ساۋلەلى دياگنوستيكا مۇمكىندىكتەرى

جۋىردا ەلورداداعى تراۆماتولوگيا جانە ورتوپەديا عىلىمي زەرتتەۋ ينستيتۋتىندا «فيليپپس» كومپانياسىنىڭ قول­داۋى­­­مەن حا­لىقارالىق ورتوپەديا قوعامىنىڭ (ISS Outreach) اي­ماقتىق ءبىلىم بەرۋ باعدار­لا­مالارى اياسىندا تۇڭعىش رەت شەبەرلىك سىنىپتارى مەن سەمينارلار ۇيىمداس­تى­رىل­دى. اۆستريا, ۇلىبريتانيا جانە رەسەيدەن كەلگەن ماماندار شەبەرلىك سى­نىپ­تارىن وتكىزىپ, تراۆماتولوگيا جانە ورتوپەدياداعى وزىق دياگ­نوستيكالىق امالدار تۋرالى ءاڭ­گى­مەلەدى. ال سەميناردىڭ ءوزى ەكى كۇنگە سوزىلدى. بۇعان ەۋروپالىق, رەسەيلىك, قازاقستاندىق ماماندار قاتىسىپ, ساۋلەلىك دياگنوستيكا سا­لاسىنداعى جاڭالىقتارمەن ءبو­لىستى. نەگىزىنەن بايانداماشى­لار­دىڭ دەنى تراۆماتولوگيا جانە ور­توپەدياداعى ماگنيتتى-رە­زو­نانس­تى توموگرافيا جانە كومپيۋتەرلىك توموگرافيا جونىندە بايان­دادى. قازىرگى تاڭدا جاراقات الۋ­شى­لىق تەك ءبىزدىڭ ەلىمىزدىڭ شەڭ­بەرىندە عانا ەمەس, الەمدىك دەڭ­گەيدەگى ۇلكەن ماسەلەگە اينالىپ وتىر. دەنساۋلىق ساقتاۋدى دامى­تۋ ءۇشىن جاسالعان «سالاماتتى قا­زاقستان» باعدارلاماسىندا 2011-2015 جىلدارى جاراقات الۋشى­لىقتى, ودان بولاتىن ءولىم-ءجىتىم­دى ازايتۋ اتاپ وتىلگەن. ويتكەنى, اۋرۋ تۇرلەرىنىڭ اراسىندا جارا­قاتتىڭ سالدارىنان جۇمىسقا قا­بىلەتسىزدىك جانە ءولىم-ءجىتىم ەكىنشى ساتىدا تۇر. تراۆماتولوگيا جانە ورتوپەديا عىلىمي-زەرتتەۋ ينستيتۋتىنىڭ مالىمەتىنە ءجۇ­گىنسەك, 2009 جىلى 100 مىڭ ەرەسەك تۇرعىنعا شاققاندا 4120 ادام جاراقات العان. اتالمىش ينستيتۋتتىڭ ديرەكتورى, پروفەسسور نۇرلان باتپەنوۆ «زاماناۋي دياگنوستيكانىڭ مۇمكىندىكتەرىن يگەرۋ جاقسى جەتىستىكتەرگە جەتكىزەدى. ءبىز ناۋقاستىڭ جاعدايىن الدىن-الا ءبىلىپ, شارا قولدانا الامىز. اسىرەسە, سۇيەكتەردە بو­لا­تىن ىسىكتەر مەن جاراقاتتىڭ قان­شالىقتى اۋىرلىعىن ءبىلۋ ءۇشىن ساۋلەلى دياگنوستيكانىڭ كومەگى زور» – دەيدى. حالىقارالىق ورتوپەديا قو­عامىنىڭ وتكىزىپ جاتقان شارا­لارى ەلىمىزدىڭ دەنساۋلىق ساق­تاۋ سالاسى ءۇشىن ماڭىزدى ءارى وزەكتى ەكەنىن اتاپ ايتۋىمىز كەرەك. ويتكەنى, مەديتسينالىق مەكەمەلەردى سوڭعى ۇلگىدەگى تەحنو­لوگيا­مەن جابدىقتاۋ, سول تەحنو­لو­گيا­لاردىڭ ءتىلىن مەڭگەرگەن ما­ماندار دايارلاۋ ماسەلەسى سوڭ­عى جىل­­­دارى وزەكتىلىگىن ساقتاپ وتىر. 2011-2015 جىلدارعا ار­نال­عان «سالاماتتى قازاقستان» باعدار­لا­ماسىنىڭ تالابى دا مامان­داردىڭ كاسىبيلىگىن ارت­تىرۋ مەن وزىق تەحنولوگيا­لار­دى قولدا­نىپ, حالىقتىڭ دەن­ساۋلى­عىن ءتۇ­زەتۋگە باعىتتالعان. وسى ورايدا تراۆماتولوگيا ءجا­نە ورتوپەديا سالاسىندا ساۋلەلى دياگ­نوستي­كا­نى قولدانۋدىڭ قىر-سى­رىن وزىق ۇيرەنۋدىڭ ماڭىزى زور. ايگۇل سەيىلوۆا.