ارتىق قىلامىن دەپ, تىرتىق قىلدى ما؟

مال-جاننىڭ اماندىعىن الدىمەن سۇرايتىن قازاقتىڭ بالاسىمىز. ءتورت ت ۇلىكتى قاتار باعىپ, دالا ءتوسىن ەمىزىپ, اجەتى­مىز­گە جاراتامىز ازەلدەن. كوشپەلى قازاقتىڭ اينىماس سەرىگى بول­عان ءتورت ت ۇلىك بۇگىنگى كۇنى دە حالىقتىڭ تاماق اسىرايتىن دۇنيەسى. سوندىقتان اۋىلداعى شارۋا جۇرت قوراسىنداعى قا­راسىن كوزىنىڭ قاراسىنداي ساقتايدى دەسەك, ارتىق ايتقاندىق ەمەس-ءدۇر. بۇرىن ەل ەستىپ, كوز كورمەگەن اۋرۋلار پايدا بولا باستادى. زامانىنا قاراي دەيمىز بە, الدە «اقىرزامان تايانعاندا بار بالە جەردىڭ بەتىنە شىعادى» دەگەندى العا تارتامىز با, ءاي­تە­ۋىر, قازىر مالدىڭ دا اۋرۋى كوپ. سونىڭ ءبىرى قىرىم-كونگو قاندى بەزگەگى. قايبىر جىلى كورشى جاتقان وڭتۇستىك قازاقستان وب­لى­سىنان وسى اۋرۋدىڭ وشاعى تابىلىپ, الدى ادام قازاسىنا دەيىن بارعان. سودان بەرى ۇكىمەت وسى اۋرۋدىڭ الدىن الۋدى مىق­تاپ قولعا العان. بۇدان كەيىن اتالعان اۋرۋدىڭ ءتۇرى سىردىڭ بويىنان دا تابىلدى. نەگىزگى وشاعى جاڭاقورعان, شيەلى, سىر­داريا اۋداندارى بولىپ شىق­تى. جىل سايىن كوكتەم شىق­قاندا ارنايى ماماندار وسى اۋرۋدىڭ الدىن الىپ, مال­داردى دارىلەي باستايدى. وعان الدىن-الا اقشا ءبولىنىپ, ونى الدەبىر كومپانيا جەڭىپ الىپ, اۋرۋدى زالالسىز­دان­دىرۋعا كىرىسەدى. بيىل دا سولاي بولدى. «قىزىلوردا وب­لى­سىنىڭ جۇمىلدىرۋ دايىن­دى­عى, ازاماتتىق قورعانىس جانە اۆاريالار مەن دۇلەي اپات­تار­دىڭ الدىن-الۋدى جوسپارلاۋ جانە جويۋدى ۇيىمداستىرۋ» باسقارماسى قىرىم-كونگو قاندى بەزگەگى اۋرۋىن زالالسىزداندىرۋ ءۇشىن اشىق كونكۋرس وتكىزەدى. ونى وڭتۇستىك قازاقستان وبلىسىنىڭ «ءتورت ت ۇلىك بەلگىلەرى» جشس جە­ڭىپ الادى. ءسويتىپ, وبلىس شەڭ­بە­رىندەگى مالداردى ەمدەۋگە كىرىسىپ كەتەدى. ايماق بويىنشا 331533 باس مالدى زالالسىزداندىرۋ كەرەك بولسا, بۇگىندە ونىڭ 96645 با­سى دارىلەنگەن ەكەن. 2716590 شارشى مەتر قورانىڭ 741174 شارشى مەترى دارىلەنگەن. قىس­قا­سى, جۇمىس رەتىمەن ءجۇرىپ جاتقان. دەگەنمەن, قىزىلوردا قالاسىنىڭ ىرگەسىندەگى قاراۋىلتوبە اۋىلىن­داعى مالدار­دى زالالسىزداندىرۋ كەزىندە كە­لەڭ­سىز وقيعا تىركەلدى. ەندى وسى وقي­عا تۋرالى بايان ەتەلىك. 6 مامىر كۇنى تاڭسارىدە, ياعني ساعات 7 شاماسىندا قاراۋىلتوبە اۋىلىنداعى 100 باس مال قىرىم-كونگو قاندى بەزگەگىنە قارسى زا­لال­سىزداندىرىلادى. مال ورىسكە كەتەدى. سودان جارتى ساعاتتان كەيىن سيىرلار بىرەنەن سوڭ ءبىرى توپىرلاپ قۇلاي باستايدى. ءار جەردە قۇلاعان سيىر دوڭكيىپ ولە بەرەدى. بىردەن ورىسكە كەتكەن مال­دى قايتا جيناپ, جەدەل تەكسەرۋ جۇرگىزىلەدى. الدىن-الا تەكسەرۋ با­رى­سىندا سيىرلار­دىڭ ۋلانعانى انىقتالعان. سونى­مەن 33 باس مال سول كۇنى ءولىپ قالا­دى. حالىق ۇلار­داي شۋلايدى. شۋ­لاماعاندا قايتسىن, قولىنداعى ما­لىن اۋرۋدان ساقتايمىز دەپ ءولتىرىپ السا. ولگەن مالداردان الىنعان سىنا­مالار قازىر الماتىعا جىبەرىلدى. مال ءولىمىنىڭ انىق-قانىعى سوندا زەرتتەلىپ جاتىر. ولگەن 33 مال 3 مەتر تەرەڭ­دىك­تە قازىلعان شۇڭقىرعا كومىل­گەن. قالعان ۋلانعان مالدار ەمدەلگەن. دەگەنمەن, قازىر ولاردى ساۋعا, سويۋ­عا, ساتۋعا بولمايدى. سەبەبى, دەر­تىنەن تولىق ايىقپاعان. ونىڭ سۇتىنەن, بولماسا ەتىنەن ادامدار ۋلانۋى مۇمكىن. سول سەبەپتى ولار قاتاڭ قاداعالاۋدا تۇر. ال ولگەن مالدىڭ يەلەرىنە بازار باعاسىمەن 4,130 ميلليون تەڭگە وتەماقىسى ءتو­لەنگەن. سولايشا, حالىق تىن­شىدى. مالدىڭ ۋلانۋ سەبەبى نە؟ «ءتورت ت ۇلىك بەلگىلەرى» جشس زا­لال­سىزداندىرۋعا 60 پايىزدىق «ديو­زينون» پرەپاراتىن پايدا­لان­­عان. ماماندار مالدىڭ ۋلا­نۋىن وسىدان كورىپ وتىر. دەگەنمەن, تولىق ساراپتاما شىق­پايىن­شا كەسىپ-ءپىشىپ ەشتەڭە ايتۋعا كەل­مەيدى. بۇگىندە قىرىم قاندى بەزگەگىنە قارسى جۇمىستار ۋاقىت­شا توقتاتىلىپ تۇر. ەگەر «ءتورت ت ۇلىك بەلگىلەرى» جشس-نىڭ كىناسى تابىلسا, وندا ولار جۇمىستان شەتتەتىلەدى. ال ازىرگە قاراۋىل­توبە اۋىلىنداعى جاعداي بىرقا­لى­پ­تى. قوسىمشا ولگەن نەمەسە ۋلان­عان مال تىركەلگەن جوق. ەرجان بايتىلەس. قىزىلوردا وبلىسى.