اۋدارماتانۋدىڭ وزەكتى ماسەلەلەرى

كەشە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە «مەملەكەتتىك ءتىل جانە اۋدارما­تانۋ­دىڭ وزەكتى ءما­سەلە­لەرى» اتتى رەسپۋبليكالىق عىلى­مي-تەوريا­لىق كونفەرەنتسيا ءوتتى. ونى ءما­دەنيەت مي­نيسترلىگىنىڭ ءتىل كوميتەتى, ش.شاياح­مەتوۆ اتىن­داعى ءتىل­دەردى دامى­تۋ­دىڭ رەسپۋب­ليكا­لىق ۇيلەس­تىرۋ-ادىستەمەلىك ور­تا­لى­عى مەن ل.ن. گۋ­ميلەۆ اتىن­داعى ەۋرازيا ۇلتتىق ۋنيۆەرسيتەتى ۇيىمداستىردى. اتالعان شارانى مادەنيەت مينيسترلىگى ءتىل كوميتەتىنىڭ توراعاسى باۋىرجان وماروۆ, سونداي-اق ەۋرازيا ۇلتتىق ۋنيۆەرسيتەتىنىڭ پرو­رەكتورى زيابەك قابىلدينوۆ قۇت­تىقتاۋ سوزبەن اشتى. مەملەكەتتىك ءتىل قۇزىرەتتىلى­گىن ارتتىرۋ جانە جالپى ءتىل ءبىلىمى مەن اۋدارماتانۋ سالاسىنىڭ وزەكتى ماسەلەلەرىن زاماناۋي تالاپ-مەجە تۇرعىسىنان باعامداپ, عىلىمي-تەوريالىق ويلاردى سا­راپتاۋدى, تاجىريبە الماسۋدى ماق­سات ەتكەن كونفەرەنتسيا جۇمى­سىنا نەگىزىنەن ءوز ەلىمىزدىڭ, تاتارستان, چۋۆاش رەسپۋبليكا­لارى­نىڭ عالىمدارى قاتىستى. جيىننىڭ پلەنارلىق ءماجىلى­سىندە مەملەكەتتىك ءتىلدى وقىتۋ­داعى يننوۆاتسيالىق تەحنولوگيالار مەن قازىرگى ءتىل بىلىمىندەگى جا­ڭا باعىت­تار جانە اۋدارما­تانۋ­دىڭ وزەكتى ءما­سەلەلەرى جونىندە تاتارستان رەس­پۋب­ليكاسى عىلىم اكادە­مياسىنىڭ اكادەميگى م.زاكيەۆ, رەسەي گۋما­ني­­تار­لىق عىلىمدار اكادەميا­سى­نىڭ اكادەميگى, پروفەسسور يۋ.مي­ننەگۋلوۆ, ا.بايتۇر­سىن ۇلى اتىن­داعى ءتىل ءبىلىمى ينس­تيتۋتىنىڭ دي­رەكتورى, پروفەسسور ش.قۇرمان­باي ۇلى, چۋۆاش مەملەكەتتىك ۋني­ۆەرسيتەتىنىڭ پروفەس­سورى ن.ەگوروۆ, سونداي-اق, «ەگەمەن قا­زاق­ستان» رەسپۋبليكا­لىق گازەتى» اكتسيونەرلىك قوعامى­نىڭ پرە­زيدەنتى, فيلولوگيا عىلىم­دا­رى­نىڭ دوك­تورى س.ابدراحمانوۆ سىندى ءتىل ءبىلىمى جانە اۋدارماتانۋ سالا­سىندا ەڭبەك ەتىپ جۇرگەن عا­لىم زەرتتەۋشىلەر بايانداما جاسادى. كونفەرەنتسيا جۇمىسى «مەملەكەتتىك ءتىلدى وقىتۋداعى يننو­ۆاتسيا­لىق تەحنولوگيالار» ءجا­نە «قازىر­گى ءتىل بىلىمىندەگى جا­ڭا باعىتتار جانە اۋدار­ما­تانۋدىڭ وزەكتى ماسە­لەلەرى» اتتى سەكتسيا­لىق ءماجىلىس­تەرگە جال­عاستى. ماسەلەن, «مەملەكەتتىك ءتىلدى وقىتۋداعى يننوۆاتسيالىق تەحنولوگيالار» اتتى سەكتسيادا مەملەكەتتىك ءتىل تۋرالى زاڭنىڭ جاڭا جو­با­سى جانە حالىقارالىق تەرميندەر اۋدارماسىنىڭ ەرەكشەلىكتەرى, قا­زاق ءتىلىنىڭ قولدانىلۋ اياسىن كە­ڭەي­تۋدەگى ىلەسپە اۋدار­مانىڭ ءرولى, الەم كەڭىستىگىندەگى قازاق ءتىلى, ونو­ماستيكالىق اتاۋ­لاردى ستاندارتتاۋ جانە نورمالاۋ ماسەلەلەرى, ستۋدەنتتەردى ق­ا­زاق­شا سويلەۋگە ءۇي­رەتۋدە تەرمي­نو­لو­گيا­لىق سوزدىك­تىڭ اتقارار ءرولى جايىندا كەڭ اۋ­قىمدا اڭگى­مە قوزعالدى. ال «اۋ­دارما­تانۋ­دىڭ وزەكتى ماسەلە­لەرى» اتتى سەكتسيادا عالىمدار اۋدارماشى­لار­دىڭ تەحني­كاسى مەن شەبەر­لىگى­نىڭ ەرتە زاماننان قازىرگە دەيىنگى قالىپ­تاسۋ ۇدە­رىستەرى, اۋدارما­شى­نىڭ قىزمەت­تىك ادەبى, اۋدارما­لار­دى ساراپتاۋ ءجۇ­يەسى, اۋدارماتانۋ­دىڭ وزەكتى ماسە­لەلەرى, رەسمي قۇ­جات اۋدار­ما­سىن­داعى تەرمين­دەردىڭ كورى­نىسى, سون­داي-اق, قازاق اۋدار­ما­تانۋىنداعى پەرسپەكتيۆا­لارى ءجو­نىندە ءسوز بولدى. «ەگەمەن-اقپارات».