مەكەنگە ينجەنەرلىك-كوممۋنيكاتسيالىق  جەلىلەر جەتكىزىلەدى دەپ كۇتىلۋدە. سوڭعى ون جىل ىشىندە جەكە تۇرعىن ءۇي قۇرىلىسىنا 10 مىڭنان استام جەر ۋچاسكەسى بولىنگەن. بۇل اۋىلداردىڭ دامۋىنا, جاڭادان 27 ەلدى مەكەننىڭ پايدا بولۋىنا جانە وبلىس ورتالىعى ماڭىنداعى تۇر­عىن­دار سانىنىڭ وسۋىنە ىقپال ەتتى. ءبىر اتتەگەن-ايى, كەزىندە تۇرعىن­دارعا جەر ۋچاسكەلەرى بولىنگەنىمەن ينفراقۇرىلىم قۇرىلىسىنا قار­جى قارالماعان. قازىرگى تاڭدا ولار­دى ينجەنەرلىك-كوممۋنيكاتسيالىق جەلىلەرمەن  قامتاماسىز ەتۋ قا­جەت­تىلىگى تۋىنداۋدا. بۇل ماسەلە قالا اكىمى ارحيمەد مۇحامبەتوۆ­تىڭ قالا ماڭىنداعى اۋىلدار تۇر­عىندارىمەن كەزدەسۋىندە كەڭىنەن اڭگىمە بولدى. قالا باسشىسىنىڭ ايتۋىنشا,  الداعى ۋاقىتتا بيۋدجەتتىڭ نەگىزگى قارجىسى سەلولىق ەلدى مەكەندەر مەن جەكە قۇرىلىس ماسسيۆتەرىن دامىتۋعا, ينجەنەرلىك جەلىلەر قۇ­رىلىسىنا جۇمسالاتىن بولادى. وسى ماقساتتا قالا اكىمدىگىندە 2011-2017 جىلدارعا ارنالعان ين­جە­نەرلىك-كوممۋنيكاتسيالىق ين­فرا­قۇرىلىمداردى قايتا جاراق­تان­دىرۋ, سالۋ جانە از قاباتتى  تۇرعىن ءۇي  ماسسيۆتەرىن  دامىتۋ­دىڭ جوسپارى جاسالعان. 2005-2010 جىلدارعا ارنالعان تۇرعىن ءۇي قۇرىلىسىن دامىتۋدىڭ وڭىرلىك باعدارلاماسىنا سايكەس, بيۋدجەتتىك قارجىلار ءبىرىنشى كەزەكتە, يپوتە­كالىق جانە كوممۋنالدىق ۇيلەر مەن جەكە تۇرعىن ءۇي قۇرىلىسىنىڭ جاڭا قۇرىلىس اۋداندارىن ينجە­نەرلىك-كوممۋنيكاتسيالىق جەلىلەرىمەن جابدىقتاۋعا جۇمسالدى. قا­لا اكىمى 2011 جىلى 31 نىساننىڭ قۇرىلىسىن جۇرگىزۋ جوسپارلانىپ وتىرعانىن جەتكىزدى. وعان بيۋد­جەتتەن 5 ملرد.تەڭگە ءبولىنىپتى. بۇل قارجى وسى نىسانداردىڭ ينجەنەرلىك-كوم­مۋنيكاتسيالىق ينفراقۇرىلىم­دارىن دامىتۋعا جۇمسالماق. بيىل ك.نوكين  اۋىلىندا, «اق­جار-1», «روسسوۆحوز», زارەچ­نىي-4, 41-رازەزد اۋدانىندا, لەسنوە اۋىلىندا ەلەكتر جارى­عى­مەن جابدىقتاۋ جەلىلەرىن ءجۇر­گىزۋ جوسپارلانىپ وتىر. ال «ياسنىي-2», «اقجار-2» (2-ءشى كەزەك), اقجار ( ەسكى بولىگى), «جاستار-2» شاعىن اۋدانىندا, «زارەچ­نىي-4» اۋىلىندا سۋمەن جابدىق­تاۋ جەلىلەرىنىڭ قۇرىلىسىن سالۋ كوزدەلۋدە. قازىرگى ۋاقىتتا سازدى سەلوسىنداعى سۋ قۇبىرى كەشەنى­نىڭ قۇرىلىسىنا بايقاۋ وتكىزىلىپ, «زاپكازستروينۆەست» جشس مەر­­دىگەر بولىپ بەلگىلەندى. بۇل نىسان 2012 جىلى ىسكە قوسى­لاتىن بولادى. ۇستىمىزدەگى جىلى قىزىلجار (ەسكى بولىگى) جانە پريگورودنىي اۋىلىن سۋمەن جاب­دىقتاۋ جەلىلەرىنىڭ قۇرىلى­سىنا جوبالىق-سمەتالىق قۇجات­تا­ر دايىندالادى. ساتىبالدى ءساۋىرباي, اقتوبە وبلىسى.