عابدوللا توقايدىڭ ەسكەرتكىشى

بيىل عابدوللا توقايدىڭ (1886-1913) تۋعانىنا 125 جىل تولادى. سوعان وراي رەسەيدە وتاندىق جانە الەم­دىك ءسوز ونەرىنە وزىندىك شىعار­ما­شىلىق ۇلەسىن قوسقان كورنەكتى اقىن­نىڭ مە­رەيتويى اياسىندا كوپتەگەن ءىس-شا­رالار جۇزەگە اسى­رىلۋدا. وسىناۋ تاتار پوەزياسى كلاسسيگى­نىڭ كۇن­دەرى جاقىندا رەسەي اس­تا­ناسىندا بولىپ ءوتتى. الداعى ۋاقىتتا اقىن شى­عار­­ما­شىلىعىنا ارنالعان سەمينارلار, پوە­زيا كەشتەرى, كور­مەلەر رەسەي ءوڭىر­لە­رىندە جال­عاسپاق جانە ءبىر­قاتار شەت ەلدەردە دە ناق­تى ءىس-شارا­لاردى ج­ۇزە­گە اسىرۋ كوزدەلۋدە. باۋىرلاس تاتار حالقىنىڭ ۇلى پەرزەنتىنە ارنالعان مەرەكەلىك ءساتتىڭ ما­ڭىزدى كورىنىسى – عاب­دوللا توقايعا ءماس­كەۋدە ورنا­تىلعان ەسكەرتكىش. رەسەيدىڭ ەڭ­بەك سىڭىرگەن سۋرەتشىسى سالاۋات ششەر­باكوۆ­تىڭ شىعارماشىلىق ەڭبەگى­نىڭ جەمىسى بو­لىپ تابى­لاتىن بۇل مونۋمەنت تاياۋدا نوۆوكۋزنەتسكي كوشەسىندەگى گۇل­زار­دا اشىلدى. عابدوللا توقاي ەسكەرت­كىشىنىڭ اشىلۋ قۇرمەتىنە وراي ماسكەۋ جانە تاتارستان رەسپۋب­ليكاسى ءما­دەنيەت قايراتكەر­لەرى­­نىڭ قاتىسۋى­مەن ۇلكەن كونتسەرت ۇيىم­داس­تىرىلدى, ال ماسكەۋدىڭ ا.پۋشكين اتىن­­داعى دراما تەاترى ساح­ناسىندا ت­ا­تار­ستان­نىڭ مەملەكەتتىك جاستار تەاترى عابدوللا توقاي شىعارمالارى نەگىزىندە ازىرلەن­گەن سپەكتاكل كورسەتتى. سەرىكقالي بايمەنشە, «ەگەمەن قازاقستان» – ماسكەۋدەن.